Ezekiel 7:10 - De Beebaa Dabu

¹⁰ Tilo, de laangi laa gu dae mai! Gu dae mai donu! De hagaduasala gu hua, de laagau gu iai huaala, de lodo maolunga gu loage ono huaala!

Ezekiel 7:10 Referans Kwoze

Isaiah 10:5

E vakaa naa Assyria, de laagau aagu ne hagahai hegau i dogu lili, dono lima go togo aagu ne hagahai hegau i dogu bole.

James 4:6

Aagai ia e abodonu mmao; deelaa ai, gu sisi e hai ange, “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

1 Thessalonians 5:3

De masavaa a dangada e hagataba ai, “Gu nnoho paba dangada ma tee manavasaa,” gai gu moolau donu de dae mai de hagaduasala, bei dagodo o de hai hagalangona o de hine gu dai haanau, aagai e deai donu e maua i de saavini e hulo gee.

Proverbs 14:3

Muna a tangada lodo senga e bei de laagau e hagailiili ai laa tua, aagai muna a de gau heiangi e buibui gilaadeu.

Numbers 17:8

De laangi mai ange laa, gai Moses ne ulu gi lo te hale malo o de tala hagadonu; gai ia gu gidee bolo togo o Aaron o de aamuli o Levi gu somo ma gu hua, gai gu hanu huaala iai, aama hanu almond.

Daniel 4:37

Gai au, Nebuchadnezzar, ne tuhi ma de hagaamua, ma de hagadubu de Hodooligi o de langi; go hiidinga ana hegau alodahi e heohi, gai ono haiava alodahi e dee haisala donu. Gai ia e hagamaolalo gilaadeu alodahi e llodo maolunga.

Ezekiel 21:13

De mee nei se mee e hagatale ai dagodo o ogu dangada; ni haigamaiana aha o mee nei noo koe e hagangadi mee de laagau e haele ai laa goe? Go de Ia Aamua go Iahweh e hagadaba.’

Ezekiel 21:10

gai ne hakaa e daa ai dangada gi maakau, ma de hai gi malamalama bei de dabadaba o de uila! E aha, ga malangilangi gidaadeu i togo hodooligi o dagu dama ⌊go Judah⌋? De gadilaasa e hagangadi mee de laagau bee nei alodahi.

Ezekiel 19:14

De ahi ne daamada de dudu dahi ono laa, gai ne dudu ga vvela ono laa alodahi ma ono hua. Gu deai donu laa makaga o de manu laa e doe e danuaa ange laa gi de hai ai denga laagau hodooligi.’ De mee nei se daahili hagahinangalosaa, gai se daahili e hua i denga maakau.”

Ezekiel 7:6

De hagaodi gu baa mai! De hagaodi gu baa mai donu! Gu hidi age e hai baasi adu gi de goe, gai gu dae mai donu!

Isaiah 28:1

E vakaa naa de hau hagadubu a de gau ssenga o Ephraim e tuhi laa, go dono mahamaha gu dai lilo bei de huaala gu mmae laa, go de aduhale e duu laa i honga tuuduu o de geelonga iai gelegele danuaa, go de mommee a de gau ssenga i uvaini e tuhi laa.

Proverbs 16:18

De hagaodi o de hagamaolunga go de magau, gai de hagaodi o de lodo maolunga go tee sula o tangada.

Psalm 89:32

au e hagaduasala naa gilaadeu i de laagau i hiidinga olaadeu haisala, ma de hagailiili gilaadeu i hiidinga olaadeu baubau;

Ezekiel 7:9

Au e dee lodo aloha adu naa donu gi goodou aabe hagaola goodou; gai au e sui adu naa donu gi bei dagodo o oodou hegau ma oodou dahulinga hakino gee. Gai gi iloo ai e goodou bolo go au donu go Iahweh, ne hagailia goodou.

Ezekiel 7:12

De masavaa gu dae mai, gai de laangi laa gu dae mai donu. Tangada e hagao mai ana mee gi dee malangilangi, gai tangada e hagao ina ana mee gi daha gi dee daemaha, go hiidinga de bole ⌊o de Maadua⌋ gu dagodo donu, i honga ono dangada soa laa.

Isaiah 21:12

Gai tangada dagitilo ne hai ange, “Gu baa ange donu gi de ao de mee, gai de boo e dae mai naa donu hogi. Noo koe e lodo e ssili, gai koe siilia; ahe mai ange siilia!”

Ezekiel 12:23

Deenei ai, hai ange gi gilaadeu, ‘E hagadaba de Ia Aamua go Iahweh: Au e hai naa gi deai dangada e daalaa de muna hagasengasenga nei i Israel.’ Aagai koe hai ange gi gilaadeu, ‘E tae mai donu laangi e hagassula ai denga midi hagaago ange alodahi.

Ezekiel 30:3

De laangi laa gu baa mai donu, de laangi o Tagi Maolunga gu baa mai donu; se laangi e hagausinga ina, gai se laangi hagamaatagu ange gi denga huaahenua.

Joel 1:15

E vakaa naa gidaadeu i de laangi laa! Go hiidinga de laangi o Tagi Maolunga gu baa mai donu, gai de Ia Mmahi Mmao e oha naa donu de henua.