Ezekiel 47:6 - De Beebaa Dabu

⁶ Gai taane laa ne ssili mai gi de au, “Tama a tangada, koe gu gidee nei de mee nei?” Gai ia ne dagi au ga hagaahe gi de gabugabu o de vai laa.

Ezekiel 47:6 Referans Kwoze

Ezekiel 44:5

Gai Tagi Maolunga ne hai mai gi de au, “Tama a tangada, haia gi donu ange goe, gai galo ange diiloo gi danuaa, ga hagallongo mee alodahi aagu e tala adu gi de goe, i dagodo o mee gu hagasauaa ange gi de hale o Tagi Maolunga. Galo ange diiloo de mommee e ulu ai gi lo te temple, ma mommee e ssao mai ai.

Ezekiel 40:4

Gai taane laa ne hai mai, “Tama a tangada, galo ange diiloo i luoo ganomada, gai hagalaangona i luoo dalinga ma de daohi mee alodahi aagu gu dai hagaago adu gi de goe, gai aanei hiidinga aagu ne gaamai ai nei goe gi kinei. Gai koe ga tala ange ai gi de gau Israel mee alodahi aau gu gidee.”

Zechariah 5:2

Gai ia ne ssili mai gi de au, “Ni aha aau e gide laa?” Au ne hai ange, “Au e gidee dahi beebaa mulo e lele i lo te moana; dono looloa se madalua sugilima, gai de lahalaha se madaangahulu sugilima.”

Zechariah 4:2

Gai ia ne ssili mai gi de au, “Ni aha aau e gide laa?” Gai au ne hai ange, “Au e gidee dahi mee dugu laama goolo, gai e dahi boolo e dugu i de ulu, ma e hidu laama i ono elunga, gai e dagidahi olaadeu mommee e velo ange aagena de uvigi.

Ezekiel 8:17

Gai ia ne hai mai gi de au, “Tama a tangada, koe gu gidee naa mee nei? Dangada o Judah e dee anga ange donu gi denga hegau hakino gee alaadeu gu hai i kinei; gilaadeu gu hai ma gu dohu honga de henua i denga dahulinga hakino gee, ga hai ai gi kii ange dogu lili. Galo ange diiloo gilaadeu e dugu ange de laa manu gi mada olaadeu usu.

Ezekiel 8:6

Gai ia ne hai mai gi de au, “Tama a tangada, koe e gidee naa alaadeu mee e hai — go mee hakino gee mmao a de gau Israel e hai i kinei, aanei mee e haia gi dee maua e au i de noho i dogu mommee dabu? Gai koe e gidee naa denga mee e hakino gee ange i mee nei.”

Matthew 13:51

⌊Iesu ne ssili ange,⌋ “Goodou gu tonu ange nei gi mee nei alodahi?” Dangada ne hai ange, “Uaa.”