Ezekiel 43:2 - De Beebaa Dabu

² gai au gu gidee de mahamaha o de Maadua o Israel e humai i dua. Gai dono leo e bei de hagangolo o denga vai, gai dono mahamaha gu hagamaalama honga de henua.

Ezekiel 43:2 Referans Kwoze

Revelation 18:1

Dua mee laa gai au ne gidee ange hogi dahi dangada de langi e hano iho i de langi, gai dono sauaa e laumalie mmao, gai henua i lalo alodahi gu maalama i dono mahamaha.

Ezekiel 11:23

Gai de mahamaha o Tagi Maolunga ne hano gee mai i lo te aduhale, ga hano ga noho i honga de mounga i baasi i dua o de aduhale.

Isaiah 6:3

Gai gilaadeu e hagadau pasa ma e hagataba, “E dabu, e dabu, e dabu Tagi o denga hagabuulinga hebagi, henua i lalo alodahi gu honu i dono mahamaha.”

Ezekiel 10:4

Gai de mahamaha o Tagi Maolunga gu hagamalanga age mai i honga denga cherubim laa ga hano gi ma te haitoga o de temple; gai de giliiga gu hhao ga honu lo te temple, gai lo te buibui laa gu honu i de maalama o de mahamaha o Tagi Maolunga.

Ezekiel 1:28

Gai de maalama masalaba e duuli ai laa ia e bei de umada i lodo hagausinga i de laangi bala langi. Deenei dagu hai ne gidee ai dagodo o de mahamaha o Tagi Maolunga. De masavaa aagu ne gidee ai, gai au ga ino gi honga de gelegele, gai au gu langona de leo o dahi e basa ai.

Revelation 1:15

Luoono vae e bei de bronze gu hai laa ma gu malamalama i de ahi, gai dono leo e bei de nngolo o vai lagolago.

Ezekiel 3:23

Gai au ga hidi age ga hano gi de geelonga; gai tilo, de mahamaha o Tagi Maolunga gu duu i kilaa, bei de mahamaha aagu ne gidee laa i gaogao ssaalingaa vai go Kebar, gai au ga ino gi honga de gelegele.

Ezekiel 1:24

Gai de masavaa naa huu olaadeu e ngaalue ai, gai au gu langona bolo de gabagaba olaadeu bakau e bei de ngolo o denga vai mmilo, bei de leo o de Ia Mmahi Mmao laa, ma de hagalongaa o dahi hagabuulinga hebagi. Gai de masavaa naa huu olaadeu ne tuu ai, gai gilaadeu ga dugu iho olaadeu bakau.

Revelation 21:23

Gai e deai hogi se laa aabe se maasina o de aduhale laa, i hiidinga go de mahamaha o de Maadua e hagamaalama ina kilaa, gai de laama e hagamaalama ina kilaa go Ssiibi Gauligi.

Revelation 14:2

Gai au gu langona dahi leo mai i de langi bei de ngolo o denga vai lagolago ma de paa o de hatuli; gai de leo aagu e langona laa e bei de hagadangidangi o denga harp.

Revelation 19:6

Gai au ne langona dahi mee bei de hevaalogi o dahi hagabuulingaa dangada soa, ma de haganngolo o denga vai lagolago aama de babaa o denga hatuli nnui, e hagataba, “Hallelujah! Tagi Maolunga taadeu Maadua de Ia Mmahi Mmao laa gu hodooligi.

Revelation 19:1

Dua mee nei gai au ne langona dahi mee bei de hevaalogi o de hagabuulingaa dangada soa i de langi, e hagataba, “Hallelujah! De hagaola ma de mahamaha, ma de mmahi mmao ni mee nii taadeu Maadua,

John 12:41

Isaiah ne tala de mee nei i hiidinga ia ne gidee de mahamaha o Iesu gai ia ga tala ono dagodo.

Habakkuk 3:3

De Maadua ne humai i Teman, de Ia Dabu laa ne humai i de mounga go Paran. Selah Dono mahamaha e haoli de langi, gai dono tuhi e hagahonu henua i lalo alodahi.

Habakkuk 2:14

Go hiidinga henua i lalo e hhao naa ga honu i de iloo mee o de mahamaha o Tagi Maolunga, bei de hagahonu o tai i denga lausedi.

Ezekiel 9:3

Gai de mahamaha o de Maadua o Israel gu hano gee mai i denga cherubim, go de mommee nogo iai, gai ne hano gi ma te abaaba o de temple. Gai ia ne hagahi taane e gahu laa i malo linen ma de dagidagi de mee e sisi ai mee madali ia.

Revelation 21:11

Gai de mahamaha o de Maadua i kilaa, e malamalama bei dahi hadu hagamogomogo mmao, bei de jasper, ma de masalaba bei de crystal.

Isaiah 17:12

Hagalaangona adu de hagalongaa o denga huaahenua soa; olaadeu leo e bei de saamumu o denga beau! Hagalaangona adu de hellumi o denga huaadangada; gilaadeu e haganngolo bei tai laumalie!

Ezekiel 11:22

Gai denga cherubim laa ne doha olaadeu bakau ga llele ai, gai denga hagasii laa ne maalanga age hogi madali gilaadeu; gai de mahamaha o de Maadua o Israel i olaadeu elunga.

Ezekiel 43:4

Gai de mahamaha o Tagi Maolunga ne ulu mai gi lo te temple i de haitoga i de baasi gi dua.

Ezekiel 44:2

Gai Tagi Maolunga ne hai mai gi de au, “De haitoga nei e pono naa ga dugu ai, e dee hhuge donu; e deai hogi se dangada daudahi e ulu ai. Gai e pono ga dugu ai, go hiidinga Iahweh de Maadua o Israel gu ulu ai.

Habakkuk 3:4

Ia e masalaba bei dagodo o de maalama; denga uila e dabadaba mai i lo tono lima, go de mommee iai dono sauaa.