Ezekiel 26:2 - De Beebaa Dabu

² “Tama a tangada, go hiidinga Tyre gu hakadanga i Jerusalem ma de hagadaba, ‘De haitoga o denga huaahenua gu maoha, gai ono abaaba gu maahuge mai gi de au; iainei gai gu maoha ma gu ngadi dagodo, gai au e hagadagadaga age naa,’

Ezekiel 26:2 Referans Kwoze

Joel 3:4

Tyre ma Sidon, aama Philistia alodahi, ni aha oodou gu hai mai nei gi de au? Goodou gu llodo nei e sui mai agu mee gu hai adu gi goodou? Noo goodou e llodo e sui mai gi de au, gai e moolau naa donu dagu sui adu oodou hegau gu hai.

Ezekiel 36:2

E hagadaba de Ia Aamua go Iahweh: Go hiidinga oodou hagadaumee ne hakadanga i Jerusalem ga hagataba, ‘Gimaadeu gu kave denga mommee maolunga gu daakodo mai laa madagidagi,’

Jeremiah 25:22

ma denga hodooligi alodahi o Tyre, ma hodooligi o Sidon, ma hodooligi o denga mommee i tagudai;

Ezekiel 25:10

Au e dugu ange naa delaadeu henua madali dangada o Ammon gi de gau i baasi dua gi henua ai, gai denga huaahenua e dee aahe ange naa donu e maanadu de henua o de gau Ammon.

Ezekiel 25:6

Deenei ai, e hagadaba de Ia Aamua go Iahweh: Go hiidinga goodou ne baabaa oodou lima ma de llele gi lunga ma lalo ga malangilangi i hiidinga doodou kino i de henua go Israel,

Lamentations 1:1

De aduhale nogo soa laa dangada e nnoho ai gu se mommee e ngadi dagodo! De aduhale maolunga i magavaa o denga huaahenua gu bei dagodo o de hine gu magau dono bodu! De aduhale nogo maolunga ange laa i denga aduhale gu hai ma gu se dangada hai hegau.

Jeremiah 49:1

E hagadaba Tagi Maolunga i dagodo o de gau Ammon: “E aha, gu deai dama daane a Israel? Gu deai dama e dugu ai delaadeu boolonga? Gai gu aha Milcom gu kave ai de mommee o Gad, gai ono dangada gu nnoho i lodo ono aduhale?

Jeremiah 47:4

Gai gu dae mai donu de laangi e daa ai gi maakau dangada alodahi o Philistia, ma de daa dangada alodahi e ola, go gilaadeu ne balea ange Tyre ma Sidon. Tagi Maolunga gu dai hagallilo naa de gau Philistia, go dangada e doe i gilaadeu mai i Caphtor.

Jeremiah 27:3

Gai koe ga aalu ga hai ange gi de gau sui o de hodooligi o Edom, ma de hodooligi o Moab, ma de hodooligi o Ammon, ma de hodooligi o Tyre aama de hodooligi o Sidon, gu loomai mai laa gi Jerusalem i daho Zedekiah, de hodooligi o Judah.

Psalm 83:7

ma de gau Gebal, ma de gau Ammon, ma de gau Amalek, ma de gau Philistia aama dangada o Tyre;

Psalm 70:3

Haia gi aahe dua ma de dookaa gilaadeu e hai mai gi de au, “Gu vakaa loo! Gu vakaa loo!”

Psalm 40:15

Gai haia gi dookaa ma de ssenga ange gilaadeu e hai mai gi de au, “Gu vakaa loo! Gu vakaa loo!”

Psalm 35:21

Gilaadeu e hhanga mai olaadeu ngudu ma e hai mai, “Gu vakaa loo! Gu vakaa loo! Gimaadeu gu gidee donu au mee ne hai!”

2 Samuel 5:11

Gai Hiram, de hodooligi o Tyre, ne hai hanu dangada gi loomai gi daho David, ma hanu laagau cedar, ma hanu labagau o denga laagau ma hadu, gi hagaduulia de hale o David.

Joshua 19:29

Gai de ngaadonga e hano ga dae gi Ramah, ma de aduhale buibui go Tyre, ga hano ai gi Hosah, gai dono hagaodi go Mediterranean; de ungaamee o Aczib e dau ange hogi,

Isaiah 62:10

Ulu laa lodo, ulu laa lodo haitoga! Hagadabena ina de haiava o dangada e ulu ai. Hagaduulia age, hagaduulia age de haiava laumalie! Aaua denga hadu; hagaduulia age de hagailonga ange gi denga huaadangada.

Ezekiel 25:8

“E hagadaba de Ia Aamua go Iahweh: Go hiidinga Moab ma Seir ne hagataba, ‘Tilo, dangada o Judah gu bei donu denga huaahenua alodahi ange laa,’

Ezekiel 26:1

Gai de madaangahulu ma dahi ngadau huu i tahi laangi o de malama, gai Tagi Maolunga ne hagaago mai ana muna gi de au, ga hai mai,

Ezekiel 35:10

Go hiidinga koe ne hagadaba, ‘Luu huaahenua ma luu henua nei niiogu, gimaadeu e kave naa ga henua ai,’ e dee galemu donu Tagi Maolunga i kilaa;

Psalm 40:16

Aagai haia dangada alodahi e saalaa goe gi malangilangi ma de llodo danuaa i de goe; gai dangada e llodo i dau hagaola gi hagataba i masavaa alodahi, “Hagaamua ina Tagi Maolunga!”