Ezekiel 7:16 - De Beebaa Dabu

¹⁶ Gai dangada e ola laa e saavini naa ga hulo gi denga mounga, gilaadeu e tangi naa bei denga manu kono i lodo geelonga, dahi ma dahi e dangi naa i hiidinga o ono baubau.

Ezekiel 7:16 Referans Kwoze

Isaiah 59:11

Gimaadeu alodahi e hagangolo bei denga bea, gai e gonogono bei denga manu kono. Gimaadeu ne ssala de hagamodu muna heohi, aagai gimaadeu tee gidee, gimaadeu e tali de hagaola, aagai e mmao gee donu i gimaadeu.

Isaiah 38:14

Au e goo naa bei de swallow, ma de crane, au e goo naa bei de manu kono. Luoogu mada gu daalea i de galo age gi de langi, dogu Ia Aamua, au gu duasala, balea mai au!

Ezra 9:15

Tagi Maolunga, de Maadua o Israel, koe e heohi donu, aagai gimaadeu ni dangada sogoisi ne ola anailaa nei. Tilo, koe e iloo danuaa omaadeu haisala, aagai gu deai donu se gimaadeu e maua i de humai e duu i mada luoo mada.”

Isaiah 37:31

Gai dangada ne ola i Judah e nnoho naa i de henua bei dagodo o de manu somo e ssomo laa ono aga ga hulo gi lo te gelegele, gai ono laa iai hua lagolago.

Ezekiel 36:31

Gai goodou e manadua naa oodou hegau baubau ma oodou dahulinga baubau, gai goodou e kino naa i oodou dagodo, i hiidinga o oodou baubau ma oodou dahulinga hakino gee.

Jeremiah 44:28

Dangada e dee maakau laa i de gadilaasa ga aahe mai i Egypt gi de henua o Judah, e sogoisi naa donu. Gai dangada o Judah e doe ne hulo laa ga nnoho i de henua go Egypt, e iloo naa be go agu muna aabe go alaadeu muna e hagassula.

Jeremiah 44:14

Gai e deai ai naa donu dangada o Judah ne hulo laa e nnoho i Egypt, e ola ga aahe mai gi de henua o Judah, go de mommee olaadeu e llodo mmao laa e aahe mai e nnoho ai; e deai naa se gilaadeu e aahe mai, gai e sogoisi naa donu huu e ola ga aahe mai.”

Jeremiah 31:9

Gilaadeu e loomai naa ma de tangi; gai gilaadeu e dalodalo mai naa i de masavaa aagu e hagaahe mai ai gilaadeu. Gai au e dagi mai naa gilaadeu i gaogao denga saalingaa vai, ma de haiava ssoe gi dee baakuu ai gilaadeu, i hiidinga go au tamana o Israel, gai Ephraim go dagu dama daane madua.

Isaiah 1:9

Noo Tagi o denga hagabuulinga hebagi tee hagaola hanu odaadeu momo dangada, gai gidaadeu ne bei donu dagodo o Sodom, gidaadeu gu bei dagodo o Gomorrah.

Psalm 55:2

Anga mai ma gi basa mai gi dagu dalodalo; au gu kona mmao dogu hai ngadaa. Gai gu dee baba mmao ogu lodo

Jeremiah 9:19

De leo o tangi see e langona mai i Zion: ‘Gidaadeu gu odi i de maoha! Gidaadeu gu kona mmao i de dookaa. Gidaadeu e hulo gee donu i taadeu henua i hiidinga odaadeu hale gu maoha.’ ”

Ezekiel 14:22

Gai tilo, e hanu naa donu dangada e ola ga gaamai gi oo daha. Gai de masavaa naa huu aau e gidee ai alaadeu dahulinga ma alaadeu hegau, gai goodou e maamaane naa oodou lodo, i dagodo o de hai ngadaa aagu gu hai ange gi Jerusalem — go denga mee hai ngadaa alodahi aagu ne hai gi loomai gi de aduhale.

Ezekiel 34:6

Agu ssiibi gu ssenga saele i honga mounga ma duuduu alodahi. Gilaadeu gu mavaevae saele i henua i lalo alodahi, gai e deai donu dangada e saalaa gilaadeu.

Nahum 2:7

Dono hahine hodooligi gu deai ono malo, gai gu gaavee gee mai i de henua. Ono haahine hai hegau gu gonogono bei de koo o denga manu kono, ma de hagailiili honga olaadeu hadahada.

Zephaniah 1:14

De laangi maolunga o Tagi Maolunga gu baa mai, gu baa mai donu, gai e moolau mai naa donu. De tangi o dangada i de laangi o Tagi Maolunga e kona naa donu; denga daane hebagi e tangi naa hogi.

Isaiah 59:12

Go hiidinga omaadeu baubau i mada luoo mada e lagolago mmao, omaadeu haisala gu hagabaubau donu gi gimaadeu. Omaadeu baubau e daakodo donu i omaadeu daha, gai gimaadeu e iloo donu omaadeu baubau.

Jeremiah 3:21

De leo o dahi e langona i ulu denga duuduu, go de tangi ma tangi see o dangada o Israel, go hiidinga gilaadeu gu hagahaisala delaadeu haiava; gilaadeu gu ngalo Tagi Maolunga, delaadeu Maadua.