Ezekiel 4:16 - De Beebaa Dabu

¹⁶ Ia ne hai mai hogi gi de au, “Tama a tangada, tilo, au e hai naa gi onge Jerusalem; gai dangada e hagabau naa alaadeu pelaoaa e gai ma de maatagu, aama de hagabau alaadeu vai e unu ma teai selaadeu tali,

Ezekiel 4:16 Referans Kwoze

Ezekiel 5:16

de masavaa aagu e tili ai goodou i denga dao o de mee hholu, go dao hagamaakau o de onge, go dao e hagammae ai goodou, gai au e tili naa donu e daa ai goodou gi maakau. Gai au e aheahe ange naa e hai gi onge goodou gi deai ai oodou gai.

Isaiah 3:1

Tilo, de Ia Aamua, Tagi o denga hagabuulinga hebagi e kave gee naa de bale o Jerusalem ma Judah ma goloa olaau e tali hagalodolodo ange laa aagena, ma denga gai alodahi, ma vai alodahi;

Leviticus 26:26

De masavaa naa huu aagu e hai ai gi deai oodou gai, gai e dinoangahulu haahine e dao naa alaadeu momo pelaoaa i e dahi umu, gai gilaadeu e hagahidi naa pelaoaa laa ga duha dagi de momo. Goodou e gaimee naa, gai e dee maua gi boobosu.

Ezekiel 14:13

“Tama a tangada, de masavaa naa huu o dangada i de henua e haisala mai ai gi de au ma de daahuli gee mai i de au, gai au e hagaabo naa dogu lima ga hagaduasala ai gilaadeu, ma de hai gi deai alaadeu gai i dagu gaamai de onge gi honga de henua, ga daa ai dangada ma manu gi maakau,

Psalm 105:16

Ia ne hai gi humai de onge gi honga de henua, gai ne hai gi deai alaadeu gai;

Lamentations 5:9

Gimaadeu e hai hegau ange gi amaadeu mee gai, ma de manavasaa i omaadeu mouli, i hiidinga o de gadilaasa i lodo henua.

Lamentations 1:11

Ono dangada alodahi gu duasala i delaadeu hulo ga ssala alaadeu gai. Gilaadeu ne hagahesuihagi olaadeu goloa hagamogomogo i hanu gai, gi dee maakau ai gilaadeu. “Tagi Maolunga, galo mai diiloo dagodo o dogu hagangadi mee ina.”

Psalm 60:3

Koe gu hai oo dangada gi gidee denga masavaa hai ngadaa; koe gu hai gimaadeu gi unumia uvaini gi ssee saele ai gimaadeu.

Revelation 6:5

Gai de masavaa huu a Ssiibi Gauligi laa ne oha ai tolu mee hagamakaga laa, gai au gu langona tolu mee mouli laa e hagadaba, “Sao hannoo!” Gai tilo, au ne gidee dahi hoosa uli, gai de ia e gage i ono elunga e daohi mee hagahidi i lo tono lima.

Jeremiah 52:6

Gai ssiva laangi huu o de haa malama o de ngadau laa, gai gu kona de onge i lo te aduhale laa, gu deai gai a dangada.

Lamentations 5:4

Gimaadeu e hagao amaadeu vai unu, gai amaadeu lahhie e dahi hogi olaadeu hagaoanga.

Ezekiel 4:15

Gai ia ne hai mai gi de au, “Au e dugu adu goe gi dao ina au gai i denga duudae kaau, e dee go duudae o dangada.”

Amos 4:8

Gai dangada e hagadaga naa i denga aduhale e ssala ai hanu vai unu, gai gilaadeu tee boobosu i de unu ai; aagai goodou tee aahe mai gi de au, go Tagi Maolunga e hagadaba.

2 Kings 6:25

Gai gu hai de onge laumalie i de aduhale laa; gai ga daulooloa huu de hai de hebagi, gai de hagaoanga o de biho o dahi donkey gu se madavalu shekel selevaa e hagao ai, gai dahi diba i diba e haa o dahi cab o duudae o de manu kono gu lima shekel selevaa e hagao ai.

2 Kings 25:3

Gai ssiva laangi huu o de haa malama o de ngadau laa, gai gu kona de onge i lo te aduhale, gu deai donu gai a dangada.