Ezekiel 42:1 - De Beebaa Dabu

¹ Gai taane laa ne dagi au gi lo te buibui e mua gi daha, i de baasi gi ngaiho, ga kave au gi denga aabi i de baasi gee o de buibui o de temple, go de baasi gee o de buibui i daha i de baasi gi ngaiho.

Ezekiel 42:1 Referans Kwoze

Ezekiel 40:20

Ia ne haide hogi de looloa ma de lahalaha o de haitoga i de baasi gi ngaiho, e ulu ai laa gi lo te buibui e mua gi daha.

Ezekiel 40:17

Gai ia ne kave hogi au gi lo te buibui e mua gi daha. Gai au ne gidee hanu aabi ma dahi mommee e doha i denga hadu i lo te buibui laa; e matolu aabi i luu baasi de mommee e doha laa i hadu.

Ezekiel 42:13

Gai taane laa ne hai mai gi de au, “Denga aabi i de baasi gi ngaiho ma de baasi gi ngaage e huuhuli ange laa gi lo te buibui laa daha o de temple go aabi o de gau haimeedabu, go kilaa o de gau haimeedabu e hagapaa ange laa gi Tagi Maolunga e gai ai mee o denga sigidaumaha dabu hugadoo. Go kilaa hogi alaadeu e dugu ai mee o denga sigidaumaha dabu hugadoo — go ssigidaumaha o denga grain, ma ssigidaumaha o haisala, ma ssigidaumaha o tagasala — de mommee nei e dabu.

Ezekiel 42:4

Mada i mua o denga aabi laa e dahi mommee e seesee ai, se madaangahulu sugilima de lahalaha gai e lau sugilima de looloa. Gai olaadeu haitoga i de baasi gi ngaiho.

Ezekiel 41:1

Gai taane laa ne kave hogi au gi lo te de aabi e mua gi daha, ga haide denga laagau i luu baasi; gai denga laagau laa se dagiono sugilima de llaha.

Revelation 11:2

Gai koe aude haidea lo te buibui laa daha o de temple; dugua donu huu, go hiidinga gu dugu ange gi denga huaahenua, gai gilaadeu e hagadee kii naa ga kave de aduhale dabu laa i e madahaa ma lua malama.

Ezekiel 42:10

Gai de mommee hogi e daamada mai ai de buibui o de temple i de baasi gi ngaage, ma de baasi laa ma de baasi gee o de hale, hanu aabi iai

Ezekiel 41:9

Gai de maadolu o de baasi iai laa denga aabi se lima sugilima. Gai de mommee malaelae i magavaa denga aabi o de temple,

Ezekiel 40:24

Ia ne dagi hogi au ga kave gi de baasi gi ngaage, gai au ne gidee bolo e dahi hogi haitoga i kilaa. Gai ia ga haide laagau e hagaduu ai ma dono velanda; gai ono haidenga e bei hogi haidenga o denga haitoga ange laa.

Ezekiel 40:14

Ia ne haide hogi laagau o de buibui alodahi i lo te haitoga laa, gai se madalua sugilima. Gai de haidenga nei e hano ga duu i de velanda i de baasi ange gi lo te buibui.

Ezekiel 40:28

Ia ne kave hogi au laa lo te haitoga i de baasi gi ngaage gi lo te buibui e mua gi lodo, gai ia ga haide de haitoga i de baasi gi ngaage; gai ono haidenga e bei hogi haidenga o denga haitoga ange laa.

Ezekiel 41:10

ma aabi i luu baasi de buibui o de temple se madalua sugilima de llaha.