Ezekiel 27:10 - De Beebaa Dabu

¹⁰ Denga daane o Persia, ma Lud aama Put ne hebagi madali doo hagabuulinga hebagi. Gilaadeu ne hagalaulau age alaadeu mee hungihungi ma olaadeu goobai baalanga i honga doo buibui ga hagamahamaha ai goe.

Ezekiel 27:10 Referans Kwoze

Ezekiel 38:5

Persia, ma Ethiopia, aama Put e dau ange naa hogi madali gilaadeu, gilaadeu alodahi e hagauda alaadeu mee hungihungi ma olaadeu goobai baalanga,

Ezekiel 30:5

Ethiopia, ma Put, ma Lud, ma Arabia alodahi, ma Libya, aama dangada i denga henua o de hagatoo donu hagaheloongoi e daia naa ga maakau i de gadilaasa.

Jeremiah 46:9

Denga hoosa, goodou saavini! Denga hada hebagi, goodou hakemo! Gai daane dau o de hebagi gi seesee gi hulo; denga daane o Ethiopia ma Put e sabaia laa denga mee hungihungi, ma daane o Lydia e dilia laa denga mee hholu.

Isaiah 66:19

Au e hagaduu ange naa dahi hagailonga i olaadeu magavaa, ma de hai hanu gilaadeu ne ola gi hulo gi denga huaahenua: go Tarshish, ma Put, ma Lud, go dangada e mmau i de tili mee hholu, ma Tubal ma de gau Greek, ma mommee i tagudai tigi langona e gilaadeu ogu longo aabe gidee dogu mahamaha. Gilaadeu e tala ange gi denga huaahenua dagodo o dogu mahamaha.

Song of Songs 4:4

Doo ua e bei de hale dagitilo maolunga a David, ne hagaduu ga hagalaagii, ma e daudau ai e mano mee hungihungi, ni mee alodahi nii denga daane hebagi dau.

Nahum 3:9

Ethiopia ma Egypt e kona de bale ange ia, gai e dee maua i de tala dagodo o ono mahi; Put ma Libya e bale ange hogi ia.

Daniel 5:28

Peres: Doo nohoanga hodooligi gu vvae lua ma gu gaavange gi de gau Media ma de gau Persia.”

Ezekiel 27:11

Daane o Arvad ma Helek e hagaloosi doo buibui alodahi; Gai denga daane o Gammad e tuu i lodo oo hale dagitilo maolunga. Gilaadeu e hagalaulau age olaadeu mee hungihungi i doo buibui; gilaadeu ne hai ga honu danuaa doo mahamaha.

1 Chronicles 1:17

Dama daane a Shem: go Elam, ma Asshur, ma Arpaxad, ma Lud, ma Aram. Dama daane a Aram: go Uz, ma Hul, ma Gether, aama Meshek.

1 Chronicles 1:11

Egypt ne hagadili de gau Lud, ma de gau Anam, ma de gau Lehab, ma de gau Naphtuh,

1 Chronicles 1:8

Dama daane a Ham: go Cush, ma Egypt, ma Put, aama Canaan.

Genesis 10:22

Dama daane a Shem: go Elam, ma Asshur, ma Arpaxad, ma Lud, aama Aram.

Genesis 10:13

Egypt ne hagadili de gau Lud, de gau Anam, de gau Lehab, de gau Naphtuh,

Genesis 10:6

Dama daane a Ham: go Cush, ma Egypt, ma Put, aama Canaan.

Ezekiel 26:17

Dangada e hua adu naa taahili o de magau, ga hai adu, ‘Dee hee doo hai ne maoha ai naa, de aduhale gu dele saele ono longo, gai e nnoho ai denga daane hai moni! Koe se henua mmahi i honga tai, gai koe ma oo dangada e hagamaatagu dangada e nnoho i kilaa.