Ezekiel 22:12 - De Beebaa Dabu

¹² Hanu dangada i oo daha e kave mee ngadi gaavange hagasenga e daa ai dangada gi maakau; koe e hai gi laumalie de mee a dangada e paa adu gi de goe e hagao i au sseene e gaavange gi gilaadeu. Gai koe gu ngalo donu au, go de Ia Aamua go Iahweh e hagadaba.

Ezekiel 22:12 Referans Kwoze

Ezekiel 23:35

Deenei ai, e hagadaba de Ia Aamua go Iahweh: Go hiidinga koe ne ngalo au ma de huli mai doo dua gi de au, deelaa ai, koe e kave naa donu de hagaoanga o au dahulinga hakino gee ma doo hai be se manu.”

Deuteronomy 27:25

“E malaia tangada e gaavee de ngadi gaavange hagasenga, gai ia ga daa ai gi magau tangada tigi haisala.” Gai dangada alodahi gi hai ange, “Amen!”

Ezekiel 18:13

gai ia e gaavange sseene e kave ai dahi mee laa honga mee aana ne gaavange laa — e aha, e heohi de mouli o tangada bee nei? E deai, ia e dee dugu donu gi mouli donu. Ia gu hai denga mee hakino gee nei alodahi; ia e daa donu gi magau, gai dono magau e dau ange donu huu gi de ia.

Ezekiel 18:8

Ia e dee ngadi gaavange sseene gi maua ange ai e ia dahi sseene aabe e hai gi maua dahi sseene laumalie i ana mee gu gaavange laa. Ia e dee hai hegau i de mee dee heohi, gai e hagamodu muna o dangada i de heohi.

Jeremiah 2:32

E aha, e maua e de gauligi hahine gi ngalo ono mee hagalaagii, aabe go de hine gu dai hai bodu i de ngalo ono malo? Aagai ogu dangada gu ngalo au i hanu laangi lagolago.

Psalm 106:21

Gai gilaadeu ne ngalo de Maadua, delaadeu Ia Hagaola, go de ia ne haia denga hegau maolunga i Egypt,

Psalm 15:5

tangada e balea ange dangada i ana sseene, gai e dee kave dahi mee laa honga de mee aana ne gaavange e hagabaubau ai tangada tigi haisala. Tangada e haia de hegau nei e dee dai ngalungalue donu.

Deuteronomy 23:19

Aude haia doo daina gi hagao ina dahi sseene laa honga dau sseene ne gaavange gi de ia, aabe go dahi mee daudahi aau gu gaavange gi de ia.

Deuteronomy 16:19

Aude hagahaisala de hagamodu heohi, aabe gi hilihili dangada. Aude gaavee de mee ngadi gaavange hagasenga, go hiidinga de ngadi gaavange hagasenga e hai ga dee gidee e tangada heiangi de mee heohi, ma de hagahaisala muna a dangada e heohi laa.

Jude 1:11

Gilaadeu e vakaa naa donu! Go hiidinga gilaadeu e seesee i de haiava o Cain, ma de hai gi maua alaadeu mee, bei hegau dee heohi a Balaam, gai gilaadeu e maakau bei dagodo o Korah i de hai alaadeu hai.

1 Timothy 3:3

ia gi dee lodo e unu gi senga, ia gi dee alasala aagai gi daudonu, ia gi dee lodo e hagadaumee, ma tee nnoo ange gi sseene.

1 Corinthians 6:10

ma de gau gaiaa, ma gilaadeu e nnoo hagamau mee, ma gilaadeu e unu ga ssenga, ma de gau hai samu, aama gilaadeu e haia gi de mahi mee a dangada e dee ulu donu i de nohoanga hodooligi o de Maadua.

1 Corinthians 5:11

Aagai au ne sisi adu goodou gi dee hagabuni ange gi tangada e hagadaba bolo ia se daina noo ia se dangada hai be se manu, be se dangada nnoo hagamau mee, be e daumaha ange gi denga diinonga, be se dangada hai samu, be se dangada e lodo i de unu gi senga, aabe se dangada gaiaa. Gai goodou e dee gaimee donu hogi madali tangada bee nei.

Luke 19:8

Aagai Zacchaeus ne duu age ga hai ange gi Tagi Maolunga, “Tilo, Tagi Maolunga, au e gaavange naa dahi luu baasi o agu mee gi de gau hagaau aloha. Gai noo au gu gaiaa mee a dahi dangada, gai au e hagaahe ange naa agu mee ne kave gi haa hanonga e kii ange ai.”

Luke 18:11

De Pharisee laa ne vvae gee ia ma dangada gai ia ga duu ga dalodalo, ga hai ange, ‘De Maadua, au e hagaahe adu de abodonu gi de goe, go hiidinga au e dee bei dagodo o dangada ange laa. Gilaadeu ni dangada gaiaa, ma de hai mee dee heohi aama de dagodo haisala, au e dee bei hogi dagodo o taane hagabudu taagisese.

Luke 3:13

John ne hai ange gi gilaadeu, “Goodou aude haia gi dubu ange sseene oodou e kave mai i daho dangada, i mee gu hagamodu adu gi goodou.”

Matthew 23:25

E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e hagagilimalali tua o de ubu ma de gumedi, gai ono lodo e honu i de nnoo hagamau mee ma de hai oodou mee e llodo ai.

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

Jeremiah 3:21

De leo o dahi e langona i ulu denga duuduu, go de tangi ma tangi see o dangada o Israel, go hiidinga gilaadeu gu hagahaisala delaadeu haiava; gilaadeu gu ngalo Tagi Maolunga, delaadeu Maadua.

Isaiah 56:11

Gilaadeu e bei denga gaaduu hiikai, e dee maua laa gi boobosu. Gilaadeu ni dangada hagaloosi ssiibi e dee tonu; gilaadeu alodahi gu daudali donu huu i olaadeu lodo, dahi ma dahi gu ssala donu huu mee e danuaa ange gi de ia.

Isaiah 1:23

Oodou dagi ni dangada hai alaadeu hai, gilaadeu ni soa niio de gau gaiaa. Gilaadeu alodahi e malangilangi i ngadi gaavange hagasenga ma de llodo i denga mee ngadi gaavange. Gilaadeu e dee bale ange de gauligi gu deai sono damana, be go de hine gu magau dono bodu.

Proverbs 1:19

Aanei hogi dagodo o dangada alodahi e haia ga lagolago olaadeu mee i de vaivai hai dangada; goloa bee nei e daa donu huu tangada ga magau.

Nehemiah 5:7

Gai au ne hagasaele mee nei i ogu lodo, gai au ne hagabaubau de gau aamua ma denga dagi, ga hai ange gi gilaadeu, “Goodou e hai oodou dangada gi hagao ina dahi mee laa honga oodou mee gu gaavange gi gilaadeu.” Gai au ne hagahi dahi hagabuni laumalie gai au ga hagasee ai gi gilaadeu,

Nehemiah 5:1

Gai denga daane ma olaadeu bodu ne nnanu i hiidinga olaadeu dangada go de gau Ssuu ange laa.

Deuteronomy 32:18

Koe gu dee anga ange gi de Baba, go de ia ne hagadili ina goe; gai koe gu ngalo de Maadua ne haia goe.

Leviticus 19:13

Aude vaivai haia tangada i oo gaogao, aabe gi gaiaadia ana mee. Aude daohia de hagaoanga o tangada hai hegau ga dae ai gi de laangi i ono dua.

Ezekiel 36:12

Au e hai naa ogu dangada, go de gau Israel, gi seesee i oodou elunga. Gilaadeu e henua naa i goodou, gai goodou e bolo ange naa gi gilaadeu. Gai goodou e dee ahe ange naa donu e hai gi deai alaadeu gauligi.

Leviticus 25:37

Aude gaavange sseene gi tangada e kave ai dahi sseene laa honga mee aau ne gaavange gi de ia, aabe gi hagao ina ange gi de ia, gai e kave ai dahi sseene laa honga mee aau ne bale ange ai ia.

Isaiah 17:10

Goodou gu ngalo de Maadua doodou Ia Hagaola; goodou tee manadua de Baba ne buibuia goodou. Deelaa ai, e dee galemu donu doodou doo manu danuaa, ma denga grapevine ne sigi mai i denga henua gee;

Jeremiah 6:13

Mai i tangada maolalo ga dae ai gi tangada maolunga, go gilaadeu alodahi e nnoo ange laa gi mee e maua i hegau dee heohi; gai mai i denga pelaabisi ga dae ai gi de gau haimeedabu, gilaadeu alodahi e hai hegau i de hadu muna.

Jeremiah 9:1

Mee naa gi se saalingaa vai dogu biho gai luoogu mada gi se vai e ssali ai loimada! Gai au ga dangi ai i de laangi ma de boo i hiidinga de daaia ga maakau o ogu dangada!

Amos 8:4

Noho mai hagalaangona, goodou e vaivai haia dangada e duasala, ma de daia gi maakau de gau hagaau aloha i de henua,

Amos 8:6

Gimaadeu e hagao naa de gau hagaau aloha i selevaa gai e hagao gilaadeu e duasala i e lua mee vae, aama de hagao hogi gi daha gili o denga grain.”