Ezekiel 7:2 - De Beebaa Dabu

² “Tama a tangada, daalaa ange muna a de Ia Aamua go Iahweh gi de henua o Israel: De hagaodi! De hagaodi gu dae mai donu gi denga dege e haa o de henua.

Ezekiel 7:2 Referans Kwoze

Amos 8:2

Gai ia ne ssili mai, “Amos, se aha aau e gidee laa?” Gai au ne hai ange, “Se gede iai huamanu lleu.” Gai Tagi Maolunga ne hai mai gi de au, “De hagaodi o ogu dangada go de gau Israel gu dae mai donu. Au gu dee hagaola donu gilaadeu.

1 Peter 4:7

De hagaodi o mee alodahi gu baa mai donu. Deenei ai, goodou gi mada ala ma de dagitilo ga dalodalo.

Amos 8:10

Au e sui naa oodou laangi daonga gi ni laangi niiodou e tangi ai, gai oodou daahili alodahi e sui gi ni daahili hagahinangalosaa. Au e hai naa goodou gi kahu i malo daladala, ma de dahi gi malali oodou biho. Au e hai naa goodou gi tangi bei tangada e dangi laa i hiidinga de magau o dana dama dagidahi, gai de hagaodi o de laangi laa gi bei dahi laangi mmala.

Ezekiel 7:3

Gu dae mai doodou hagaodi, gai au e hai baasi adu naa gi goodou i dogu lili, au e hagamodu naa oodou muna gi bei dagodo o oodou hegau, ma de sui adu oodou dahulinga hakino gee alodahi.

Ezekiel 11:13

Gai de masavaa aagu ne basa pelaabisi ai, gai Pelatiah tama daane a Benaiah gu magau. Gai au ga ino gi honga de gelegele, ga oo ga hagadaba, “Dogu Ia Aamua go Iahweh! Koe ga daa naa donu gi odi dangada o Israel e doe?”

Lamentations 4:18

Gilaadeu e hagabaa gimaadeu, gimaadeu gu dee maua i de seesee i honga haiava. Gu baa mai de hagaodi o omaadeu mouli; omaadeu laangi gu sogoisi, go hiidinga gu odi donu omaadeu laangi.

Matthew 24:6

Goodou e langona naa de hai denga hebagi ma longo o denga hebagi. Gai goodou dagidiiloo gi dee manavasaa oodou lodo. Mee nei e hai naa donu, aagai tigi dae mai de hagaodi.

Ezekiel 40:2

Gai de Maadua ne kave au i de midi hagaago ange gi de henua go Israel, ga dugu au i honga dahi mounga maolunga mmao, i de baasi gi ngaage o dahi mommee e tuu ai hanu hale gai e bei dahi aduhale.

Ezekiel 21:2

“Tama a tangada, huli ange gi Jerusalem, ma gi basa pelaabisi hai baasi ange gi denga mommee dabu. Gai koe basa pelaabisi ange gi de henua go Israel,

Ezekiel 12:22

“Tama a tangada, se muna hagasengasenga aha a dangada e tala naa i de henua o Israel, ‘Gu lagolago laangi ne loomai ma gu hulo, gai denga midi hagaago ange nei tigi hagassula donu’?

Lamentations 1:9

Ono magi haahine gu pigi ange gi ono malo; gai ia gu dee anga ange donu gi ono dagodo i ngadau e loomai. Dono hagadee kii ina ne hagalele mouli mmao, gai teai donu se dangada ne hagaaneane ina ia. “Tagi Maolunga, galo mai diiloo dogu duasala go hiidinga dogu hagadaumee gu kii i de au.”

Jeremiah 51:13

Goodou e nnoho i gaogao denga vai lagolago, gai ni dangada lava, gu dae mai doodou laangi e maakau ai, gai oodou mouli e modu naa bei taula.

Jeremiah 5:31

denga pelaabisi e hadu muna i delaadeu pasa pelaabisi, gai de gau haimeedabu e dagi i olaadeu sauaa donu huu; gai ogu dangada e malangilangi donu i mee nei! Aagai ni aha naa oodou ga hai i dua mee nei?

2 Chronicles 34:7

ia ne oha iho hogi denga mommee o ssigidaumaha ma duludulu laagau o Asherah, ga mmili gu ni gelegele lligi, ma de duuduu iho denga mommee e dudu ai mee maanongi i honga de henua o Israel alodahi. Dua mee nei gai ia ne ahe gi Jerusalem.

Deuteronomy 32:20

Gai ia ga hagadaba, “Au e huli gee naa i gilaadeu, e tilo ai be aahee olaadeu dagodo. Go hiidinga gilaadeu se atangada baubau, gai ni dama e dee hai hegau i de muna abodonu.

Genesis 6:13

Gai de Maadua ga hai ange gi Noah, “Au gu baba ange e daa gi maakau dangada alodahi, go hiidinga henua i lalo gu honu i alaadeu hegau vaivai daakodo. Tilo, au e hagallilo naa gilaadeu madali henua i lalo.

Revelation 7:1

Dua mee laa gai au ne gidee e dogohaa dangada de langi e tuu i denga dege e haa o henua i lalo, ma e daohi ai de madangi gi dee ssau mai gi henua i lalo ma honga tai, aama honga denga manu ssomo.

Revelation 20:8

gai ia e sao mai naa ga hagasenga denga huaahenua i henua i lalo alodahi, e bei go Gog ma Magog, ga hagabuni mai gilaadeu e hagadabena ange gi de hebagi; gai taelodo o de gau laa e bei denga gelegele i gabugabu tai.

Isaiah 47:7

Koe ne hagadaba, “Au se hine hodooligi ga hano ai e dee ngado mai.” Aagai koe tee hagasaele donu dagodo o mee nei, aabe ne maanadu dagodo o de hagaodi o au hegau.

Jeremiah 12:4

Dee hee maa taulooloa de ngadi dagodo o de henua, gai denga helii alodahi i honga de gelegele gu mmae? Go hiidinga dangada e nnoho i kilaa e baubau, denga manu dolodolo ma manu llele gu maakau, go hiidinga dangada e hagataba, “Ia e dee gidee donu mee e hai mai gi gidaadeu.”

Ezekiel 7:1

Gai Tagi Maolunga ne hagaago mai ana muna gi de au, ga hai mai,

Ezekiel 21:4

Go hiidinga au e daa naa gi odi dangada heohi ma de gau baubau, gai dagu gadilaasa e dada mai naa e daa ai dangada alodahi, mai i de bido i ngaage ga dae ai gi de bido i ngaiho.

Ezekiel 21:25

Goodou denga dagi baubau ma de hakino gee o Israel, gu dae mai doodou laangi, go de masavaa e gaavadu ai doodou hagaduasala.

Ezekiel 35:5

Go hiidinga koe ne golo age doo kino i de gau Israel, gai koe ne tili ange gilaadeu gi maakau i de gadilaasa, i de masavaa olaadeu ne hai ngadaa ai, ma de masavaa ne kona ai delaadeu hagaduasala ina,

Joel 1:15

E vakaa naa gidaadeu i de laangi laa! Go hiidinga de laangi o Tagi Maolunga gu baa mai donu, gai de Ia Mmahi Mmao e oha naa donu de henua.

Ezekiel 21:7

Gai ga siilia adu naa huu e gilaadeu, ga hai adu, ‘Gu aha gu gonogono ai naa goe?’ gai koe hai ange, ‘Go hiidinga o denga longo gu dai loomai. Dangada alodahi e maatagu naa gai olaadeu lima alodahi e deai naa mahi iai; dangada alodahi e manavasaa naa olaadeu lodo gai olaadeu duli e pole naa.’ Tilo, mee nei e tae mai donu! Gai e hagassula naa donu, go de Ia Aamua go Iahweh e hagadaba.”