Ezekiel 23:11 - De Beebaa Dabu

¹¹ Dono daina hahine go Oholibah ne gidee donu mee ne hai ange gi dono daina, aagai ia ne kii ange donu dono hai be se manu ma de hakino gee ana dahulinga i dono daina.

Ezekiel 23:11 Referans Kwoze

Ezekiel 23:4

De ingoo o tamaa hine madua go Oholah, gai dono daina gauligi go Oholibah. Gilaau ngaadahi ni bodu niiogu, gai gilaau ne haanau hanu gauligi daane ma gauligi haahine. Oholah go Samaria, gai Oholibah go Jerusalem.

Genesis 38:24

Gai dua huu e dolu malama, gai hanu dangada ga tala ange gi Judah, ga hai ange, “Doo saulaba go Tamar gu hai dama i dono hai be se manu.” Gai Judah ne hai ange, “Gaavee ia gi tua de aduhale dudu ai ia gi magau!”

2 Chronicles 21:11

Ia ne hagatuu hogi denga mommee daumaha i honga duuduu o Judah, ma de hai dangada o Jerusalem gi haia denga dahulinga baubau, ma de hai Judah gi dahuli gee.

Jeremiah 3:6

Gai Tagi Maolunga ne hai mai gi de au, i de masavaa o Josiah e hodooligi ai: “Koe e gidee naa hegau a de ia e dee hai hegau i de mee abodonu go Israel? Ia e hanage gi honga denga duuduu maolunga alodahi ma lalo denga manu ssomo alodahi ma e hai be se manu ai.