Ezekiel 44:5 - De Beebaa Dabu

⁵ Gai Tagi Maolunga ne hai mai gi de au, “Tama a tangada, haia gi donu ange goe, gai galo ange diiloo gi danuaa, ga hagallongo mee alodahi aagu e tala adu gi de goe, i dagodo o mee gu hagasauaa ange gi de hale o Tagi Maolunga. Galo ange diiloo de mommee e ulu ai gi lo te temple, ma mommee e ssao mai ai.

Ezekiel 44:5 Referans Kwoze

Ezekiel 40:4

Gai taane laa ne hai mai, “Tama a tangada, galo ange diiloo i luoo ganomada, gai hagalaangona i luoo dalinga ma de daohi mee alodahi aagu gu dai hagaago adu gi de goe, gai aanei hiidinga aagu ne gaamai ai nei goe gi kinei. Gai koe ga tala ange ai gi de gau Israel mee alodahi aau gu gidee.”

Deuteronomy 32:46

gai ia ga hai ange gi gilaadeu, “Goodou daohia muna alodahi aagu e tala adu gi goodou anailaa nei i oodou lodo, gai goodou ga tala ange ai gi oodou dama gilaadeu gi kana ange gi daohia muna alodahi o de hainga nei.

Deuteronomy 12:32

Kana ange diiloo gi daudali goodou i muna alodahi aagu e tala adu gi goodou; goodou aude hagapuni ina ange aabe e aau gee hanu muna mai i mee nei.

Acts 8:36

Gai ga hulo huu gilaau ga tae gi gaogao dahi vai, gai de eunuch ga hai ange, “Tilo, deenei dahi vai! Gai se aha e buibuia dogu babudaisi?” [

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Daniel 10:12

Gai ia ga hai mai gi de au, “Daniel, aude madagu. Mai i tahi laangi aau ne ssala ai gi donu ange goe ma de hagamaolalo goe i mada luu mada o doo Maadua, gai ia gu langona au muna, gai au ne humai i hiidinga o au muna.

Proverbs 24:32

De masavaa aagu ne gidee ai ma de maanadu dagodo o de mee nei, gai au gu ago dahi mee i agu mee ne gidee:

Psalm 119:4

Koe gu lava i de hagaduu au muna gu hagasauaa gai dangada gi kana ange gi daohia.

2 Chronicles 11:16

Gai dangada alodahi e saalaa Tagi Maolunga, de Maadua o Israel i olaadeu lodo alodahi, i denga aamuli alodahi o Israel ne loomai gi Jerusalem ga hai ai alaadeu sigidaumaha ange gi Tagi Maolunga, de Maadua o olaadeu dubuna madagidagi.

1 Chronicles 22:19

Gai goodou hagammahi saalaa Tagi Maolunga doodou Maadua i oodou lodo ma oodou hagasaalunga alodahi. Goodou ga daamada de hagaduu de mommee dabu o Tagi Maolunga de Maadua, gi maua ai e goodou i de gaamai de ngavesi o de hagatoo donu hagaheloongoi a Tagi Maolunga ma denga goloa dabu o de Maadua gi lo te temple oodou e hagaduu ange gi de ingoo o Tagi Maolunga.”

Exodus 9:21

aagai dangada alodahi ne hagangadi mee ina laa muna a Tagi Maolunga ne dugu donu huu olaadeu dangada hai hegau ma alaadeu manu haangai i lo te duu malaelae.

Ezekiel 42:9

Gai lalo denga aabi nei e dahi haitoga i de bido gi dua, go de mommee e ulu mai ai i lo te buibui laa daha.

Ezekiel 46:19

Gai taane laa ne kave au laa lo te mommee e ulu ai gi lodo i de baasi o de haitoga, gi denga aabi dabu o de gau haimeedabu i de baasi gi ngaiho, gai au ne gidee dahi mommee i de bido gi dai.

Ezekiel 47:6

Gai taane laa ne ssili mai gi de au, “Tama a tangada, koe gu gidee nei de mee nei?” Gai ia ne dagi au ga hagaahe gi de gabugabu o de vai laa.

Psalm 24:3

Goai e maua i de hanage gi de mounga o Tagi Maolunga? Gai goai e maua i de duu i dono mommee dabu?