Ezekiel 5:2 - De Beebaa Dabu

² Gai de masavaa naa huu e odi ange ai laangi aau e duuli ai luu baasi de aduhale, gai koe ga kave e dahi diba i diba e dolu o ngaangaaulu laa ga dudu i lo te aduhale. Gai koe ga kave dahi hagabuulinga ga duuduu i de gadilaasa i luu baasi o de aduhale. Gai koe ga kave dahi hagabuulinga ga hai gi ilihia saele i de madangi. Go hiidinga au e doolohi saele naa gilaadeu ma dagu gadilaasa.

Ezekiel 5:2 Referans Kwoze

Ezekiel 5:12

Gai dahi diba i diba e dolu o oodou dangada e maakau naa i denga mee hagamaakau ma de onge; dahi diba i diba e dolu e daa naa ga maakau i de gadilaasa. Gai au e hai naa dahi diba i diba e dolu gi mavaevae saele i denga baasi alodahi, ma de dolohia gilaadeu ma de gadilaasa.

Leviticus 26:33

Gai au e hai naa goodou gi mavaevae saele i denga henua gee, au e hai naa gi daia goodou gi maakau i de gadilaasa. Doodou henua e hai naa ga se mommee e deai dangada e nnoho ai, gai oodou aduhale e oha naa ga maoha.

Ezekiel 12:14

Gai au e hai naa gi mavaevae saele dangada alodahi madali ia gi henua i lalo alodahi, go gilaadeu ne balea ange ia, ma ono daane hebagi alodahi; gai au e doolohi naa gilaadeu ga daa gi maakau i de gadilaasa.

Jeremiah 15:2

Gai noo gilaadeu e ssili adu, ‘Go hee omaadeu e hulo aagena?’ gai koe ga hai ange, ‘E hagadaba Tagi Maolunga: Gilaadeu gu hagababa ange e maakau, e maakau; gilaadeu gu hagababa ange gi de gadilaasa, e daia i de gadilaasa; gilaadeu gu hagababa ange gi de onge, e maakau i de onge; gilaadeu gu hagababa e kave gi dahi henua gee, e gaavee gi dahi henua gee.’

Jeremiah 9:16

Au e hai naa gilaadeu gi mavaevae saele gi nnoho i denga huaahenua alaadeu ma olaadeu dubuna tigi iloo laa. Au e doolohi naa gilaadeu ma dagu gadilaasa, ga dae ai gi dagu daa gilaadeu gi odi i de maakau.”

Jeremiah 38:2

“E hagadaba Tagi Maolunga: Be goai e noho i de aduhale nei, gai ia e daia donu ga magau i de gadilaasa, ma de onge aama de mee hagamaakau. Gai tangada e sao ga hano ga dau ange gi de gau Babylon e mouli donu. Ia e hagaola naa dono mouli, gai ia e mouli naa.

Jeremiah 24:10

Gai au e hai naa de gadilaasa, ma de onge, aama de mee hagamaakau, gi hebagi ange gi gilaadeu ga dae ai gi de odi gilaadeu i de maakau i de henua aagu gu gaavange gi gilaadeu ma olaadeu dubuna madagidagi.”

Jeremiah 13:24

“Au e hagasii saele naa goodou bei gili o denga grain e ilihia saele laa i de madangi mai i de vao.

Jeremiah 39:1

Gai ssiva ngadau huu o Zedekiah ne hodooligi ai i Judah, i de madaangahulu malama, gai Nebuchadnezzar, de hodooligi o Babylon, ma dono hagabuulinga hebagi alodahi ne loomai e hebagi ange gi Jerusalem, gai gilaadeu ne duuli luu baasi de aduhale.

Jeremiah 39:2

Gai ssiva laangi huu o de haa malama o de madaangahulu ma dahi ngadau o Zedekiah, gai gu maoha de buibui o de aduhale.

Ezekiel 5:3

Aagai koe gaavee hogi hanu momo ngaangaaulu noodia ange gi de bido o doo malo.

Ezekiel 5:10

Denga damana e gai naa alaadeu dama daane i oodou magavaa, gai denga dama daane e gai naa olaadeu damana; gai au e hagamodu naa oodou muna, ga hai gi mavaevae saele dangada e doe gi mommee o henua i lalo alodahi.

Ezekiel 17:21

Denga daane dau alodahi o ono hagabuulinga hebagi e daia naa ga maakau i de gadilaasa, gai dangada ne ola e mavaevae saele naa i henua i lalo alodahi. Gai gi iloo ai e goodou bolo go au donu go Iahweh ne hagadaba.

Zechariah 13:8

E hagadaba Tagi Maolunga: E lua naa diba i diba e dolu o dangada e daa ga maakau i honga de henua alodahi, gai dahi diba i diba e dolu e doe.

Jeremiah 9:15

Deenei ai, e hagadaba Tagi o denga hagabuulinga hebagi, de Maadua o Israel: “Tilo, au e haangai ange naa de huaadangada nei i gai mmala ma de hagaunu gilaadeu i vai hagammau.

Amos 9:4

Gai ga noonoodia naa donu gilaadeu ga gaavee gi henua o olaadeu hagadaumee, gai au e hai naa de gadilaasa gi daia gilaadeu gi maakau i kilaa. Au e dagitilo naa e hai ange de baubau gi gilaadeu e dee hai ange tanuaa.”