Ezekiel 24:10 - De Beebaa Dabu

¹⁰ Hagataulia denga duudangaa lahhie e dahu ai de ahi, duunaa denga kano manu gi mmoa danuaa, ga hilo ange mee hagamanongi aagena, gai ga dudu denga ivi i de ahi.

Ezekiel 24:10 Referans Kwoze

Lamentations 2:16

Oo hagadaumee alodahi e hai baasi adu naa gi de goe i alaadeu muna; gilaadeu e hagavogivogi, ma de kadi adu olaadeu gauvae gi de goe, gilaadeu ne hagataba, “Gimaadeu gu oha de aduhale laa! Deenei donu demaadeu laangi nogo tali laa, gai iainei gu dae mai ma gu gidee e gimaadeu!”

Lamentations 1:10

De hagadaumee gu hagabudu ono goloa hagamogomogo alodahi. Gai ia ne gidee denga huaahenua gu ulu i dono mommee dabu — go dangada aau tee dugu ange gi ulu madali doo hagabuulingaa dangada.

Jeremiah 20:5

Au e gaavange naa hogi de lava alodahi o de aduhale nei gi ono hagadaumee: go ono goloa alodahi aana ne mau, ma ono goloa danuaa alodahi, ma goloa hagamogomogo alodahi o denga hodooligi o Judah. Gai gilaadeu e hai naa gi de mahi mee nei ga mmoli ga kave gi Babylon.

Jeremiah 17:3

Dogu mounga i honga de henua, ma oodou lava ma oodou goloa hagamogomogo alodahi, au e hai naa oodou hagadaumee gi gaavee gee, madali oodou mommee daumaha, i hiidinga o denga baubau i honga doodou henua alodahi.

Genesis 25:29

Dahi laangi gai Jacob ne hai dahi suba, gai Esau ne ahe mai i lodo henua, gai ia gu kona dono saalohia.

Ezekiel 24:9

Deenei ai, e hagadaba de Ia Aamua go Iahweh: E vakaa naa de aduhale e daia ga maakau dangada! Au e hagabudu naa hogi gi lagolago lahhie.

Ezekiel 24:11

Gai dugu ange de ngadi anibada gi honga denga maga ahi ga dae ai gi de mahana, gai denga copper iai gu kaa, gi odi ai denga mee baubau iai i de vaivai, gai gu deai mee hongagelegele baalanga iai.