gai de huaahenua hagamaatagu laa e sele iho naa de manu laa ga tili ai. Gai de angaanga ma ono laa gu hadihadi iho ga daakodo i honga mounga alodahi aama lodo saalingaa vai o de henua. Gai dangada alodahi o henua i lalo gu hulo gee i lalo dono malu ma de tili de manu laa.
Au e hai naa honga oo mounga gi hoohonu i de gau maakau. Dangada e maakau i de gadilaasa e daakodo naa i honga oo duuduu ma lodo oo geelonga aama lodo oo mommee iai vai alodahi.
Gai koe e magau naa i honga denga mounga o Israel, go koe ma oo hagabuulinga hebagi ma dangada alodahi madali goe; gai au e gaavange naa oo kano gi denga hagadaagangaa manu llele ma manu lodo henua gi gaina.