Ezekiel 26:18 - De Beebaa Dabu

¹⁸ Iainei gai denga henua i tagudai gu maatagu, i doo laangi ne maoha ai; uaa, denga modu i honga tai gu maatagu i doo maoha.’

Ezekiel 26:18 Referans Kwoze

Ezekiel 26:15

E hagadaba de Ia Aamua go Iahweh i dagodo o Tyre: Dangada e nnoho i tagudai e maatagu naa, i delaadeu langona doo hagadee kii ina, ma de masavaa o dangada gu lagolagohia laa e gonogono ai, ma de masavaa e daia ai dangada ga maakau i honga de henua.

Ezekiel 27:35

Dangada alodahi e nnoho i denga modu gu llele mouli i oo dagodo, olaadeu hodooligi gu bolebole mmao ma de maatagu.

Isaiah 41:5

Denga mommee i tagudai ne gidee de mee nei, gai gilaadeu gu maatagu; gai henua i lalo alodahi gu bolebole. Gai gilaadeu ne hagabuni ga loomai ai;

Jeremiah 49:21

Henua i lalo gu bolebole i dana langona delaadeu hagadee kii ina, gai de leo o delaadeu tangi e tae loo gi Tai Mmea.

Jeremiah 50:46

Gai henua i lalo e bolebole naa i delaadeu langona de hagadee kii ina o Babylon; gai dono leo e dangi ai e dae naa gi denga huaahenua.

Ezekiel 31:15

E hagadaba de Ia Aamua go Iahweh: De laangi o de manu somo laa e hano iho ai gi de mommee o de gau maakau, gai au e hai naa denga vai i lalo de gelegele gi hinangalosaa i ono hiidinga; au e hai naa denga leevaa ma olaadeu saalingaa vai lagolago gi dee ssali. Gai au e hai naa Lebanon gi hinangalosaa i de ia, gai manu ssomo alodahi o lodo henua e mmae naa i ono hiidinga.