Ezra 5:11 - De Beebaa Dabu

¹¹ Gai aanei alaadeu muna ne tala mai gi gimaadeu: ‘Gimaadeu ni dangada hai hegau niio de Maadua o de langi ma henua i lalo, gai gimaadeu e hagaahe age nei de hale daumaha ne hagaduu laa madagidagi loo, go de hale daumaha a dahi hodooligi maolunga o Israel ne hagaduu ga lava.

Ezra 5:11 Referans Kwoze

Galatians 6:14

Aagai de Maadua e dee dugu mai donu au gi duuhia donu huu au i dahi mee daudahi, aagai au e tuhi donu huu de laagau lui o taadeu Dagi Maolunga go Iesu Klisdo, go de laagau lui oogu ne magau ange ai henua i lalo, ma lodo o henua i lalo.

Romans 6:16

E aha, goodou e dee iloo bolo noo goodou e dugu ange goodou e hai ai tangada hai hegau o dahi, gai goodou gu ni dangada hai hegau donu niiona — e dee hilihili be goodou e hai hegau ange gi de haisala, e dagina ange laa goodou gi maakau, aabe e hagallongo ange gi de mee e haia ga heohi goodou.

Romans 1:16

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

Acts 27:23

Anaboo gai tangada de langi o de Maadua, go dogu Maadua, go de ia oogu e daumaha ange nei aagena, ne humai ga duu i ogu gaogao,

Luke 12:8

“Au e hai adu gi goodou, be goai e daalaa bolo ia se dangada niiogu i madamada o dangada, gai Tama a Tangada e tala naa hogi bolo ia se dangada niiona i madamada o denga dangada de langi o de Maadua.

Matthew 10:32

“Be goai e daalaa bolo ia se dangada niiogu i madamada o dangada, gai au e tala naa hogi bolo ia se dangada niiogu i mada luu mada o dogu Damana i de langi.

Jonah 1:9

Gai ia ne hai ange gi gilaadeu, “Au se dangada Hebrew. Au e daumaha ange gi Tagi Maolunga, de Maadua o de langi, go de ia ne haia tai ma de henua.”

Daniel 3:26

Gai Nebuchadnezzar ne hano ga hagabaa ange gi de haitoga o de mommee iai de ahi mmahi laa; gai ia ga oo ga hai ange, “Shadrak, ma Meshak aama Abednego, de gau hai hegau o de Maadua Maolunga Mmao laa, goodou ssao mai! Gai loomai gi kinei!” Gai Shadrak, ma Meshak, aama Abednego ga ssao mai i lo te ahi laa,

Psalm 119:46

Au e tala hogi au muna i madamada o denga hodooligi, gai au e dee dogaa naa donu;

Joshua 24:15

Aagai noo e dee heohi mai i oodou daha de daumaha ange gi Tagi Maolunga, gai ailaa nei goodou hilihilia be goai oodou e daumaha ange aagena: go denga diinonga a oodou dubuna madagidagi nogo daumaha ange aagena i de baasi laa o Euphrates, aabe go diinonga o de gau Amor oodou e nnoho naa i olaadeu magavaa i delaadeu henua. Aagai au ma dogu huaabodu, gimaadeu e daumaha ange gi Tagi Maolunga.”

1 Kings 6:38

Gai de madaangahulu ma dahi huu ngadau, i de valu malama go Bul, gai gu lava de hale ma ono mee alodahi, bei de hai gu tala ange ai laa. Gai ne hidu ngadau a Solomon ne hagaduu ai de hale laa.

Ezra 5:10

Gimaadeu ne ssili ange hogi olaadeu ingoo, gi maua ai e gimaadeu i de daohi ga hagailoo adu gi de goe.

Psalm 136:26

Hagaahe ange de abodonu gi de Maadua o de langi. Dono abodonu e dagodo ga hano ai.

Genesis 24:3

gai koe ga hagatoo donu mai gi de au, i de ingoo o Tagi Maolunga, de Maadua o de langi ma henua i lalo, bolo koe e dee kave donu dahi bodu moo dagu dama, mai i denga damaa hine a de gau Canaan, go dangada oogu e noho nei i olaadeu magavaa,

1 Kings 9:10

Gai ga odi huu de madalua ngadau a Solomon ne hagaduu ai laa de hale o Tagi Maolunga aama dono hale donu,