Ezekiel 26:21 - De Beebaa Dabu

²¹ Au e hai naa gi kona de baubau doo hai e oha ai; koe e lilo naa donu. Dangada e ssala naa goe, gai gilaadeu e dee maua donu gi gidee goe; go de Ia Aamua go Iahweh e hagadaba.”

Ezekiel 26:21 Referans Kwoze

Ezekiel 27:36

De gau hagao mee o denga huaadangada gu llele mouli i oo dagodo; koe ne baubau donu doo hai ne magau ai, gai koe gu dee gidee ange naa donu.’ ”

Revelation 18:21

Gai dahi dangada de langi mmahi ne poo age dahi hadu, bei de laumalie o dahi hadu mmili ga maga iho gi honga tai, gai ia ga hagadaba, “Deenei hogi de hai o Babylon, de aduhale maolunga laa, e tili iho ai ga maoha, gai e dee gidee ange naa donu.

Ezekiel 28:19

Denga huaadangada alodahi gu iloo laa oo dagodo gu llele mouli i oo dagodo; koe ne baubau donu doo hai ne maoha ai, gai koe e dee gidee ange naa donu.’ ”

Psalm 37:36

Gai au ne ahe mai ange hogi ga gidee bolo ia gu dee maleva; au ne ssala ia, gai au tee gidee ia.

Jeremiah 51:64

Gai koe ga hai ange, ‘Babylon e abulu naa gu dee hagaahe age ange donu, i hiidinga o de hai ngadaa aagu gu dai gaamai gi de henua. Gai dangada e nnoho ai e deai olaadeu mahi.’ ” Deenei de hagaodi muna a Jeremiah.

Jeremiah 20:4

Gai e hagadaba Tagi Maolunga, ‘Tilo, au e hai naa goe gi se mee hagamadagu adu donu huu gi de goe aama ange gi oo soa alodahi; gai koe e gidee naa de daa ga maakau o oo soa i gadilaasa a olaadeu hagadaumee. Gai au e dugu ange naa Judah alodahi gi de hodooligi o Babylon; ia e kave naa hanu dangada gi Babylon, gai ga daa hanu gi maakau i de gadilaasa.

Ezekiel 27:1

Gai Tagi Maolunga ne hagaago mai ana muna gi de au, ga hai mai,

Daniel 11:19

Gai ia e huli naa ga ahe gi denga mommee buibui makaga i dono henua donu; gai ia e hagadee kii ina naa, gu dee gidee ange.