Ezekiel 32:4 - De Beebaa Dabu

⁴ Au e tili naa goe i honga de gelegele, ma de maga ange goe gi lo te duu malaelae. Au e hai naa denga manu llele gi toga i oo elunga, gai denga manu lodo henua alodahi e boobosu naa i de gai goe.

Ezekiel 32:4 Referans Kwoze

Isaiah 18:6

Gai angaanga o denga daane hebagi e gaavange naa gi denga manu llele i honga de mounga, ma denga manu dolodolo i honga de henua. Denga manu llele e gai naa olaadeu kano i de masavaa mahanahana, denga manu lodo henua e gaimee ai naa i de masavaa hagamagalili.

Ezekiel 29:5

Gai au e maga naa goe gi de vao, madali denga mamu alodahi mai i lodo oo saalingaa vai. Koe e daia naa ga magau i lo te duu malaelae gai koe e dee danu naa donu aabe hagabudu oo ivi. Au e gaavange naa oo kano e gai denga manu dolodolo ma manu llele.

Joel 3:19

Egypt e hai naa ga deai dangada iai, gai Edom e bei naa de vao e deai laa dangada iai, go hiidinga delaadeu vaivai hai dangada o Judah, ma delaadeu daa dangada tigi haisala ga maakau.

Jeremiah 25:33

Gai dangada a Tagi Maolunga e daa ga maakau i de laangi laa e gidee mai loo i dahi bido o henua i lalo ga dae ai gi de bido laa. Gai e deai naa donu dangada e tangi i gilaadeu aabe e hagabudulia gilaadeu ga danumia. Gai gilaadeu e bei naa denga duudae e daakodo saele laa i honga de gelegele.

Jeremiah 8:2

Gai olaadeu ivi e daakodo saele naa i lalo de laa ma de maasina aama denga heduu o de langi, go mee olaadeu ne llodo e hai hegau ange aagena, ma de daudali ai aama de daumaha ange aagena. Gai olaadeu ivi e dee hagabudu naa donu aabe e danu, aagai e bei naa denga duudae e daakodo saele laa i honga de gelegele.

Isaiah 66:24

Gilaadeu e hulo naa ga tilo angaanga o de gau maakau ne hai baasi mai gi de au; denga ilo i olaadeu angaanga e dee maakau naa donu, gai de ahi e dee diinei naa hogi, gai gilaadeu alodahi e hai naa ga ni mee hakino gee ange gi dangada alodahi.”

Isaiah 14:19

Aagai koe e tili gee naa i lo too daanunga bei dahi laa manu e aau laa ga tili; koe gu haolia ma gu lilo i de gau maakau, madali gilaadeu ne daia ga maakau i de gadilaasa, go gilaadeu e loiho gi lodo hadu i lo te geelonga. Koe gu bei de angaanga o tangada magau e dagadagahia laa.

Psalm 74:14

Koe ne hagabalaginagina denga biho o de Leviathan, ga haangai ange ai denga manu lodo henua.

Psalm 63:10

Gilaadeu e daia naa ga maakau i de gadilaasa, gai olaadeu angaanga e gaina naa i denga manu aada.

Ezekiel 35:8

Au e hai naa honga oo mounga gi hoohonu i de gau maakau. Dangada e maakau i de gadilaasa e daakodo naa i honga oo duuduu ma lodo oo geelonga aama lodo oo mommee iai vai alodahi.