Ezekiel 4:3 - De Beebaa Dabu

³ Gai koe gaavee dahi gumedi baalanga ga dugu i ooluu magavaa ma de ada o de aduhale, bei dagodo o dahi buibui baalanga; gai koe ga noho ga huli ange gi de aduhale, e dagodo be koe e lodo e duuli luu baasi de aduhale e hebagi ange aagena. De mee nei se hagailonga ange gi de gau Israel.

Ezekiel 4:3 Referans Kwoze

Ezekiel 12:6

Gai koe hagauda ina ange oo goloa gi honga doo eu i madamada o dangada, ga sao ai ga hano i de masavaa gu dai gohugohu ai de mee. Gai koe haolia luoo mada gi dee gidee ai e goe de henua, go hiidinga au e hai goe gi se hagailonga ange gi dangada o Israel.”

Isaiah 20:3

Gai Tagi Maolunga ne hagadaba, “Gai e bei de hai o dogu dangada hai hegau go Isaiah e gilisau ai laa ma teai ono mee vae ga hano saele ai i e dolu ngadau, e hai ai dahi hagailonga ma de mee hagalele mouli ange gi Egypt ma Ethiopia,

Isaiah 8:18

Tilo, gimaadeu ma dama a Tagi Maolunga gu gaamai gi de au ni hagailonga gai se ada ange gi Israel, mai i daho Tagi o denga hagabuulinga hebagi, go de ia e noho i honga de mounga go Zion.

Ezekiel 12:11

Hai ange gi gilaadeu, ‘Au se hagailonga adu gi goodou.’ Mee aau gu hai nei, e hai ange naa hogi gi gilaadeu. Gilaadeu e noonoodia naa ga gaavee gi dahi henua gee.

Hebrews 2:4

Gai de Maadua ne tala hagadonu hogi mee nei, i denga hagailonga ma mee hagalele mouli ma denga hagadaagangaa sauaa mmahi, aama denga duuhanga mai i daho de Hagasaalunga Dabu, bei dagodo o dana hagatau.

Luke 2:34

Gai Simeon ne hagamanuuia gilaadeu ga hai ange gi Mary, dono dinana, “Tamaa gauligi nei gu hagababa ange gi oohaa ma de hagaahe age o dangada soa o Israel, gai se hagailonga e hai baasi ange dangada aagena i alaadeu muna,

Jeremiah 39:1

Gai ssiva ngadau huu o Zedekiah ne hodooligi ai i Judah, i de madaangahulu malama, gai Nebuchadnezzar, de hodooligi o Babylon, ma dono hagabuulinga hebagi alodahi ne loomai e hebagi ange gi Jerusalem, gai gilaadeu ne duuli luu baasi de aduhale.

Leviticus 2:5

Gai noo koe e hai dau ssigidaumaha o grain ga dunu i honga dahi gumedi hadu baabaa, gai haia i pelaoaa lligi e deai mee hagahua iai, gai gu hilo ma lolo;

Jeremiah 39:2

Gai ssiva laangi huu o de haa malama o de madaangahulu ma dahi ngadau o Zedekiah, gai gu maoha de buibui o de aduhale.

Ezekiel 5:2

Gai de masavaa naa huu e odi ange ai laangi aau e duuli ai luu baasi de aduhale, gai koe ga kave e dahi diba i diba e dolu o ngaangaaulu laa ga dudu i lo te aduhale. Gai koe ga kave dahi hagabuulinga ga duuduu i de gadilaasa i luu baasi o de aduhale. Gai koe ga kave dahi hagabuulinga ga hai gi ilihia saele i de madangi. Go hiidinga au e doolohi saele naa gilaadeu ma dagu gadilaasa.

Daniel 11:17

Gai ia e hai naa dahi hagatau e humai ai ma mahi o dono nohoanga hodooligi alodahi, e hagaheloongoi ai olaau magavaa ma de hodooligi o ngaage. Gai ia ga gaavange naa dahi damaa hine e hai ai dono bodu, gai ia ga oha ai de nohoanga hodooligi laa, aagai dana hagatau tee maua gi sula ma tee haigamaiana ange gi de ia.

Isaiah 22:7

Oo geelonga hhua lagolago gu hoohonu i denga hada hebagi, gai denga daane e kage i honga hoosa e duuli naa denga haitoga o de aduhale;