Ezekiel 9:3 - De Beebaa Dabu

³ Gai de mahamaha o de Maadua o Israel gu hano gee mai i denga cherubim, go de mommee nogo iai, gai ne hano gi ma te abaaba o de temple. Gai ia ne hagahi taane e gahu laa i malo linen ma de dagidagi de mee e sisi ai mee madali ia.

Ezekiel 9:3 Referans Kwoze

Ezekiel 10:4

Gai de mahamaha o Tagi Maolunga gu hagamalanga age mai i honga denga cherubim laa ga hano gi ma te haitoga o de temple; gai de giliiga gu hhao ga honu lo te temple, gai lo te buibui laa gu honu i de maalama o de mahamaha o Tagi Maolunga.

Ezekiel 8:4

Gai tilo, de mahamaha o de Maadua o Israel, bei dagu hai ne gidee ai laa i de geelonga.

Ezekiel 3:23

Gai au ga hidi age ga hano gi de geelonga; gai tilo, de mahamaha o Tagi Maolunga gu duu i kilaa, bei de mahamaha aagu ne gidee laa i gaogao ssaalingaa vai go Kebar, gai au ga ino gi honga de gelegele.

Ezekiel 9:2

Gai tilo, e dogoono daane gu loomai i de haitoga e mua gi lunga, i de baasi gi ngaiho, dahi ma dahi e poo dono goloa hebagi e daa ai dangada. Gai e dahi daane e gahu i malo linen madali gilaadeu, ia e dagidagi dahi mee e sisi ai. Gai gilaadeu nei ne loomai ga tuu i gaogao de mommee o ssigidaumaha e hai laa i bronze.