Ezekiel 34:4 - De Beebaa Dabu

⁴ Goodou e dee hagammahi de ia gu baageaa, gai e dee hagaieiangi de ia gu mmagi, aabe saabini maanuga o de ia gu lagohia. Goodou tee hagaahe mai ssiibi gu ssenga saele laa, aabe ne ssala de ia gu dee maaleva laa. Goodou ne hagaduasala gilaadeu ma de vaivai hai gilaadeu i doodou dagi gilaadeu.

Ezekiel 34:4 Referans Kwoze

Matthew 9:36

De masavaa a Iesu ne gidee ai dangada soa, gai ia gu lodo aloha i gilaadeu, go hiidinga gilaadeu e dee nnoho paba gai e maoha saele, bei dagodo o denga ssiibi e deai laa selaadeu dangada hagaloosi.

Ezekiel 34:16

Au e ssala naa ssiibi gu dee maleva laa, ma de hagaahe mai gilaadeu gu hulo gee. Au e saabini naa maanuga o ssiibi gu lagohia laa ma de hagammahi gilaadeu e baageaa, aagai au e daa naa gi maakau denga ssiibi pedi ma de mmahi. Au e hagaloosi ange naa gilaadeu i de hagamodu heohi.

Matthew 10:6

Gai goodou hulo donu huu gi denga ssiibi i magavaa o dangada o Israel gu dee maaleva laa.

Hebrews 12:12

Deenei ai, langa age oodou lima gu daudau naa, ma oodou duli gu baageaa naa,

2 Corinthians 1:24

Go hiidinga e dee go gimaadeu e huahua i oodou kai, aagai gimaadeu e hai hegau madali goodou gi malangilangi ai goodou, go hiidinga go de gai oodou e tuu ai ga makaga.

Jeremiah 8:22

E aha, gu deai laa valaai i Gilead? Gai e deai laa se dangada hai magi i kilaa? Gai gu aha gu deai ai se ia e hagaieiangi ina maanuga o ogu dangada?

Matthew 24:49

gai ia ga daamada de daa ono soa hai hegau ma de gaimee ma de unu madali gilaadeu e unu ga ssenga,

Matthew 21:35

Aagai de gau laa ga poo ono dangada hai hegau ga hagailiili dahi, gai ga daa dahi gu magau, gai ne maga dahi i denga hadu.

Jeremiah 22:13

“E vakaa naa tangada e hagaduulia dono hale i hegau dee heohi, ma de hai denga aabi i lunga o dono hale i de vaivai dagodo, aama de ngadi hagahai hegau tangada de henua, gai e dee gaavange de hagaoanga o ana hegau.

Isaiah 56:10

Denga daane dagitilo o Israel e dee kide, gilaadeu alodahi e deai donu olaadeu iloo mee; gilaadeu e bei denga gaaduu e dee pasa, gilaadeu dee maua i de koo; gilaadeu e daakodo ga sseni ma de midi, gilaadeu e llodo mmao e sseni.

Leviticus 25:43

Aude vaivai haia tangada Israel, aagai koe gi madagu i doo Maadua.

Isaiah 1:5

Gu aha gu hai ai gi duudagi doodou hagailiilia? Gai gu aha gu duudagi ai doodou hagamaanege? De biho alodahi gu magi, gai de lodo alodahi gu baageaa.

Isaiah 3:7

Aagai ia e oo naa i de laangi laa, ga hai ange, “Au e dee maua i de hagadanuaa mee nei. E deai donu gai be ni malo i dogu hale; goodou e dee hai au go doodou dagi.”

Ezekiel 19:6

Ia ne haganngolo i magavaa o denga laiono, go hiidinga ia gu se laiono mmahi. Ia ne ago de hai e daa ai denga manu, gai ia gu laiono gai dangada.

Ezekiel 19:7

Ia ne oha olaadeu mommee buibui makaga, ma de oha ga odi olaadeu aduhale. De henua ma dangada alodahi e nnoho ai, gu maatagu i dono haganngolo.

Ezekiel 19:9

Gai gilaadeu ne hagalau ia ga dada ange gi lo te buibui manu, ga kave ai gi de hodooligi o Babylon. Gilaadeu ne hhao ia gi lo te hale pono, gai dee langona ange ai dono haganngolo i honga denga mounga o Israel.