Ezra 10:1 - De Beebaa Dabu

¹ Gai de masavaa o Ezra ne dalodalo ai ga tala olaadeu haisala, ma de dangi ga ino gi honga de gelegele, i mada i mua o de hale o de Maadua, gai ne soa daane ma haahine aama gauligi o Israel gu hagabuni mai gi kilaa; gai gilaadeu alodahi gu tangi mmao.

Ezra 10:1 Referans Kwoze

Daniel 9:20

Gai de masavaa aagu e tala ai agu muna ma de dalodalo, ga tala ogu haisala ma haisala o ogu dangada go de gau Israel, aama de dangidangi ange gi Tagi Maolunga dogu Maadua i hiidinga o dono mounga dabu —

Psalm 119:136

Au e dangi ma de ssali ogu loimada, i hiidinga dangada e dee daohi au hainga.

Romans 9:2

bolo au e kona mmao de daemaha ma tee baba ogu lodo.

1 Kings 8:30

Gai koe hagalaangona tangidangi a doo dangada hai hegau, aama oo dangada go de gau Israel, i delaadeu huuhuli mai gi de mommee nei e dalodalo ai. Gai koe hagalaangona mai i doo mommee noho i de langi, gai de masavaa naa huu aau e langona ai, gai koe ga degi mai.

Luke 19:41

De masavaa o Iesu ne baa ange ai ga gidee de aduhale, gai ia gu dangi,

Nehemiah 8:9

Gai Nehemiah, de goobenaa, ma Ezra, tangada haimeedabu ma ssisi, ma denga daane de aamuli o Levi ne agoago ina ange laa dangada, ga hai ange gi dangada alodahi, “Anailaa nei se laangi e dabu ange gi Tagi Maolunga doodou Maadua; goodou aude llodo baubau aabe gi tangi.” Go hiidinga dangada alodahi gu tangi i de masavaa alaadeu ne langona ai muna o de hainga.

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

Nehemiah 10:28

Gai dangada ange laa — go de gau haimeedabu, ma dangada de aamuli o Levi, ma de gau hagaloosi haitoga, ma de gau daahili, ma de gau hai hegau i de temple, aama dangada alodahi gu vvae gee gilaadeu mai i dangada o de henua e daudali ange i hainga a de Maadua, madali olaadeu bodu, ma alaadeu dama daane, ma damaa hine, aama dangada alodahi e iloo ma de tonu ange —

2 Chronicles 20:9

‘Noo gu baa mai de hai ngadaa gi gimaadeu — e dee hilihili be se hebagi, be se mee hagamaakau, aabe go de onge — gai gimaadeu gi loomai gi tuu i oo mada i mua i ma te hale nei, go de hale e hagadubu ai doo ingoo, gai gimaadeu e dangidangi adu gi de goe i demaadeu hai ngadaa, gai koe e hagalaangona amaadeu dalodalo ga hagaola gimaadeu.’

Hosea 14:2

Goodou gaavee muna nei madali goodou gai aahe mai gi Tagi Maolunga, ga hai ange gi de ia: “Degi mai gi omaadeu baubau alodahi, ma de abodonu mai gi gimaadeu i doo lodo aloha, gai gimaadeu ga tuhi goe i omaadeu ngudu bei demaadeu hai gu hagatoo donu ai.

Jeremiah 13:17

Aagai noo goodou e dee hagallongo mai, gai au e dangi hagammuni naa i hiidinga doodou hagamaolunga. Au e kona naa donu de dangi ma de ssali ogu loimada go hiidinga de hagabuulingaa ssiibi a Tagi Maolunga gu gaavee gee i de henua.

Jeremiah 9:1

Mee naa gi se saalingaa vai dogu biho gai luoogu mada gi se vai e ssali ai loimada! Gai au ga dangi ai i de laangi ma de boo i hiidinga de daaia ga maakau o ogu dangada!

Psalm 32:5

Au e tala adu ogu haisala gi de goe, au e dee hagammuni donu ogu baubau; au ne hagadaba, “Au e tala ange ogu haisala gi Tagi Maolunga;” gai koe ne degi mai gi ogu haisala. Selah

1 Kings 9:3

Gai Tagi Maolunga ne hai ange gi de ia: “Au gu langona dau dalodalo ma dau dangidangi gu hai i mada luoogu mada; au gu hagadabu hogi de hale aau gu hagaduu nei e dugu ai dogu ingoo ga hano ai. Luoogu mada ma ogu lodo gu i kilaa i masavaa alodahi.

Acts 21:5

Gai ga odi huu laangi omaadeu ne nnoho ai i kilaa, gai gimaadeu ga hiihidi age e hulo, gai gilaadeu alodahi ma olaadeu bodu ma alaadeu dama ne daudali mai i gimaadeu ga hulo ai gi tua de aduhale. Gai gimaadeu ne duuduli i honga de gelegele ga dalodalo.

Acts 10:30

Gai Cornelius ga hai ange, “E haa laangi gu hulo, i de masavaa bee nei, gai au e noho ma e dalodalo i dogu hale i daha tolu i muli de hualaangi. Gai tilo, dahi daane ne humai ga duu i ogu mada i mua, gai ia e gahu i malo malamalama,

2 Chronicles 20:13

De masavaa laa gai denga daane alodahi o Judah madali olaadeu bodu ma alaadeu dama gu tuu i mada luu mada o Tagi Maolunga.

Deuteronomy 31:12

Gai goodou ga hagabuni mai dangada alodahi — denga daane ma haahine, ma denga gauligi, aama de gau henua gee e nnoho madali goodou i oodou aduhale — gi langona ai e gilaadeu muna nei, gai gi maatagu ai gilaadeu i Tagi Maolunga doodou Maadua, ma de kana ange ga daohi muna alodahi o hainga nei.

Matthew 3:6

ga babudaisi i daho John i ssaalingaa vai go Jordan ma de tala olaadeu haisala.

Ezra 10:6

Gai Ezra ga hano gee mai i ma te hale o de Maadua, ga ulu gi lo te aabi o Jehohanan, tama daane a Eliashib ga noho ai i de boo laa. Gai ia tee gaimee be ne unu hanu vai, go hiidinga ia gu daemaha i de hai hegau hakino gee o dangada nogo nnoho laa i dahi henua gee.

Nehemiah 1:4

De masavaa huu aagu ne langona ai muna nei, gai au gu dangi. Gai au ne daemaha ogu lodo ma de hagahiigai aama de dalodalo ange gi de Maadua o de langi i hanu laangi.

Nehemiah 1:6

hagahuuhulia mai luoo dalinga ma luoo mada, mage hagalaangona talodalo a doo dangada hai hegau, e dalodalo ai i mada luoo mada i de laangi ma de boo i dagodo o de gau Israel, oo dangada hai hegau, ma de tala adu haisala o de gau Israel gu haisala adu ai gi de goe. Ni muna abodonu, gimaadeu ma ogu dubuna madagidagi gu haisala adu donu gi de goe.

Joshua 7:6

Gai Joshua ma denga dagi o Israel ga saesae olaadeu malo ga ino gu paa olaadeu mada gi honga de gelegele, i mada i mua o de ngavesi a Tagi Maolunga, mai i taiao ga dae ai gi de ahiahi, ma de hagamalili ange gelegele gi honga olaadeu biho.

Joshua 8:35

Gai teai donu se muna daudahi i muna alodahi a Moses gu tala ange gi Joshua tee dau i madamada o de hagabuulingaa dangada o Israel, madali denga haahine ma gauligi, aama de gau henua gee e nnoho laa i olaadeu daha.