Ezekiel 3:15 - De Beebaa Dabu

¹⁵ Gai au ne hano gi daho dangada ne hagadee kii ina laa ma e nnoho i Tel Abib i gaogao ssaalingaa vai go Kebar, go de mommee olaadeu e nnoho ai. Gai au ne noho i olaadeu daha i kilaa i e hidu laangi, gai au ne lele ogu mouli.

Ezekiel 3:15 Referans Kwoze

Psalm 137:1

Gimaadeu ne nnoho i gaogao denga saalingaa vai i Babylon ga tangi ai, i de masavaa amaadeu ne manadua ai Zion.

De Beebaa go Job 2:13

Gai gilaadeu ga hulo ga nnoho madali a Job i honga de gelegele i e hidu laangi ma e hidu boo. Gai teai donu se gilaadeu ne daalaa ange dahi muna gi de ia, go hiidinga gilaadeu gu gidee bolo a Job gu duasala mmao i dono mmae.

Ezekiel 1:1

De matolu ngadau huu, i de lima laangi o de haa malama, i dogu masavaa e noho ai madali dangada ne gaavee laa gi dahi henua gee, i gaogao ssaalingaa vai go Kebar, gai gu mahuge mai de langi, gai au gu gidee hanu midi hagaago ange, mai i daho de Maadua.

Genesis 50:10

Gai gilaadeu ga hulo gu tae gi de mommee hili huamanu o Atad, se mommee i de baasi gee o Jordan, gai gilaadeu ga tangi ma de hinangalosaa i kilaa. Gai ne hidu laangi a Joseph ne hinangalosaa ai i dono damana.

Habakkuk 3:16

Au ne langona mee nei, gai dogu angaanga gu bolebole, luoogu malaungudu gu bolebole hogi i dagu longo mee nei; ogu ivi gu daamada de pobo, gai luoogu vae gu pole. Aagai au e noho naa ga tali de masavaa o de hai ngadaa e humai ai gi honga o dangada gu hebagi mai gi gimaadeu.

Ezekiel 10:15

Gai denga cherubim laa ne hagamaalanga age gi lunga. Aanei denga mee mouli aagu ne gidee laa hogi i gaogao ssaalingaa vai go Kebar.

Jeremiah 23:9

Dagodo o denga pelaabisi: Gu mmae mmao ogu lodo; ogu ivi alodahi gu bolebole. Au gu bei tangada gu unu laa ma gu senga, ma tangada gu dagina laa i denga uvaini, i hiidinga o Tagi Maolunga aama hiidinga o ana muna dabu.

Ezekiel 3:23

Gai au ga hidi age ga hano gi de geelonga; gai tilo, de mahamaha o Tagi Maolunga gu duu i kilaa, bei de mahamaha aagu ne gidee laa i gaogao ssaalingaa vai go Kebar, gai au ga ino gi honga de gelegele.

Ezekiel 43:3

Gai de midi aagu ne gide laa e bei dagu midi hagaago ange ne gidee laa i dono masavaa ne humai ai ga oha de aduhale, gai e bei hogi dagu midi ne gidee laa i gaogao ssaalingaa vai go Kebar. Gai au ga ino gi honga de gelegele.

Ezekiel 1:3

gai Tagi Maolunga ne hagaago ange ana muna gi tangada haimeedabu go Ezekiel, tama daane a Buzi, i gaogao ssaalingaa vai go Kebar, i de henua o de gau Babylon, gai ssauaa o Tagi Maolunga gu hano iho gi ono elunga.