Ezekiel 21:4 - De Beebaa Dabu

⁴ Go hiidinga au e daa naa gi odi dangada heohi ma de gau baubau, gai dagu gadilaasa e dada mai naa e daa ai dangada alodahi, mai i de bido i ngaage ga dae ai gi de bido i ngaiho.

Ezekiel 21:4 Referans Kwoze

Ezekiel 20:47

gai hai ange gi de lodo henua o Negev, ‘Hagalaangona muna a Tagi Maolunga. E hagadaba de Ia Aamua go Iahweh: Tilo, au e dahu naa dahi ahi i kilaa, ga dudu ai denga manu ssomo alodahi, go manu ssomo lau kohu ma manu ssomo maakau; gai de ula o de ahi e dee maua naa donu i de diinei, gai de mommee laa alodahi e odi naa i de dudu, mai i de bido gi ngaage ga dae ai gi de bido i ngaiho.

Ezekiel 7:2

“Tama a tangada, daalaa ange muna a de Ia Aamua go Iahweh gi de henua o Israel: De hagaodi! De hagaodi gu dae mai donu gi denga dege e haa o de henua.

Deuteronomy 32:40

Au e haalo age dogu lima gi de langi e hagatoo donu: i taulooloa dogu mouli ga hano ai,

Jeremiah 12:12

De gau e oohaa mee gu nnoho i mommee maolunga alodahi i de vao, e deai laa mee e ssomo ai, gai de gadilaasa a Tagi Maolunga e oha naa de henua mai i dahi bido ga dae ai gi de bido ange laa; gai gu deai dangada e maua gi ola.

Jeremiah 25:27

“Gai koe hai ange gi gilaadeu, ‘E hagadaba Tagi o denga hagabuulinga hebagi, de Maadua o Israel: Goodou unumia, gi ssenga ai goodou ma de hagalueia, gai gi baakuu ai goodou gi dee aahe ange gi hiihidi age, i hiidinga o de gadilaasa aagu e hai gi humai gi oodou magavaa.’

Ezekiel 14:17

Gai noo au e gaamai de gadilaasa e daa ai dangada i de henua, ma de hagadaba, ‘De gadilaasa gi daia dangada ma manu i honga de henua gi maakau’,

Ezekiel 20:46

“Tama a tangada, huli gi ngaage, ma gi basa pelaabisi hai baasi ange gi lodo henua o Negev,

Ezekiel 21:9

“Tama a tangada, basa pelaabisi ma gi hai ange, ‘E hagadaba de Ia Aamua: Dahi gadilaasa, dahi gadilaasa gu hakaa ma gu hagamalamalama,

Ezekiel 21:10

gai ne hakaa e daa ai dangada gi maakau, ma de hai gi malamalama bei de dabadaba o de uila! E aha, ga malangilangi gidaadeu i togo hodooligi o dagu dama ⌊go Judah⌋? De gadilaasa e hagangadi mee de laagau bee nei alodahi.