Ezra 1:8 - De Beebaa Dabu

⁸ Gai Cyrus, de hodooligi o Persia, ne hai Mithredath, tangada doange gi hagassao ina mai goloa laa mage daulia gi odi ange ga gaavange gi Sheshbazzar, tagi o Judah.

Ezra 1:8 Referans Kwoze

Ezra 5:14

Gai ia ne kave denga goloa goolo ma goloa selevaa i de temple o Babylon, go mee a Nebuchadnezzar ne kave gee laa i de temple i Jerusalem, ga dugu i de temple i Babylon. Gai de hodooligi go Cyrus ne hagassao mai goloa laa, ga gaavange gi Sheshbazzar, go taane aana ne hili ange laa gi goobenaa.

Haggai 1:14

Gai Tagi Maolunga ga hagangaalue lodo o Zerubbabel, tama daane a Shealtiel, de goobenaa o Judah, ma lodo o Joshua, tama daane a Jehozadak, tangada haimeedabu maolunga, aama lodo o dangada alodahi. Gai gilaadeu ga loomai ga daamada de hagaduu age de hale o Tagi o denga hagabuulinga hebagi, delaadeu Maadua,

Haggai 1:1

De lua ngadau huu o de hodooligi go Darius, i tahi laangi o de ono malama, gai Tagi Maolunga ne hagaago ange gi de pelaabisi go Haggai ana muna ange gi Zerubbabel, tama daane a Shealtiel, de goobenaa o Judah, aama Joshua, tama daane a Jehozadak, tangada haimeedabu maolunga:

Ezra 5:16

Gai Sheshbazzar ne humai ga hagadagodo tagelo o de hale o de Maadua i Jerusalem. Gai mai i de masavaa laa gai goi duudagi donu huu de hagaduu ga dae mai ai gi iainei, gai tigi maua gi lava.’

Ezra 1:11

Denga goloa goolo ma selevaa alodahi ma selevaa se 5,400. Aanei goloa alodahi a Sheshbazzar ne gaamai i Babylon i de masavaa o dangada ne aahe mai ai gi Jerusalem.

Jeremiah 51:44

Gai au e hagaduasala naa a Bel i Babylon, ga hai ia gi lueia mai mee aana gu holo. Gai denga huaahenua gu dee daga e hulo gi ono daha; de buibui o Babylon gu maoha.

Ezra 2:2

Gilaadeu ne aahe madali Zerubbabel, ma Jeshua, ma Nehemiah, ma Seraiah, ma Reelaiah, ma Mordecai, ma Bilshan, ma Mispar, ma Bigvai, ma Rehum, aama Baanah.) Gai deenei taelodo o de gau Israel ne daohi:

Ezra 5:2

Gai Zerubbabel, tama daane a Shealtiel, ma Jeshua, tama daane a Jozadak, ne daamada de hagaduu age de hale o de Maadua i Jerusalem, gai luu pelaabisi o de Maadua madali gilaadeu ne bale ange gilaadeu.