Ezekiel 39:3 - De Beebaa Dabu

³ Gai dua naa huu mee nei, gai au ga hagaili dau mee hholu gi doo i doo lima masui, ma de hai denga dao gi too mai i doo lima madau.

Ezekiel 39:3 Referans Kwoze

Psalm 76:3

Ia gu hadihadi denga dao ula o de hagadaumee ma de mee hungihungi, ma de gadilaasa, aama denga goloa o de hebagi. Selah

Hosea 1:5

De laangi laa, gai au e hhadi naa de mee hholu a Israel i lo te geelonga go Jezreel.”

Psalm 46:9

Ia e hai naa gi deai hebagi i henua i lalo alodahi; ia e hadihadi de mee hholu ma ono dao, ia e dudu denga hada hebagi i de ahi!

Ezekiel 30:21

“Tama a tangada, au gu hhadi de lima o Pharaoh de hodooligi o Egypt, gai tilo, tigi saabini gi mahu ai, aabe gu hhau i de laagau gi ahe ange gi mmahi, ma de maua ai i de poo de gadilaasa.

Ezekiel 39:2

Gai au e hagahuli naa goe ga hai gi humai mai i denga mommee i ngaiho, ga dagi mai goe gi hebagi ange gi denga mounga o Israel.

Amos 2:15

Taane e dilia mee hholu e dee maua naa donu i de duu gi makaga, gai taane hebagi e dee maua naa hogi i de hagamoolau e hano, taane e gage i honga de hoosa e dee maua hogi i de hagaola dono mouli.

Psalm 46:10

“Goodou nnoho ma gi dee mmuu, gai goodou gi iloo bolo go au donu de Maadua. Denga huaahenua e hagaamua naa donu au, henua i lalo e hagaamua naa donu au.”

Psalm 76:4

Koe e mahamaha mmao, gai e maolunga ange i denga mounga iai manu e maua i de gai.