Ezekiel 8:12 - De Beebaa Dabu

¹² Aagai ia ne ssili mai gi de au, “Tama a tangada, koe e gidee naa mee a dagi o de gau Israel e hai i lo te gohu, dahi ma dahi e hano gi de aabi iai ada o ono diinonga? Gai gilaadeu e hagataba, ‘Tagi Maolunga e dee gidee donu gidaadeu; Tagi Maolunga gu tili de henua.’ ”

Ezekiel 8:12 Referans Kwoze

Isaiah 29:15

E vakaa naa gilaadeu e hagammahi laa e hagammuni alaadeu hagatau i Tagi Maolunga, gilaadeu e hai alaadeu hegau i lo te gohu, ma de hagataba, “Goai naa donu e gidee gidaadeu? Gai goai naa donu e iloo?”

Ezekiel 9:9

Gai ia ne hai mai gi de au, “Haisala o dangada o Israel ma dangada o Judah gu kona mmao de baubau; de henua gu honu i todo, gai gu deai se hagamodu heohi i de aduhale. Gilaadeu e hagataba, ‘Tagi Maolunga gu tili de henua; Tagi Maolunga e dee gidee mee gu hai.’

Ezekiel 8:15

Gai ia ne hai mai gi de au, “Tama a tangada, koe gu gidee mee baubau nei? Gai koe e gidee ange naa denga hegau e kii ange de hakino gee i mee nei.”

Ephesians 5:12

Go hiidinga ni mee hagadookaa donu hogi de tala alaadeu hegau e hai hagammuni,

Psalm 10:11

Ia e hagadaba, “De Maadua gu ngalo mee nei; ia gu haoli luoono mada gi dee gidee ai e ia.”

Ezekiel 20:1

Gai de madaangahulu laangi huu o de lima malama, i de hidu ngadau, gai hanu daane maatua o Israel ne loomai e ssili hanu mee i daho Tagi Maolunga, gai gilaadeu ne loomai ga nnoho i ogu mada i mua.

Ezekiel 14:1

Hanu daane maatua o Israel ne loomai ga noho i ogu mada i mua.

Ezekiel 8:17

Gai ia ne hai mai gi de au, “Tama a tangada, koe gu gidee naa mee nei? Dangada o Judah e dee anga ange donu gi denga hegau hakino gee alaadeu gu hai i kinei; gilaadeu gu hai ma gu dohu honga de henua i denga dahulinga hakino gee, ga hai ai gi kii ange dogu lili. Galo ange diiloo gilaadeu e dugu ange de laa manu gi mada olaadeu usu.

Ezekiel 8:11

Gai e dinohidu dagi o de gau Israel e tuu i olaadeu mada i mua, gai dahi ma dahi e poo dana mee dudu mee maanongi. Gai Jaazaniah, tama daane a Shaphan e duu i olaadeu magavaa, gai de useahi o alaadeu mee maanongi e buu age.

Psalm 73:11

Gilaadeu e hagataba, “Dee hee de hai a de Maadua e iloo ai mee nei? E aha, e dahi nei donu iloo mee o de Ia Maolunga Mmao laa?”

Psalm 14:1

Tangada lodo senga e hagadaba i ono lodo, “E deai donu se Maadua.” Gilaadeu alodahi e hakino gee, alaadeu hegau e hai e baubau; e deai donu se dangada e haia tanuaa.

Isaiah 47:10

Gai dau tali go au hegau baubau, gai koe e hagadaba, “E deai donu dangada e gidee agu mee e hai.” Doo iloo mee ma doo heiangi gu hagasenga goe; gai koe e hagadaba i oo lodo, “Go au donu huu, e deai ange donu e bei au.”

Ezekiel 8:13

Gai ia ne hai mai ange hogi gi de au, “Koe e gidee ange naa alaadeu mee gu hai e kii ange de hakino gee i mee nei.”

Zephaniah 1:12

De masavaa laa, gai au e ssala naa mee i Jerusalem i denga laama, ma de hagaduasala dangada e maanadu laa bolo gilaadeu e danuaa donu huu, go gilaadeu e hagataba laa i olaadeu lodo, ‘Tagi Maolunga e deai naa donu ana mee e hai i mee nei.’

Deuteronomy 27:15

“E malaia tangada e hai dahi diinonga i laagau aabe ni baalanga hagavaivai — de mee nei se mee niio Tagi Maolunga e kino ai, se mee ne hai i luu lima o de labagau — gai ne hagaduu i de mommee e dee gidee.” Gai dangada alodahi gi hai ange, “Amen!”

2 Kings 17:9

Gai de gau Israel ne hai hagammuni denga hegau dee heohi e hai baasi ange laa gi Tagi Maolunga, delaadeu Maadua. Gilaadeu ne hagatuu denga mommee daumaha i denga aduhale alodahi, mai mommee iai hale dagitilo ga dae ai gi denga aduhale buibui.