Ezekiel 24:7 - De Beebaa Dabu

⁷ Dodo o dangada aana ne daa ga maakau, ia ne llingi ange gi honga de baba e deai mee iai; ia tee llingi gi honga de gelegele, gi maua ai i de haoli ange.

Ezekiel 24:7 Referans Kwoze

Leviticus 17:13

Gai be goai naa huu tangada Israel, be se dangada henua gee i oodou daha, e hano ga dili manu dolodolo be ni manu llele e gai laa, gai ia gi liingia ono dodo ga danu ange i gelegele,

Deuteronomy 12:16

Goodou e dee gai donu dodo; gai liingia gi honga de gelegele bei vai.

Jeremiah 6:15

E aha, gilaadeu e dee dookaa laa donu i alaadeu hegau hakino gee? E deai, gilaadeu e dee dookaa donu; gilaadeu e dee iloo donu be se aha de dookaa. Gai gilaadeu e maakau naa hogi madali gilaadeu gu maakau laa; gilaadeu e hagadee kii naa i de masavaa aagu e hagaduasala ai gilaadeu,” go Tagi Maolunga e hagadaba.

Jeremiah 2:34

Oo malo e baalau ai dodo o de gau hagaau aloha tigi haisala; gai koe tee gidee delaadeu ulu e gaiaa mee i doo hale. Aagai e dee galemu donu de hai mee,

Isaiah 26:21

Tilo, Tagi Maolunga gu dai sao mai naa i dono mommee e hagaduasala dangada o henua i lalo i hiidinga olaadeu baubau; gai gilaadeu gu daia laa ma gu maakau e gidee mai naa i henua i lalo; henua i lalo gu dee maua i de hagammuni ana dangada ne daa ga maakau.

Isaiah 3:9

Olaadeu mada e hagabaubau donu huu gilaadeu; gilaadeu e hagaago mai olaadeu haisala bei Sodom; gilaadeu e dee hagammuni donu olaadeu haisala. E vakaa naa gilaadeu! Gilaadeu e hagaduasala donu huu gilaadeu.

De Beebaa go Job 16:18

De gelegele, aude hagamuunia ogu dodo, gai gi deai donu se haganoho de dangi.

1 Kings 21:19

Gai koe hai ange gi de ia, ‘E hagadaba Tagi Maolunga: E dee go koe ne daia laa dahi dangada ga magau ga kave dono alahenua?’ Hai ange hogi gi de ia, ‘E hagadaba Tagi Maolunga: de mommee a denga gaaduu ne samusamu ai laa dodo o Naboth, go kilaa hogi a denga gaaduu e samusamu ai oo dodo!’ ”

Deuteronomy 12:24

Gai goodou e dee gai donu dodo; gai liingia gi honga de gelegele bei denga vai.

Ezekiel 22:4

Koe gu doo ange donu gi lo te hainga i hiidinga o au dangada soa ne daa ga maakau, ma dau hai ga hakino gee goe i au diinonga ne hai. Koe gu hai donu gi moolau mai doo laangi e hagaduasala ai, gai oo ngadau gu dai odi donu. Deenei ai, au gu hai goe gi se mee hagadookaa ange gi denga huaahenua ma de hakadanga ange gi denga henua alodahi.

Zephaniah 1:17

Au e hagahai ngadaa naa dangada, gai gilaadeu e seesee saele naa bei dagodo o de gau dee kide, go hiidinga gilaadeu gu haisala ange gi Tagi Maolunga. Olaadeu dodo e hagassii saele naa bei de mama o de gelegele, gai olaadeu angaanga e bei naa denga mee hakino gee.

Ezekiel 23:45

Aagai de gau heohi e hagamodu naa muna o luu haahine dagodo haisala laa, bei de hagamodu muna o denga haahine dagodo haisala, ma de hagamodu muna o dangada e daia gi maakau dangada, i hiidinga gilaau ni haahine dagodo haisala, gai olaau lima e baalau i dodo o dangada.