Ezekiel 47:1 - De Beebaa Dabu

¹ Gai ia ne hagaahe mai au gi de haitoga o de hale daumaha; gai tilo, de vai e sali mai i lalo de haitoga o de hale daumaha i de bido gi dua, go hiidinga de hale daumaha e huli gi dua. Gai de vai e sali iho i lalo de baasi gi ngaage o de haitoga o de hale daumaha, i baasi i ngaage de mommee o ssigidaumaha.

Ezekiel 47:1 Referans Kwoze

Revelation 22:1

Gai tangada de langi laa ne hagaago mai gi de au ssaalingaa vai o de mouli, e masalaba laa bei de crystal, gai e sali mai i de nohoanga o de Maadua ma Ssiibi Gauligi,

Zechariah 14:8

De laangi laa gai de vai mouli e ssali mai naa i Jerusalem. Hanu e ssali ga hulo gi tai i baasi i dua, gai hanu e ssali ga hulo gi tai i baasi i dai, i de masavaa hagamahana ma de masavaa hagamagalili.

Joel 3:18

De laangi laa gai e hai naa tau uvaini i honga denga mounga, gai e lagolago naa vai uu i honga denga duuduu; denga saalingaa vai alodahi o Judah nogo deai vai iai e ssali ai naa vai. Gai dahi vai e sali mai naa i de hale o Tagi Maolunga, ga hagamaluulu de geelonga o Shittim.

Isaiah 55:1

Loomai, goodou alodahi e hieunu, loomai gi de vai; gai goodou e deai oodou sseene, loomai, hagao ina ma gi gaina! Loomai hagao ina uvaini ma vai uu e dee hagao i sseene, gai e deai sono hagaoanga.

Jeremiah 2:13

Ogu dangada gu hai e lua baubau: gilaadeu gu tili au, ssaalingaa vai o de mouli, gai gilaadeu ne hoda mommee e hagasahu ai vai, go mommee e dee maua gi daakodo ai vai.

Psalm 46:4

E dahi saalingaa vai e sali mai ma e hagamalangilangi de aduhale o de Maadua, go de mommee dabu e noho ai laa de Ia Maolunga Mmao laa.

Ezekiel 47:12

Gai luu baasi ngaadahi o de vai laa e ssomo ai naa denga hagadaagangaa manu ssomo e gai olaadeu hua. Olaadeu lau e dee mmae gai olaadeu hua e dee odi naa donu. Gai manu nei e hhua naa i denga malama alodahi, go hiidinga vai olaadeu e unu ai e ssali mai i de mommee dabu laa. Gai olaadeu hua e haangai ai dangada, gai olaadeu lau e hagaieiangi ai magi o dangada.”

Revelation 22:17

Gai de Hagasaalunga ⌊Dabu⌋ ma de Hine gu dai hagahai bodu laa e hagataba, “Loomai.” Tangada e langona muna nei gi hagadaba, “Loomai.” Gai tangada e hieunu gi humai gi unu, gai tangada e lodo gi unumia vai o de mouli e dee hagao laa.

Zechariah 13:1

“De laangi laa gai e dahi naa vai e sali age e hagagilimalali ai haisala ma hakino gee o de huaabodu o David aama dangada e nnoho i Jerusalem.

Ezekiel 41:2

Gai de lahalaha o de mommee e ulu ai se madaangahulu sugilima, gai de buibui i luu baasi ngaadahi se dagilima sugilima. Ia ne haide hogi tua de aabi laa; gai se madahaa sugilima de looloa ma e madalua sugilima de lahalaha.

Isaiah 30:25

De laangi naa huu o de hebagi e daia ai laa dangada soa, ma de maoha ai de hale dagitilo maolunga, gai honga denga mounga ma duuduu maolunga iai naa denga mommee e ssali ai vai.

Isaiah 2:3

gai dangada soa e loomai naa, ga hagataba: “Loomai, gidaadeu ga loage gi de mounga o Tagi Maolunga ma de hale o de Maadua o Jacob; gai ia e agoago mai naa gidaadeu i ono haiava gai gidaadeu ga seesee ai i ono haiava.” Gai de hainga e gaamai naa i Zion, gai muna a Tagi Maolunga e loomai naa i Jerusalem.

Ezekiel 46:24

Gai ia ne hai mai gi de au, “Aanei mommee e hai ai ahi e boale ai sigidaumaha a dangada.”

Ezekiel 47:2

Gai taane laa ne hagasao mai au laa lo te haitoga i de baasi gi ngaiho, ga dagi au gi de haitoga e mua gi daha i duaahaho, go de haitoga i de baasi i dua; gai de vai e sali mai i de baasi i ngaage.

Zechariah 14:4

De laangi laa gai ia e duu naa i honga de Mounga o denga Olive, i baasi i dua o Jerusalem, gai de Mounga o denga Olive e mahanga lua naa mai i dua ga sao i dai, ga hai ai dahi geelonga laumalie mmao. Dahi luu baasi o de mounga e ngalue naa gi ngaiho, gai de baasi ange laa e ngalue gi ngaage.

Psalm 46:5

De Maadua e noho i kilaa, de aduhale laa e dee maua naa donu gi baguu; gai de Maadua e bale ange de aduhale laa i de ao de mee.

Psalm 87:7

De gau daahili ma gilaadeu e aanu e hagataba, “Ogu saalingaa vai alodahi i oo daha.”

Ezekiel 40:6

Ia ne hano gi de haitoga i de baasi gi dua. Gai ia ne gage age i de gaagenga, ga haide laagau i ma te haitoga laa; gai se dahi laagau haide laa de lahalaha.