Ezekiel 5:11 - De Beebaa Dabu

¹¹ Deenei ai, au e hagatoo donu i dogu mouli, go de Ia Aamua go Iahweh e hagadaba, go hiidinga goodou gu hai gi hakino gee dogu mommee dabu i oodou diinonga hakino gee lagolago, ma oodou hegau hakino gee alodahi, au e tili naa goodou; au e dee lodo aloha adu naa gi goodou aabe hagaola goodou.

Ezekiel 5:11 Referans Kwoze

Ezekiel 7:20

Gai gilaadeu ne hai ana hadu hagamogomogo go mee olaadeu e malangilangi ai, gilaadeu ne hai mee nei ga hai ai olaadeu diinonga hakino gee ma hoolinga o mee e dee gilimalali. Deenei ai, au e hai naa olaadeu lava gi ni mee hakino gee i olaadeu daha.

Ezekiel 11:18

Gai gilaadeu e aahe mai naa ga aau gee denga diinonga hakino gee ma mee hakino gee alodahi i kilaa.

Ezekiel 7:9

Au e dee lodo aloha adu naa donu gi goodou aabe hagaola goodou; gai au e sui adu naa donu gi bei dagodo o oodou hegau ma oodou dahulinga hakino gee. Gai gi iloo ai e goodou bolo go au donu go Iahweh, ne hagailia goodou.

Ezekiel 7:4

Gai au e dee lodo aloha adu naa donu gi goodou aabe hagaola goodou; au e hagaduasala naa donu i hiidinga oodou hegau baubau, ma denga dahulinga hakino gee e hai i oodou magavaa. Gai gi iloo ai e goodou bolo go au donu go Iahweh.

2 Chronicles 36:14

Gai dagi alodahi o de gau haimeedabu, ma dangada ne kii ange donu tee hai hegau i de mee abodonu, i delaadeu ago ange i dahulinga hakino gee alodahi a denga huaahenua ange laa; gilaadeu ne hai ga hakino gee de hale o Tagi Maolunga, go de mommee aana ne hagadabu laa i Jerusalem.

Ezekiel 24:14

Go au donu go Iahweh ne hagadaba. Gu dae mai donu de masavaa e hagasula ai agu hegau. Au e dee hagaahe naa donu dagu muna; au e dee lodo aloha naa donu, aabe e sui dagu hagatau. Gai koe e hagaduasala naa donu gi bei dagodo o au hegau, go de Ia Aamua go Iahweh e hagadaba.’ ”

Ezekiel 11:21

Aagai dangada e malangilangi laa i de daudali i denga diinonga hakino gee ma mee hakino gee alodahi, au e sui ange naa alaadeu hegau, go de Ia Aamua go Iahweh e hagadaba.”

Ezekiel 9:10

Gai au e dee lodo aloha ange naa donu gi gilaadeu aabe hagaola gilaadeu, aagai au e hagaduasala naa donu gilaadeu i hiidinga alaadeu hegau.”

Ezekiel 9:5

Gai au ne langona ia ne hai ange gi dangada ange laa, “Goodou hulo madali ia gi lo te aduhale daia ai gi maakau dangada, goodou e dee abodonu ange aabe e lodo aloha ange gi gilaadeu.

Ezekiel 8:18

Deenei ai, au e hagaduasala naa gilaadeu i dogu bole; au e dee lodo aloha ange naa donu gi gilaadeu aabe hagaola gilaadeu. Gai ga kona naa donu delaadeu oo mai gi lodo luoogu dalinga, gai au e dee hagallongo donu gilaadeu.”

Ezekiel 8:16

Gai ia ne kave au gi lo te buibui e mua gi lodo o de hale o Tagi Maolunga, gai tilo, e dinolua ma dogolima daane e nnoho i gaogao de haitoga o de temple i kilaa, i magavaa de velanda ma de mommee o ssigidaumaha. Gai olaadeu dua e huuhuli ange gi de temple, olaadeu mada e huuhuli gi dua, gai gilaadeu e ino ange gi de laa e hanage laa i dua.

Lamentations 2:21

Denga dama daane ma de gau maatua gu daakodo i lodo gelegele i honga haiava; agu damaa hine ma agu dama daane gu daia ma gu maakau i de gadilaasa. Koe ne daa gilaadeu ga maakau i de laangi oou ne lili ai; koe tee lodo aloha ange gi gilaadeu, aagai ne daa gilaadeu ga maakau.

Jeremiah 16:18

Gai au e hai naa gi lua hanonga e kii ange ai delaadeu hagaduasala i hiidinga olaadeu baubau ma olaadeu haisala, go hiidinga gilaadeu gu hai ma gu dee gilimalali dogu henua i olaadeu diinonga hakino gee e dee mouli laa, ma de hai gi dohu de huaahenua o dogu boolonga i olaadeu diinonga hakino gee.”

Hebrews 6:13

De masavaa a de Maadua ne hagatoo donu ange ai gi Abraham, gai ia ne hagatoo donu i dono ingoo donu, go hiidinga e deai ange donu se maadua e maolunga ange i de ia, e hagatoo donu ai,

Romans 11:21

Noo de Maadua ne aau gee denga laa donu, gai ia e aau gee naa donu hogi goe.

Romans 11:12

Gai noo delaadeu haisala ne hai ga laumalie de manuuia ange gi henua i lalo, gai noo delaadeu dee maua ne hai ga manuuia denga Gentile, gai dee hee maa ai naa de laumalie de manuuia e humai noo gilaadeu alodahi gu dau!

Romans 8:32

De Maadua tee daohi donu dana Dama i gidaadeu, aagai ne gaavange ia e daa gi magau i odaadeu hiidinga alodahi, gai e dee kii ange laa dana mau i de gaamai mee alodahi gi gidaadeu madali dana Dama?

Malachi 3:17

“Gilaadeu nei ni dangada niiogu, go Tagi o denga hagabuulinga hebagi e hagadaba, i de laangi aagu e hai ai agu hegau. Gai au e hagaola naa gilaadeu, bei de hai a tamana e hagaola ai dana dama e hai hegau ange laa gi de ia.

Zechariah 11:6

Au e dee lodo aloha ange naa gi dangada o de henua, go Tagi Maolunga e hagataba. Au e dugu ange naa dangada gi olaadeu hodooligi ma dangada e paa ange gi gilaadeu gi vaivai haia gilaadeu. Gai gilaadeu e oha naa de henua, gai au e dee hagaola naa donu dahi gilaadeu.”

Amos 8:7

Tagi Maolunga a Jacob e tala tuhi laa gu hagatoo donu: “Ni muna abodonu, au e dee ngalo naa donu alaadeu hegau ne hai.

Ezekiel 44:7

Gai e dee aanei donu huu oodou mee gu hai, gai goodou gu gaamai hogi de gau henua gee, tigi tuu dagaholiage laa olaadeu lodo ma olaadeu angaanga gi dogu mommee dabu, ga hai ai gu hakino gee dogu hale i de masavaa e sigidaumaha mai ai oodou gai, ma mee moomuna ma dodo. Goodou gu oha dagu hagatoo donu hagaheloongoi.

Ezekiel 29:15

Gai Egypt e hai naa go de nohoanga hodooligi hugadoo e maolalo, gai e dee ahe ange naa donu e hagamaolunga i denga huaahenua ange laa. Au e hai naa Egypt gi kona de baageaa, gai e deai ange naa donu se aahe ange e dagi denga huaahenua.

Ezekiel 23:28

Gai e hagadaba de Ia Aamua go Iahweh: Tilo, au e dugu ange naa goe gi ssauaa o dangada oou ne kino ai laa, ma gilaadeu aau gu tili laa i doo kino ai.

Jeremiah 44:4

Gai tee modu donu dagu hai gi loadu ogu dangada hai hegau go denga pelaabisi gi oodou daha, gi hai adu, ‘Goodou aude haia hegau hakino gee oogu e kino ai laa!’

Jeremiah 32:34

Gai gilaadeu ne hao alaadeu diinonga hakino gee gi lo te hale iai dogu ingoo ga hai ai ga hakino gee.

Jeremiah 10:24

Tagi Maolunga, koe gi hagaheohi ina mai au, gai haelea donu i de heohi; gai e dee haelea au i doo lili, kana haia e goe au ga se ngadi mee.

Psalm 107:39

Gai gilaadeu ne sogoisi mai, ma de hagangadi mee ina i delaadeu vaivai haia, ma de duasala, aama de daemaha;

Psalm 95:11

Gai au gu hagatoo donu i dogu lili, “Gilaadeu e dee ulu donu i dagu hagamaabunga.”

2 Chronicles 33:7

Ia ne kave hogi dahi diinonga aana ne hai laa ga hagaduu i lo te hale o de Maadua, go de mommee a de Maadua gu hai ange laa gi David ma dana dama go Solomon, “Go de hale nei ma Jerusalem aagu gu hili i mommee alodahi o aamuli o de gau Israel, e hagadubu ai dogu ingoo ga hano ai.

2 Chronicles 33:4

Ia ne hagatuu hogi hanu mommee o ssigidaumaha i lo te hale o Tagi Maolunga, go de mommee a Tagi Maolunga gu hagadaba laa, “Jerusalem go de mommee e dagodo ai dogu ingoo ga hano ai.”

2 Kings 23:12

Ia ne oha hogi ga too dagidahi denga mommee o ssigidaumaha a denga hodooligi o Judah ne hagatuu laa i tua de hale, i gaogao de aabi o Ahaz i teege i lunga, aama denga mommee o ssigidaumaha a Manasseh ne hagatuu i lodo luu buibui o de hale o Tagi Maolunga, ga maga gi lo te geelonga go Kidron.

2 Kings 21:7

Ia ne kave hogi tuludulu laagau o Asherah aana ne hai laa ga hagaduu i lo te temple, go de mommee a Tagi Maolunga gu hai ange laa gi David ma dana dama go Solomon, “Go de hale nei ma Jerusalem aagu gu hili i mommee alodahi o aamuli o de gau Israel, e hagadubu ai dogu ingoo ga hano ai.

2 Kings 21:4

Ia ne hagatuu hogi hanu mommee o ssigidaumaha ⌊ange gi denga diinonga⌋ i lo te hale o Tagi Maolunga, go de mommee a Tagi Maolunga gu hai ange laa, “Jerusalem go de mommee e dugu ai dogu ingoo.”

Deuteronomy 29:20

Gai Tagi Maolunga e dee degi ange naa donu gi de ia, aagai de lili o Tagi Maolunga ma dono maagoda e hai baasi ange donu gi tangada nei, bei dagodo o de useahi. Gai hagamalaia alodahi gu sisi laa i lo te beebaa nei, e hai ange naa gi de ia, gai Tagi Maolunga e hai naa gi dee manadua dono ingoo i lalo de langi.

Leviticus 15:31

Deenei dooluu hai e vvae gee ai de gau Israel i denga mee dee gilimalali, gi dee maakau ai gilaadeu i delaadeu hai ga dee gilimalali dogu mommee e noho ai i oodou daha.’ ”

De Beebaa go Job 27:22

De madangi e dau naa i de ia, gai e dee abodonu ange donu, gai ia e savini naa ga hano gee i de madangi mmahi.

Lamentations 2:17

Tagi Maolunga gu hai gi bei dana hagatau, gai gu hagassula ana muna, go ana muna gu hagasauaa madagidagi loo. Ia gu oha de aduhale, ia tee lodo aloha ange donu aagena; ia gu hai de hagadaumee gi malangilangi i mee gu hai adu gi de goe, ma de hai oo hagadaumee gi mmahi ange i de goe.

Ezekiel 23:38

Aanei alaau mee ne hai mai gi de au: gilaau ne hai hogi ga hakino gee dogu mommee dabu i de masavaa laa, ma de hagangadi mee agu Sabbath.

Ezekiel 33:11

Hai ange gi gilaadeu, ‘Au e hagatoo donu i dogu mouli, go de Ia Aamua go Iahweh e hagadaba: Au e dee malangilangi donu i de magau o tangada baubau, aagai tangada baubau gi dahuli gee i ana hegau baubau, gi mouli ai i. Goodou daahuli gee, goodou daahuli gee i oodou hegau baubau! De gau Israel, ni haigamaiana aha doodou maakau?’

Ezekiel 5:7

Deenei ai, e hagadaba de Ia Aamua go Iahweh: Goodou e kii ange doodou hagamaanege i denga huaahenua i oodou gaogao, gai goodou tee daudali i agu hainga gu hagasauaa, gai tee daohi agu hainga, aagai goodou ne ago ange i dahulinga a denga huaahenua e paa adu gi goodou.

Ezekiel 8:15

Gai ia ne hai mai gi de au, “Tama a tangada, koe gu gidee mee baubau nei? Gai koe e gidee ange naa denga hegau e kii ange de hakino gee i mee nei.”

Ezekiel 23:39

De masavaa alaau ne daa ai alaau dama ga sigidaumaha ange gi olaau diinonga, de laangi laa gai gilaau ne ulu hogi i dogu mommee dabu ga hai gu dee gilimalali. Aanei alaau mee ne hai i lo togu hale.

Ezekiel 43:8

Gilaadeu ne hagatuu olaadeu haitoga ma laagau o olaadeu haitoga i gaogao laagau o dogu haitoga, gai se dahi donu huu buibui e vaaea omaadeu magavaa. Gilaadeu ne hagangadi mee dogu ingoo dabu i alaadeu hegau hakino gee alodahi. Deelaa ai, au ne daa gilaadeu ga maakau i dogu bole.