Ezekiel 27:12 - De Beebaa Dabu

¹² Tarshish ne hagao hogi oo goloa; gilaadeu ne hagao oo goloa i selevaa, ma iron, ma dini aama lead, i hiidinga de kona doo lava i denga goloa.

Ezekiel 27:12 Referans Kwoze

Ezekiel 38:13

Gai Sheba ma Dedan, aama de gau hagao mee o Tarshish, ma ono aduhale vaaligiligi alodahi e hai adu naa gi de goe, “Koe se humai naa e hai gi de mahi denga goloa? Koe se hagabuni mai naa oo hagabuulinga hebagi soa gi gaiaadia denga goloa, ma de mmoli e kave gee denga selevaa ma goolo, ma denga manu haangai aama goloa ange laa?” ’

Isaiah 23:10

Dangada o Tarshish, hagadohu ina honga doodou henua bei dagodo o de Nile, gu deai donu dangada e daohia goodou.

1 Kings 10:22

Gai de hodooligi e hanu ono vaga hagao mee e hulo saele madali denga vaga o Hiram. Gai denga dolu ngadau alodahi gai denga vaga laa e gaamai denga goolo, ma selevaa, ma ivory, ma denga monkey, ma peacock.

Genesis 10:4

Dama daane a Javan: go Elishah, ma Tarshish, ma Kittim aama Dodanim.

Jonah 1:3

Gai Jonah ne hidi age ga savini e hano gee mai i mada luu mada o Tagi Maolunga. Gai ia ne hano iho gi Joppa, gu gidee e ia dahi vaga i kilaa gu dai malanga e hano gi Tarshish. Gai ia ne hagao dono paasese, ga gage i de vaga laa e hano gi Tarshish, e mmuni ai i Tagi Maolunga.

Ezekiel 27:18

Gai go hiidinga de lagolago oo goloa danuaa, ma doo lava i denga hagadaagangaa goloa, Damascus ne hagao oo goloa i denga uvaini mai i Helbon ma huluhulu manu mai i Zahar.

Ezekiel 27:16

Syria ne hagao mee i oo daha i hiidinga de lagolago oo goloa; gilaadeu ne hagao oo goloa i denga turquoise, ma malo purple, ma malo gu maaga, ma linen danuaa, ma denga manu mangamanga, aama denga ruby.

Jeremiah 10:9

Gai denga selevaa ne tugi ga baabaa ni mee mai i Tarshish; denga goolo ni mee mai i Uphaz. Gai mee a de labagau ne hai i goolo ma selevaa, ne hakahu i malo buluu ma de purple — mee nei alodahi go denga labagau ne haia.

Isaiah 60:9

Ni muna abodonu, denga henua i tagudai e tali hagalodolodo mai gi de au; denga vaga o Tarshish e loomai naa i mua, ma e gaamai au dama i mommee mmao, madali alaadeu selevaa ma goolo, e hagadubu ai de ingoo o Tagi Maolunga doo Maadua, go de Ia Dabu o Israel, go hiidinga ia gu hagamahamaha goe.

Isaiah 23:14

Denga vaga o Tarshish, goodou tangi see, i hiidinga doodou mommee buibui makaga gu maoha!

Isaiah 23:6

Hagadae adu gi Tarshish; dangada e nnoho i tagudai, goodou tangi see!

Isaiah 2:16

ma denga vaga alodahi o Tarshish, ma denga vaga mahamaha alodahi.

Psalm 72:10

Gai denga hodooligi o Tarshish ma denga mommee i tagudai e hagao ange naa taagisese gi de ia; gai denga hodooligi o Sheba ma Seba e gaamai naa denga mee ngadi gaavange gi de ia.

1 Kings 22:48

Gai Jehoshaphat ne hagatuu hanu vaga hagao mee gi hulo gi Ophir gi gaamai ai denga goolo, gai denga vaga laa tee maua donu i de maalanga e hulo, gai gu maoha i Ezion Geber.

Revelation 18:12

go goolo ma selevaa, ma hadu hagamogomogo, ma ango, ma linen tea danuaa, ma malo purple, ma siliga, ma malo mmea, ma denga hagadaagangaa laagau maanongi alodahi, ma hagadaagangaa goloa ivory alodahi, ma hagadaagangaa laagau hagao ngadaa alodahi, ma bronze, ma iron ma marble;

Ezekiel 27:11

Daane o Arvad ma Helek e hagaloosi doo buibui alodahi; Gai denga daane o Gammad e tuu i lodo oo hale dagitilo maolunga. Gilaadeu e hagalaulau age olaadeu mee hungihungi i doo buibui; gilaadeu ne hai ga honu danuaa doo mahamaha.

Ezekiel 27:13

Javan, ma Tubal, ma Meshek ne hagao hogi oo goloa; gilaadeu ne hagao oo goloa i de gau hai hegau aama goloa e hai i bronze.

Ezekiel 27:33

De masavaa ne hulo ai oo goloa i honga denga moana, gai koe ne hai ga malangilangi denga huaadangada soa; doo lava laumalie ma au goloa e hagao ne hai ga lava denga hodooligi o henua i lalo.

Ezekiel 28:5

Doo heiangi i de hagao mee, gu hai ma gu kona doo lava, gai koe gu hagamaolunga i hiidinga o doo lava.

Ezekiel 28:16

Doo hano saele ga hagao mee lagolago gu hai goe ma gu se dangada e vaivai haia dangada, gai koe gu haisala. Gai au ne alualu goe mai i de mounga o de Maadua ma de hagangadi mee goe. De cherub e hagaloosia laa, au ne hai goe gi hano gee goe, mai i magavaa o denga hadu o de ahi.

2 Chronicles 9:21

Gai de hodooligi e hanu ono vaga hagao mee e hulo saele madali denga daane hai moni o Hiram. Denga dolu ngadau alodahi gai denga vaga laa e gaamai goolo, ma selevaa, ma ivory ma denga monkey, aama peacock.