Ezekiel 39:4 - De Beebaa Dabu

⁴ Gai koe e magau naa i honga denga mounga o Israel, go koe ma oo hagabuulinga hebagi ma dangada alodahi madali goe; gai au e gaavange naa oo kano gi denga hagadaagangaa manu llele ma manu lodo henua gi gaina.

Ezekiel 39:4 Referans Kwoze

Ezekiel 33:27

Gai koe hai ange gi gilaadeu: ‘E hagadaba de Ia Aamua go Iahweh: Au e hagatoo donu i dogu mouli, dangada e nnoho laa i denga aduhale gu maoha laa e daia naa donu ga maakau i de gadilaasa, gai au e hai naa denga manu lodo henua gi gaina kano o dangada e nnoho i de mommee iai veelenga, gai dangada e nnoho i lodo mommee dagitilo ma denga haonga i lodo mounga e maakau naa i de mee hagamaakau.

Ezekiel 38:21

Gai au e hai naa gi humai de gadilaasa gi hebagi ange gi a Gog i honga ogu mounga alodahi, go de Ia Aamua go Iahweh e hagadaba. De gadilaasa a dahi dangada e hai baasi ange naa gi dono daina.

Ezekiel 29:5

Gai au e maga naa goe gi de vao, madali denga mamu alodahi mai i lodo oo saalingaa vai. Koe e daia naa ga magau i lo te duu malaelae gai koe e dee danu naa donu aabe hagabudu oo ivi. Au e gaavange naa oo kano e gai denga manu dolodolo ma manu llele.

Jeremiah 15:3

Au e hai naa gi loomai e haa hagadaagangaa mee oha gi gilaadeu, go Tagi Maolunga e hagadaba: de gadilaasa e daa ga maakau dangada, ma denga gaaduu e dada dangada ga gaavee, aama manu llele ma manu lodo henua e gai laa ma de daa gilaadeu.

Isaiah 14:24

Tagi o denga hagabuulinga hebagi ne basa hagatoo donu, ga hai ange, “Agu hagatau gu hai, e hagassula naa donu, gai dagu mee gu hagamodu, e dee haisala donu.

Isaiah 14:25

Au e hagadee kii naa de gau Assyria i dogu henua; gai au e dagadagahi naa Assyria i honga ogu mounga. Gai dana laagau hagahai hegau e aau gee naa i honga ogu dangada, dana mee hagauda daemaha e aau gee naa i honga olaadeu eu.”

Jeremiah 25:33

Gai dangada a Tagi Maolunga e daa ga maakau i de laangi laa e gidee mai loo i dahi bido o henua i lalo ga dae ai gi de bido laa. Gai e deai naa donu dangada e tangi i gilaadeu aabe e hagabudulia gilaadeu ga danumia. Gai gilaadeu e bei naa denga duudae e daakodo saele laa i honga de gelegele.

Ezekiel 35:8

Au e hai naa honga oo mounga gi hoohonu i de gau maakau. Dangada e maakau i de gadilaasa e daakodo naa i honga oo duuduu ma lodo oo geelonga aama lodo oo mommee iai vai alodahi.

Ezekiel 39:5

Gai koe e daia naa ga magau naa i lodo henua, go hiidinga gu lava donu i dagu tala, go de Ia Aamua go Iahweh e hagadaba.

Nahum 3:3

Denga daane e saavini i honga hoosa, gai alaadeu gadilaasa e dabadaba gai olaadeu dao e malamalama! Gu soa dangada ne maakau, de gau maakau gu hagabudu saele, gu dee maua gi iloo taelodo, dangada gu baakuu saele laa honga o de gau maakau —