Ezekiel 48:21 - De Beebaa Dabu

²¹ Gai de mommee e doe i luu baasi de gelegele dabu laa ma de mommee o de aduhale niio tagi o de henua. Gai e duudagi mai i de 25,000 sugilima o de gelegele dabu laa ga hano ai gi baasi i dua, gai e duudagi mai hogi i de 25,000 sugilima o de gelegele dabu ga hano ai gi baasi i dai. Gai lo te mommee nei go de gelegele dabu aama de mommee dabu o de temple.

Ezekiel 48:21 Referans Kwoze

Ezekiel 48:22

Gai de mommee gu vvae ange laa gi de aamuli o Levi ma de mommee o de aduhale go lo te ungaalodo o de gelegele o tagi o de henua iai. De gelegele o tagi o de henua go de mommee i magavaa o vaaenga o Judah ma de vaaenga o Benjamin.

Hosea 1:11

Dangada o Judah ma dangada o Israel e hagabuni naa ga hili dahi dagi gi dagina gilaadeu, gilaadeu e hagadagadaga age naa i honga de henua, gai de laangi o Jezreel e hai naa ga se laangi maolunga.

Ezekiel 48:10

Deenei de mommee dabu e vvae ange gi de gau haimeedabu. Gai de laumalie o de mommee nei se 25,000 sugilima i de baasi gi ngaiho, e dahisemada sugilima de lahalaha i de bido gi dai, e dahisemada sugilima de lahalaha i de bido gi dua, gai se 25,000 sugilima de looloa i de baasi gi ngaage. Gai lo te ungaalodo o de mommee laa iai de mommee dabu o Tagi Maolunga.

Ezekiel 48:8

De vaaenga e mua ange gi Judah, mai i dua ga sao ai i dai go de mommee e vvae gee laa. Se 25,000 sugilima de lahalaha, gai dono looloa e bei de lloa o vaaenga o denga aamuli ange laa, mai i dua ga hano ga sao i dai. Gai lo te ungaalodo go de mommee dabu.

Ezekiel 37:24

Gai dogu dangada hai hegau go David e hodooligi naa i olaadeu elunga, gai gilaadeu alodahi gu dahi donu huu olaadeu dangada hagaloosi. Gai gilaadeu gi daudali ai naa i agu hagamodu ma de kana ange ga daohi agu mee gu hagasauaa.

Ezekiel 48:20

Gai de mommee oodou e vvae gee laa, e 25,000 sugilima de lahalaha ma de looloa, se mommee tuu dege, go de mommee dabu madali de mommee o de aduhale.