Ezekiel 47:10 - De Beebaa Dabu

¹⁰ Denga daane haangoda e tuu naa laa luu baasi; mai i En Gedi ga dae ai gi En Eglaim gu iai mommee e dau age ai denga galauna. Gai e lagolago naa hagadaagangaa mamu i kilaa, bei denga mamu i lo te Mediterranean.

Ezekiel 47:10 Referans Kwoze

Matthew 4:19

Gai Iesu ne hai ange gi gilaau, “Gooluu daudali mai i de au, gai au ga hai gooluu gi ni daane e haangoda ina dangada.”

Psalm 104:25

Tai e laumalie ma de lahalaha, gai iai denga hagadaagangaa manu lagolago mmao, manu vaaligiligi aama manu nnui.

Numbers 34:6

Gai doodou ngaadonga mai ai i dai go Mediterranean; deenei doodou ngaadonga mai ai i dai.

Mark 1:17

Gai Iesu ga hai ange gi gilaau, “Gooluu daudali mai i de au, gai au ga hai gooluu gi ni daane e haangoda ina dangada.”

Ezekiel 48:28

De vaaenga o Gad go de vaaenga e ngado mai ai de henua i ngaage, gai e daamada mai i Tamar ga hano ga dae gi de vai o Meribah Kadesh, gai e duudagi mai i kilaa ga hano laa gaogao Ssaalingaa Vai o Egypt ga hano ga dae gi de Mediterranean.

Ezekiel 47:15

Gai deenei de ngaadonga o de henua: de ngaadonga i baasi gi ngaiho e daamada mai i de Mediterranean ga hano gi dua i gaogao o Hethlon i Lebo Hamath, gai e hano ga dae gi Zedad,

2 Chronicles 20:2

Gai hanu daane ne loomai ga hai ange gi Jehoshaphat, “Dahi hagabuulinga hebagi soa mmao gu loomai i Edom, i de baasi laa o Tai Soolo, e hebagi adu gi de goe. Gai gilaadeu gu tae mai gi Hazazon Tamar (e bei go En Gedi).”

Ezekiel 26:5

Gai e hai naa ga se mommee e dauagi ai galauna i honga tai, go hiidinga au gu tala hagadonu donu mee nei, go de Ia Aamua go Iahweh e hagadaba. Gai denga huaahenua e kave naa ono goloa,

Isaiah 49:20

Au dama ne hagadili i de masavaa oou ne hagaduasala ai, e tala adu naa gi langona e goe, ga hai adu, ‘De mommee nei e dee dohu ai gimaadeu; gaamai ange hanu mommee e nnoho ai gimaadeu.’

Isaiah 49:12

Tilo, gilaadeu nei e loomai naa i mommee mmao — hanu mai i ngaiho, hanu mai i dai, gai hanu mai i Syene.”

1 Samuel 23:29

Gai David ne hano gee mai i kilaa, ga hano ga noho i lodo mommee makaga o En Gedi.

Joshua 23:4

Tilo, au gu lava i de vaevae adu gi goodou mommee o denga huaahenua e doe laa e henua ai oodou aamuli, madali denga huaahenua alodahi aagu gu kave mai i Jordan ga dae ai gi de Mediterranean i baasi i dai.

Joshua 15:62

ma Nibshan, ma de Aduhale o Soolo, aama En Gedi — e ono aduhale nnui nei madali olaadeu aduhale vaaligiligi.

Genesis 14:7

Gai gilaadeu ne aahe mai gi En Mishpat (e bei go Kadesh), ga hagadee kii ai de henua alodahi o de gau Amalek, aama de gau Amor e nnoho laa i Hazazon Tamar.

1 Samuel 24:1

Gai ga ahe mai huu a Saul, i dua dono hebagi ange gi de gau Philistia, gai ia gu langona bolo David gu noho i de vao o En Gedi.

Isaiah 19:8

Denga daane haangoda e tangi naa ma de hinangalosaa, dangada alodahi e haangoda i lo te saalingaa vai go Nile; ma gilaadeu e magaa tae i honga de vai e mmade ange naa olaadeu aalanga.

Ezekiel 26:14

Au e hai naa goe gi se baba e deai mee iai; gai koe e hai naa gi se mommee e dauagi ai denga galauna. Koe e dee ahe ange naa donu e hagaduu age, go au donu go Iahweh ne daalaa muna nei, go de Ia Aamua go Iahweh e hagadaba.

Ezekiel 47:19

Gai de ngaadonga i baasi i ngaage e daamada mai i Tamar ga hano ga dae gi de vai o Meribah Kadesh, gai e hano ga duu i Ssaalingaa Vai o Egypt ma de Mediterranean. Deenei de ngaadonga i baasi i ngaage.