Ezekiel 44:12 - De Beebaa Dabu

¹² Go hiidinga gilaadeu ne bale ange gilaadeu i de daumaha ange gi denga diinonga, ga dagi ange ai dangada o Israel gi de baubau, deelaa ai, au gu hagatoo donu bolo gilaadeu e hagaduasala naa donu, go de Ia Aamua go Iahweh e hagadaba.

Ezekiel 44:12 Referans Kwoze

Psalm 106:26

Deelaa ai, ia ne haalo age dono lima ga hagatoo donu ange gi gilaadeu bolo ia e daa donu gilaadeu gi maakau i de vao,

Ezekiel 44:10

Aagai hagadiilinga o Levi gu hagammao gee laa i de au, i de masavaa o de gau Israel ne hulo gee mai ai i de au, ga daumaha ange gi olaadeu diinonga, gilaadeu e hagaduasala naa donu.

Ezekiel 20:23

Gai au ne hagatoo donu ange hogi gi gilaadeu i de vao, bolo au e hai naa gi mavaevae saele gilaadeu gi denga huaahenua, ma de hai gilaadeu gi hulo gi nnoho i denga henua ange laa,

Ezekiel 20:15

Gai au ne hagatoo donu ange gi gilaadeu i de vao, bolo au e dee kave donu gilaadeu gi tae gi de henua aagu gu gaavange gi gilaadeu — se henua iai vai uu ma hooni lagolago, gai e mahamaha ange i denga henua alodahi —

Amos 8:7

Tagi Maolunga a Jacob e tala tuhi laa gu hagatoo donu: “Ni muna abodonu, au e dee ngalo naa donu alaadeu hegau ne hai.

Hosea 5:1

De gau haimeedabu, nnoho mai hagalaangona muna nei! Dangada o Israel, goodou nnoho mai hagalaangona! Huaabodu o denga hodooligi, nnoho mai hagalaangona! De hagaduasala nei e hai adu donu gi goodou; go hiidinga goodou ne hagasengalia i Mizpah, gai dahi sele gu doha i honga de mounga go Tabor.

Hosea 4:6

Ogu dangada gu maakau i hiidinga teai selaadeu iloo mee. Go hiidinga koe ne tili de iloo mee, au e tili gee naa hogi goe i tuulanga o dogu dangada haimeedabu; go hiidinga koe tee anga ange gi hainga a doo Maadua, au e dee anga ange naa hogi au dama.

Ezekiel 44:13

Gilaadeu e dee maua i de loomai e hagapaa mai e hai hegau a tangada haimeedabu, aabe loomai e hagapaa ange gi ogu goloa dabu ma mee dabu mmao; aagai gilaadeu e hai naa gi dookaa i hiidinga o alaadeu hegau hakino gee gu hai.

Ezekiel 20:28

De masavaa aagu ne gaamai ai gilaadeu gi de henua aagu gu hagatoo donu bolo e gaavange gi gilaadeu, gai gilaadeu ne gidee denga duuduu maolunga ma denga manu ssomo lau kohu i kilaa, gai gilaadeu ga hulo ga dudu alaadeu sigidaumaha i kilaa, gai gilaadeu ga hai ai au gi lili. Gilaadeu ne dudu hogi sigidaumaha nnamu kala, ma de llingi sigidaumaha o mee unu.

Ezekiel 20:6

De laangi laa gai au ne hagatoo donu ange gi gilaadeu bolo au e hagassao mai naa gilaadeu i de henua go Egypt, ga kave gilaadeu gi dahi henua aagu gu hili e gaavange gi gilaadeu, se henua iai vai uu ma hooni lagolago, gai se henua e mahamaha ange i denga henua alodahi.

Isaiah 9:16

Go hiidinga dagi o de huaadangada gu dagi gee gilaadeu, gai gilaadeu gu daahanga dangada alaadeu e dagi.

Ezekiel 48:11

Deenei de mommee e vvae ange gi de gau haimeedabu gu lava laa i de hagadabu, go hagadiilinga o Zadok, aanei gilaadeu ne hai hegau mai gi de au i de muna abodonu, gilaadeu tee daahuli gee i de au bei hegau a de aamuli o Levi ne hai, i de masavaa o de gau Israel ne daahuli gee ai i de au.

Hosea 4:9

Dangada ma de gau haimeedabu gu dagodo daudahi donu huu; au e hagaduasala naa gilaadeu i hiidinga o alaadeu hegau, ma de hagao ange alaadeu hegau baubau.