Ezekiel 30:3 - De Beebaa Dabu

³ De laangi laa gu baa mai donu, de laangi o Tagi Maolunga gu baa mai donu; se laangi e hagausinga ina, gai se laangi hagamaatagu ange gi denga huaahenua.

Ezekiel 30:3 Referans Kwoze

Obadiah 1:15

De laangi o Tagi Maolunga gu dae mai donu gi honga o denga huaahenua alodahi. Gai au mee ne hai, e hai adu naa donu hogi gi de goe; au hegau baubau e aahe adu naa donu gi de goe.

Ezekiel 34:12

Au e hagaloosi ange naa agu ssiibi bei de hai a tangada hagaloosi ssiibi e ssala ai laa ana ssiibi gu mavaevae saele laa. Au e hagaola naa gilaadeu mai i mommee alodahi olaadeu gu mavaevae saele laa aagena, i de laangi e hagausinga ai ma de gohu.

Ezekiel 30:18

Tahpanhes e gohu naa i de laangi, i de masavaa aagu e hhadi ai de laagau hagahai hegau a Egypt. Gai ono mahi e hagamaolunga ai laa e lilo naa. De hagausinga e haoli naa de henua, gai ono dangada e noonoodia naa ga gaavee gi dahi henua gee.

Ezekiel 7:12

De masavaa gu dae mai, gai de laangi laa gu dae mai donu. Tangada e hagao mai ana mee gi dee malangilangi, gai tangada e hagao ina ana mee gi daha gi dee daemaha, go hiidinga de bole ⌊o de Maadua⌋ gu dagodo donu, i honga ono dangada soa laa.

Ezekiel 7:7

De hagaduasala gu dae mai donu gi goodou — dangada e noho i de henua. De masavaa gu dae mai donu, gai de laangi laa gu baa mai donu; gai se hagamaatagu, e dee se laangi e malangilangi ai dangada i honga mounga.

Zephaniah 1:14

De laangi maolunga o Tagi Maolunga gu baa mai, gu baa mai donu, gai e moolau mai naa donu. De tangi o dangada i de laangi o Tagi Maolunga e kona naa donu; denga daane hebagi e tangi naa hogi.

Zephaniah 1:7

Goodou gi dee mmuu i mada luu mada o de Ia Aamua go Iahweh, go hiidinga de laangi o Tagi Maolunga gu baa mai donu. Tagi Maolunga gu hagadabena dahi sigidaumaha; ia gu hagadabu gilaadeu aana gu ssala ange.

Joel 1:15

E vakaa naa gidaadeu i de laangi laa! Go hiidinga de laangi o Tagi Maolunga gu baa mai donu, gai de Ia Mmahi Mmao e oha naa donu de henua.

Ezekiel 32:7

Gai de masavaa naa huu aagu e hagalilo ai goe, gai au e haoli naa de langi, gi dee ssula iho ai denga heduu. Au e haoli naa hogi de laa i dahi hagausinga, gai de maasina e dee sula age naa hogi.

Revelation 6:17

Go hiidinga gu dae mai de laangi olaau e pole ai, gai goai naa donu e maua i de hai baasi ange?”

James 5:9

Denga daina, goodou gi dee nnanu i dahi dangada gee, gi dee hagamodu ai oodou muna. Tilo, tangada hagamodu muna gu duu donu i ma te haitoga.

Philippians 4:5

Haia gi iloo e dangada alodahi bolo goodou e daudonu. Tagi Maolunga gu dai ahe mai donu!

Matthew 24:33

E bei ai hogi, de masavaa naa huu oodou e gidee ai mee nei alodahi, gai goodou e iloo bolo ia gu dai humai donu, ia gu duu donu i gaogao de haitoga.

Ezekiel 29:12

Gai au e hai naa de henua go Egypt gi ngadi dagodo, madali denga henua gu ngadi daakodo laa; ono aduhale e oha naa ga ngadi daakodo i e madahaa ngadau. Au e hai naa gi mavaevae saele de gau Egypt i magavaa o denga huaahenua, ma de hai gilaadeu gi nnoho saele i denga henua ange laa.

Ezekiel 7:19

Gai gilaadeu e tili ange naa alaadeu selevaa gi honga denga haiava, gai alaadeu goolo e bei naa dagodo o de mee hakino gee. Alaadeu goolo ma selevaa e dee maua naa donu i de hagaola gilaadeu i de laangi o de bole o Tagi Maolunga. Mee nei e dee maua naa donu i de hagaboobosu gilaadeu, aabe hagahoohonu lodo olaadeu dinae, go hiidinga mee nei gu dagi ange gilaadeu gi lo te baubau.

Isaiah 19:1

Muna hagadaemaha i dagodo o Egypt. Tilo, Tagi Maolunga e gage i honga dahi giliiga gemo, gai ia e humai naa gi Egypt. Denga diinonga o Egypt e bolebole naa i mada luoono mada, gai dangada o Egypt e manavasaa naa olaadeu lodo.

Psalm 110:6

Ia e hagamodu naa muna o denga huaahenua, ga hhao olaadeu mommee gi honu i de gau maakau; ia e daa naa denga dagi o henua i lalo alodahi.

Psalm 37:13

aagai de Ia Aamua e gadagada naa i tangada baubau, i hiidinga ia e iloo bolo e dae mai naa donu dono laangi.

Exodus 14:24

Gai denga aoaa hagaloosi hagaodi huu, i de baasi gi boo taiao, gai Tagi Maolunga ne galo iho i lo te duludulu o de ahi ula ma de hagausinga ga tilo de hagabuulingaa daane hebagi o de gau Egypt, ga hai gilaadeu gi ssenga ange.

Exodus 14:20

gai ne duu i magavaa o de hagabuulinga hebagi o de gau Egypt ma de gau Israel. Gai ne hagagohu de baasi ange ⌊gi de gau Egypt⌋, aagai ne hagamaalama de baasi ange ⌊gi de gau Israel⌋; gai tee maua donu e dahi hagabuulinga, i de hano e hagabaa ange gi de hagabuulinga ange laa, i de boo laa alodahi.

Isaiah 13:6

Goodou tangi see, go hiidinga de laangi o Tagi Maolunga gu baa mai donu; gai e dae mai naa bei de hai a de Ia Mmahi Mmao laa e oha ai laa!

Ezekiel 13:5

Goodou tee hulo e hagaahe age mommee gu maoha i de buibui, aabe go hagaduu age de buibui o dangada o Israel, gi duu ai gi makaga de masavaa o de hebagi, i de laangi o Tagi Maolunga.

Isaiah 13:9

Tilo, de laangi o Tagi Maolunga gu dae mai donu, gai se laangi hagaduasala, ma de bole aama de lili laumalie, e oha ai de henua ga hai gu se ngadi mommee, gai e daa naa gi maakau de gau haisala i kilaa.

Jeremiah 25:31

De leo o de hellumi gu dae loo gi de bido laa o henua i lalo, go hiidinga Tagi Maolunga gu hagabaubau denga huaahenua. Ia e hagamodu naa muna o dangada alodahi; ma de daa gi maakau de gau baubau i de gadilaasa,’ ” go Tagi Maolunga e hagadaba.

Ezekiel 7:10

Tilo, de laangi laa gu dae mai! Gu dae mai donu! De hagaduasala gu hua, de laagau gu iai huaala, de lodo maolunga gu loage ono huaala!