Ezekiel 27:3 - De Beebaa Dabu

³ hai ange gi Tyre, e duu laa i de haitoga ange gi dai, go de mommee iai de gau hagao mee o huaadangada o denga henua i tagudai: ‘E hagadaba de Ia Aamua go Iahweh, Tyre, koe e hagadaba, “Dogu mahamaha e honu danuaa.”

Ezekiel 27:3 Referans Kwoze

Ezekiel 27:4

De ngaadonga o doo mommee go honga tai; denga labagau ne hagaduu goe ga mahamaha abodonu.

Revelation 18:3

Gai denga huaahenua alodahi gu unu uvaini o dono dagodo haisala, go hiidinga denga hodooligi o henua i lalo gu dagodo haisala madali ia, de gau hagao mee o henua i lalo gu lava mmao i delaadeu ago ange i dono dagodo haisala.”

Ezekiel 26:17

Dangada e hua adu naa taahili o de magau, ga hai adu, ‘Dee hee doo hai ne maoha ai naa, de aduhale gu dele saele ono longo, gai e nnoho ai denga daane hai moni! Koe se henua mmahi i honga tai, gai koe ma oo dangada e hagamaatagu dangada e nnoho i kilaa.

Isaiah 23:11

Tagi Maolunga gu haalo dono lima gi honga tai, ia gu hagangalungalue denga nohoanga hodooligi; ia gu hagadaba bolo e oha Phoenicia, ma ono mommee buibui makaga.

Psalm 50:2

De maalama o de Maadua e hagaago mai i Zion, go de aduhale e honu abodonu dono mahamaha.

Psalm 83:7

ma de gau Gebal, ma de gau Ammon, ma de gau Amalek, ma de gau Philistia aama dangada o Tyre;

Ezekiel 16:15

Aagai koe ne tali hagalodolodo ange gi doo mahamaha, gai koe ga hano ga hai be se manu i hiidinga de soa dangada ne langona oo longo, gai koe ne dagodo haisala madali dangada alodahi e llodo i de goe.

Ezekiel 26:12

Gai gilaadeu e hai gi de mahi naa oo goloa hagamogomogo ma de gaiaa oo goloa e hagao laa gi daha; gilaadeu e oha naa oo buibui ma oo hale danuaa, ma de maga oo hadu ma oo laagau aama oo gelegele gi lo te dai.

Proverbs 31:14

Ia e bei dagodo o denga vaga hagao mee, ia e gaamai ana gai i de mommee mmao.