Ezekiel 23:21 - De Beebaa Dabu

²¹ Gai koe ne lodo mmao i denga dahulinga hakino gee i doo masavaa se damaa hine ai, go de masavaa a de gau Egypt ne booboo ai ma de haahaa adu ai luoo gaanuunu.

Ezekiel 23:21 Referans Kwoze

Jeremiah 3:9

Go hiidinga ia ne hagangadi mee donu dono dagodo haisala, gai ia ne hai ga hakino gee de henua alodahi i ana hegau haisala, i dono daumaha ange gi denga hadu ma laagau.

Ezekiel 23:3

gilaau ni hai ga ni haahine hai be ni manu i Egypt, gai gilaau ne hai de hegau nei mai i laangi olaau ni damaa hine ai. Gai olaau gaanuunu gu booboo ina ma de haahaagia ange i de henua laa.

Ezekiel 23:22

Deenei ai, Oholibah, e hagadaba de Ia Aamua go Iahweh: Tilo, au e hai naa oo dau soa oou ne kino ai laa gi loomai gi hai baasi adu gi de goe. Gai au e hai naa gilaadeu gi loomai i mommee alodahi —

Ezekiel 23:8

Gai ia tee tili donu dono hai be se manu, go hegau aana ne daamada de hai i Egypt. De masavaa oona se damaa hine gai denga daane ne dagodo haisala madali ia, gilaadeu ne booboo luoono gaanuunu, gilaadeu ne hai ange gi de ia olaadeu mee e llodo ai.

Ezekiel 23:19

Gai Oholibah ne kii ange donu dono hai be se manu, i dana manadua ono laangi nogo se damaa hine ai, go de masavaa oona nogo se hine hai be se manu ai i de henua go Egypt.

John 5:43

Au ne humai i de ingoo o dogu Damana, gai goodou tee abodonu mai gi de au. Gai noo dahi dangada ange e humai i dono ingoo donu huu, gai goodou e abodonu ange naa gi de ia.