Ezra 10:44 - De Beebaa Dabu

⁴⁴ Gilaadeu nei alodahi ne hai bodu ange gi hanu haahine henua gee; gai hanu gilaadeu gu hanu donu alaadeu dama ange gi denga haahine laa.

Ezra 10:44 Referans Kwoze

Proverbs 5:20

Dagu dama, gu aha gu dugu ange ai goe de hine dagodo haisala gi gaavee oo lodo? Gai gu aha gu hanange ai goe gi de bodu o dahi daane gee?

Proverbs 5:3

De ngudu o de hine dagodo haisala e maimai bei denga madaua hooni, gai ana muna e segesege ange i lolo;

Proverbs 2:16

De heiangi e buibui goe i de hine dagodo haisala, ma de hine baubau e hagasengalia laa goe i ana muna;

Ezra 10:3

Deenei ai, gidaadeu ga hai dahi hagatoo donu hagaheloongoi madali taadeu Maadua; gidaadeu ga dugu gi hulo denga haahine ma alaadeu dama, bei dagodo o au muna, demaadeu dangada aamua, aama muna a dangada e maatagu i muna a taadeu Maadua. Gidaadeu ga hai gi bei muna o de hainga.

1 Kings 11:1

Gai de hodooligi go Solomon ne soa ange ono haahine henua gee ne aloha ai, madali tamaa hine a Pharaoh: go denga haahine o Moab, ma Ammon, ma Edom, ma Sidon, aama Heth;

Ezra 9:2

Gilaadeu gu kave hanu alaadeu damaa hine ma gu hai ai olaadeu bodu ma de hai ai bodu o alaadeu dama daane, gilaadeu gu hai ma gu hilo de huaadangada dabu ma dangada o de henua. Gai go denga dagi ma de gau aamua ne damadaa de hai de hegau hakino gee nei.”