Ezekiel 33:3 - De Beebaa Dabu

³ gai noo ia e gidee de gadilaasa gu humai gi de henua, gai ia e ili de hanga manu ga hagailoo ange ai gi dangada,

Ezekiel 33:3 Referans Kwoze

Hosea 8:1

Ilihia de hanga manu i doo ngudu! Dahi igele gu hano iho gi honga de hale o Tagi Maolunga, go hiidinga gilaadeu gu oha dagu hagatoo donu hagaheloongoi, ma de hai baasi ange gi agu hainga.

Nehemiah 4:20

Gai be go hee naa huu oodou e langona ai de ili o de hanga manu, gai goodou ga hagabuni mai gi omaadeu daha i kilaa. Gai taadeu Maadua e hebagi naa donu i odaadeu hiidinga.”

Joel 2:1

Ilihia de hanga manu i Zion, gai ilihia i honga dogu mounga dabu. Gai dangada alodahi i honga de henua gi maatagu, i hiidinga de laangi o Tagi Maolunga e dae mai naa. Gai gu baa mai donu —

Isaiah 58:1

“Oo daalaa, aude haganoho ina. Hagaleo laumalie bei de leo o de hanga manu. Daalaa ange gi ogu dangada olaadeu baubau, gai daalaa ange gi dangada o Jacob olaadeu haisala.

Nehemiah 4:18

gai dangada alodahi e hagaduulia laa de buibui, e dau alaadeu gadilaasa i de masavaa alaadeu e bae ai de buibui. Gai taane e ilihia laa de hanga manu e duu i ogu gaogao.

Jeremiah 51:27

Hagaduulia age dahi hagailonga i honga de henua, gai ilihia de hanga manu i denga huaahenua. Hagadaabena ina denga huaahenua e hebagi ange gi de ia; gai hagahia de nohoanga hodooligi o Ararat, ma Minni, aama Ashkenaz. Hilia tagi o denga daane hebagi gi hebagi ange gi de ia, gai gaamai denga hoosa lagolago bei denga itebuubuu.

Jeremiah 6:1

“Dangada o Benjamin, goodou saavini mage hulo mmuni! Gai saavini hulo gee mai i Jerusalem! Ilihia de hanga manu i Tekoa! Gai dahu ina dahi ahi hagailonga i honga o Beth Hakkerem! Go hiidinga de hai ngadaa gu humai i ngaiho, gai se mee e haia de oha laumalie.

Jeremiah 4:5

“Hagailoo ina i Judah gai daalaa i Jerusalem, hai ange: ‘Ilihia de hanga manu i honga de henua alodahi!’ Gai oo ma gi hagadaba: ‘Hagabuni ina dangada! Gidaadeu ga ulu gi lodo aduhale buibui!’

1 Corinthians 14:8

Gai noo de trumpet e dee ili gi heohi, gai goai ai naa donu e hagadabena ange gi de hebagi?

Ezekiel 3:19

Aagai noo koe e hagakana ange tangada baubau, gai ia tee huli gee mai i ana hegau baubau, ma ana dahulinga baubau, gai ia e magau donu i hiidinga o ono haisala, aagai koe gu hagaola doo mouli.

Amos 3:6

E aha, dangada e dee maatagu laa i de masavaa e ili ai de hanga manu i lo te aduhale? E aha, e maua gi dae mai de hai ngadaa gi dahi aduhale, noo e dee dugua ange e Tagi Maolunga?