Ezekiel 9:9 - De Beebaa Dabu

⁹ Gai ia ne hai mai gi de au, “Haisala o dangada o Israel ma dangada o Judah gu kona mmao de baubau; de henua gu honu i todo, gai gu deai se hagamodu heohi i de aduhale. Gilaadeu e hagataba, ‘Tagi Maolunga gu tili de henua; Tagi Maolunga e dee gidee mee gu hai.’

Ezekiel 9:9 Referans Kwoze

Ezekiel 8:12

Aagai ia ne ssili mai gi de au, “Tama a tangada, koe e gidee naa mee a dagi o de gau Israel e hai i lo te gohu, dahi ma dahi e hano gi de aabi iai ada o ono diinonga? Gai gilaadeu e hagataba, ‘Tagi Maolunga e dee gidee donu gidaadeu; Tagi Maolunga gu tili de henua.’ ”

De Beebaa go Job 22:13

Gai koe e hagadaba, ‘Ni aha a de Maadua e iloo? E maua e ia i de hagamodu muna laa lo te mommee gohu?

Ezekiel 7:23

Hagadabena ina denga daula baalanga, go hiidinga de henua gu honu i de gau daa dangada, gai gu kona de vaivai haia dangada i de aduhale.

Jeremiah 2:34

Oo malo e baalau ai dodo o de gau hagaau aloha tigi haisala; gai koe tee gidee delaadeu ulu e gaiaa mee i doo hale. Aagai e dee galemu donu de hai mee,

Isaiah 29:15

E vakaa naa gilaadeu e hagammahi laa e hagammuni alaadeu hagatau i Tagi Maolunga, gilaadeu e hai alaadeu hegau i lo te gohu, ma de hagataba, “Goai naa donu e gidee gidaadeu? Gai goai naa donu e iloo?”

Psalm 94:7

Gilaadeu e hagataba, “Tagi Maolunga e dee gidee, de Maadua o Jacob e dee anga mai donu.”

Psalm 10:11

Ia e hagadaba, “De Maadua gu ngalo mee nei; ia gu haoli luoono mada gi dee gidee ai e ia.”

2 Kings 21:16

Gai Manasseh ne soa hogi dangada tigi haisala aana ne daa ga maakau, ma de hai ga dohu Jerusalem alodahi i olaadeu dodo; gai e dee deenei donu huu, gai ia ne hai hogi dangada i Judah gi haia de baubau, ga hagahaisala ai gilaadeu i mada luu mada o Tagi Maolunga.

Luke 11:50

Deenei ai, de atangada nei e hagaduasala naa hogi i hiidinga delaadeu daa ga maakau denga pelaabisi alodahi mai i taamada age de hai o henua i lalo,

Ezekiel 8:17

Gai ia ne hai mai gi de au, “Tama a tangada, koe gu gidee naa mee nei? Dangada o Judah e dee anga ange donu gi denga hegau hakino gee alaadeu gu hai i kinei; gilaadeu gu hai ma gu dohu honga de henua i denga dahulinga hakino gee, ga hai ai gi kii ange dogu lili. Galo ange diiloo gilaadeu e dugu ange de laa manu gi mada olaadeu usu.

Jeremiah 22:17

Aagai koe e nnoo ange ma de lodo i goloa e maua i de hadu muna, ma de daa gi maakau dangada tigi haisala, ma de hagaduasala aama de vaivai hai dangada.”

Isaiah 1:4

E vakaa naa de huaahenua haisalasala, ma de huaadangada e honu i de baubau, gai ni gauligi e haia de baubau, go dama e haia hegau hakino gee! Gilaadeu gu daahuli gee i Tagi Maolunga, gilaadeu gu hagangadi mee de Ia Dabu o Israel, gilaadeu gu huuhuli ange olaadeu dua gi de ia.

2 Kings 24:4

ma hiidinga o dangada tigi haisala aana ne daa ga maakau. Ia ne hagadohu Jerusalem alodahi i dodo o dangada aana ne daa, gai Tagi Maolunga tee degi ange gi de ia.

Deuteronomy 32:5

Gilaadeu ne hai hegau ange gi de ia i tee heohi, gilaadeu gu dee ni dama niiana i hiidinga olaadeu baubau; gilaadeu se atangada e hulo gee i de mee heohi ma de hadu muna.

Deuteronomy 31:29

Go hiidinga au e iloo bolo dua naa huu dogu magau, gai goodou e hagahaisala naa, ma de hulo gee i de haiava aagu gu tala adu gi goodou. Gai denga mee hai ngadaa e paa naa i goodou i laangi e loomai, go hiidinga goodou e hai naa de baubau i mada luu mada o Tagi Maolunga, gai goodou e hai naa ia ga lili i oodou hegau e hai.”

Isaiah 47:10

Gai dau tali go au hegau baubau, gai koe e hagadaba, “E deai donu dangada e gidee agu mee e hai.” Doo iloo mee ma doo heiangi gu hagasenga goe; gai koe e hagadaba i oo lodo, “Go au donu huu, e deai ange donu e bei au.”

Lamentations 1:5

Dangada e kino i Zion gu ni dagi i kilaa, ono hagadaumee gu nnoho paba. Tagi Maolunga gu hagaduasala Zion, i hiidinga ono haisala gu lagolago mmao. Ana dama gu gaavee gee mai i de henua, gai gu hai gi seesee i mada i mua o olaadeu hagadaumee.

Habakkuk 1:4

Deenei ai, de hainga gu dee hai hegau, gai de hagamodu heohi gu dee sula age. De gau baubau gu soa ange i gilaadeu e heohi, de hagamodu heohi gu dee hai hegau.

Zephaniah 1:12

De masavaa laa, gai au e ssala naa mee i Jerusalem i denga laama, ma de hagaduasala dangada e maanadu laa bolo gilaadeu e danuaa donu huu, go gilaadeu e hagataba laa i olaadeu lodo, ‘Tagi Maolunga e deai naa donu ana mee e hai i mee nei.’