Ezekiel 7:4 - De Beebaa Dabu

⁴ Gai au e dee lodo aloha adu naa donu gi goodou aabe hagaola goodou; au e hagaduasala naa donu i hiidinga oodou hegau baubau, ma denga dahulinga hakino gee e hai i oodou magavaa. Gai gi iloo ai e goodou bolo go au donu go Iahweh.

Ezekiel 7:4 Referans Kwoze

Ezekiel 6:7

Gai oodou dangada e daia ga maakau i oodou magavaa, gai gi iloo ai e goodou bolo go au donu go Iahweh.

Ezekiel 11:21

Aagai dangada e malangilangi laa i de daudali i denga diinonga hakino gee ma mee hakino gee alodahi, au e sui ange naa alaadeu hegau, go de Ia Aamua go Iahweh e hagadaba.”

Ezekiel 5:11

Deenei ai, au e hagatoo donu i dogu mouli, go de Ia Aamua go Iahweh e hagadaba, go hiidinga goodou gu hai gi hakino gee dogu mommee dabu i oodou diinonga hakino gee lagolago, ma oodou hegau hakino gee alodahi, au e tili naa goodou; au e dee lodo aloha adu naa gi goodou aabe hagaola goodou.

Hosea 12:2

Tagi Maolunga e dahi ana mee e hagabaubau ai Judah, ia e hagaduasala naa Jacob gi bei dagodo o ana haingaa mee, ma de hagao ange ia gi bei dagodo o ana hegau.

Hosea 9:7

Denga laangi o de hagaduasala gu tae mai donu, laangi e hagao ange ai hegau a dangada gu paa mai. Haia gi iloo e Israel de mee nei. De pelaabisi gu bei tangada lodo senga; gai taane iai de hagasaalunga gu senga ange, go hiidinga oodou baubau gu lagolago mmao gai goodou gu kona mmao de hagadau kino.

Ezekiel 16:43

Go hiidinga koe tee manadua doo masavaa e damaa hine ai, aagai koe ne hai au ga lili i mee nei alodahi, deenei ai, au e sui adu naa donu au hegau ne hai, go de Ia Aamua go Iahweh e hagadaba. E aha, koe tee hai laa hogi dahulinga hakino gee nei madali au hegau baubau alodahi ange laa?

Ezekiel 9:10

Gai au e dee lodo aloha ange naa donu gi gilaadeu aabe hagaola gilaadeu, aagai au e hagaduasala naa donu gilaadeu i hiidinga alaadeu hegau.”

Ezekiel 7:27

De hodooligi e dangi naa, de gau aamua o de henua e maatagu naa, denga dagi e deai alaadeu tali, gai dangada e pole naa olaadeu lima. Gai au e hai hegau ange naa gi gilaadeu gi bei dagodo o alaadeu hegau, ma de hagamodu olaadeu muna bei delaadeu hai ne hagamodu ai muna. Gai gi iloo ai e gilaadeu bolo go au donu go Iahweh.”

Ezekiel 6:14

Gai au e hagaabo naa dogu lima ga hai baasi ange ai gi gilaadeu, ma de oha de henua ga hai gi ngadi dagodo, i olaadeu mommee nnoho alodahi, mai i de vao ga dae ai gi Riblah. Gai gi iloo ai e goodou bolo go au donu go Iahweh.’ ”

Hebrews 10:30

Gai gidaadeu e iloo de ia ne hagadaba laa, “Go au e suuia ange de baubau.” Ia ne hagadaba hogi, “Tagi Maolunga e hagamodu naa muna o ono dangada.”

Zechariah 11:6

Au e dee lodo aloha ange naa gi dangada o de henua, go Tagi Maolunga e hagataba. Au e dugu ange naa dangada gi olaadeu hodooligi ma dangada e paa ange gi gilaadeu gi vaivai haia gilaadeu. Gai gilaadeu e oha naa de henua, gai au e dee hagaola naa donu dahi gilaadeu.”

Ezekiel 24:14

Go au donu go Iahweh ne hagadaba. Gu dae mai donu de masavaa e hagasula ai agu hegau. Au e dee hagaahe naa donu dagu muna; au e dee lodo aloha naa donu, aabe e sui dagu hagatau. Gai koe e hagaduasala naa donu gi bei dagodo o au hegau, go de Ia Aamua go Iahweh e hagadaba.’ ”

Ezekiel 23:49

Gai goodou e hagaduasala naa i hiidinga oodou dahulinga hakino gee, goodou e kave naa de hagaoanga o doodou daumaha ange gi denga diinonga. Gai gi iloo ai e goodou bolo go au donu de Ia Aamua go Iahweh.”

Ezekiel 23:31

Koe ne daudali ange i hegau baubau a doo daina hahine, deenei ai, au e hai naa hogi goe gi gaavee de hagaduasala aagu gu hagaduasala ai doo daina hahine.

Ezekiel 22:31

Deenei ai, au e hagaduasala donu gilaadeu i dogu lili, ma de hagallilo gilaadeu i dogu bole bei dagodo o de ahi. Au e sui ange naa donu alaadeu hegau, go de Ia Aamua go Iahweh e hagadaba.”

Ezekiel 12:20

Gai denga aduhale iai dangada e maoha naa ga daakodo ai, gai de henua e hai naa ga se mommee e ngadi dagodo. Gai gi iloo ai e goodou bolo go au donu go Iahweh.’ ”

Ezekiel 8:18

Deenei ai, au e hagaduasala naa gilaadeu i dogu bole; au e dee lodo aloha ange naa donu gi gilaadeu aabe hagaola gilaadeu. Gai ga kona naa donu delaadeu oo mai gi lodo luoogu dalinga, gai au e dee hagallongo donu gilaadeu.”

Ezekiel 7:9

Au e dee lodo aloha adu naa donu gi goodou aabe hagaola goodou; gai au e sui adu naa donu gi bei dagodo o oodou hegau ma oodou dahulinga hakino gee. Gai gi iloo ai e goodou bolo go au donu go Iahweh, ne hagailia goodou.

Jeremiah 25:14

Gai e soa naa huaahenua ma hodooligi maolunga e haia gilaadeu gi ni dangada e hai hegau ange gi gilaadeu. Gai au e hagao ange naa gilaadeu gi bei alaadeu hegau aama mee alaadeu gu hai.”

Jeremiah 16:18

Gai au e hai naa gi lua hanonga e kii ange ai delaadeu hagaduasala i hiidinga olaadeu baubau ma olaadeu haisala, go hiidinga gilaadeu gu hai ma gu dee gilimalali dogu henua i olaadeu diinonga hakino gee e dee mouli laa, ma de hai gi dohu de huaahenua o dogu boolonga i olaadeu diinonga hakino gee.”

Jeremiah 13:14

Au e hai naa gilaadeu gi bei denga ssaa hadu e hagadau hoohoa laa; go denga damana ma denga dama alodahi, go Tagi Maolunga e hagadaba. Au e dee aloha ange naa donu, be e abodonu ange, aabe e lodo aloha ange gi gilaadeu, ga dee daa ai gilaadeu gi maakau.’ ”

Ezekiel 7:3

Gu dae mai doodou hagaodi, gai au e hai baasi adu naa gi goodou i dogu lili, au e hagamodu naa oodou muna gi bei dagodo o oodou hegau, ma de sui adu oodou dahulinga hakino gee alodahi.

Amos 7:8

Gai Tagi Maolunga ne ssili mai gi de au, “Amos, se aha aau e gidee laa?” Gai au ne hai ange, “Au e gidee dahi uga haide iai dahi soodo.” Gai de Ia Aamua ne hai mai gi de au, “Tilo, au e hai naa de uga haide iai dahi soodo, e haide ai dagodo o ogu dangada, go de gau Israel; au gu dee hagaola donu gilaadeu.

Ezekiel 33:29

Gai gi iloo ai e gilaadeu bolo go au donu go Iahweh, i de masavaa aagu e hai ai de henua gi ngadi dagodo, i hiidinga o alaadeu hegau hakino gee alodahi gu hai.’