Ezekiel 21:3 - De Beebaa Dabu

³ hai ange gi de henua laa, ‘E hagadaba Tagi Maolunga: Tilo, au e hai baasi adu donu gi de goe. Au e dada mai naa dagu gadilaasa i lo tono hale e daa ai gi maakau dangada heohi ma de gau baubau alodahi i oo daha.

Ezekiel 21:3 Referans Kwoze

Jeremiah 21:13

Tilo, au e hai baasi adu gi de goe, Jerusalem, go de aduhale e duu laa i honga de geelonga nei, ma honga de mommee haduhadua i de mommee soe, go Tagi Maolunga e hagadaba; ma goodou e hagataba laa, ‘Goai e maua i de hai baasi mai gi gimaadeu, gai goai e maua i de ulu mai gi lo te maadeu mommee nnoho?’

De Beebaa go Job 9:22

Gai e bei donu huu, aanei hiidinga aagu e hagadaba ai laa, ‘Ia e daa ga magau tangada tigi haisala aama tangada baubau.’

Nahum 3:5

E hagadaba Tagi o denga hagabuulinga hebagi, “Au e hai baasi adu gi de goe, au e langa age naa oo malo gi dogaa ai goe. Au e hai naa denga huaahenua gi gidee lodo oo malo ma de hagaago ange gi denga nohoanga hodooligi doo hagadogaa ina.

Nahum 2:13

“Tilo, au e hai baasi adu gi de goe, go Tagi o denga hagabuulinga hebagi e hagadaba. Au e dudu naa oo hada hebagi, gai au laiono mmahi e daa naa ga maakau i de gadilaasa. Au e kave gee naa mee alodahi aau ne mau i henua i lalo. Gai leo o oo dangada hagailoo e deai naa donu dangada e langona.”

Ezekiel 5:8

Deenei ai, e hagadaba de Ia Aamua go Iahweh: Tilo, ⌊Jerusalem,⌋ au e hai baasi adu donu gi de goe, au e hagaduasala naa donu goe i madamada o denga huaahenua.

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Zephaniah 2:12

“De gau Ethiopia, goodou e bei naa hogi olaadeu dagodo, goodou e daa naa ga maakau i de gadilaasa.”

Ezekiel 26:3

deenei ai, e hagadaba de Ia Aamua go Iahweh: Tyre, au e hai baasi adu gi de goe, gai au e hai naa gi loomai denga huaahenua soa gi hebagi adu gi de goe, bei de beabeau o honga tai.

Ezekiel 21:19

“Tama a tangada, hagailonga ina e lua haiava moo de gadilaasa a de hodooligi o Babylon e humai ai, gai gi daamada mai ngaadahi i de henua daudahi. Gai koe ga hai dahi hagailonga ga hagaduu i de biigonga o de haiava e hhagi ai laa e hano gi de aduhale.

Ezekiel 14:21

Gai e hagadaba de Ia Aamua go Iahweh: Jerusalem e kii ange naa donu de baubau i de masavaa aagu e gaamai ai denga hai ngadaa e haa nei ga hagaduasala ai gilaadeu — go de gadilaasa, ma de onge, ma denga manu alasala, aama mee hagamaakau — ga daa ai gi maakau dangada aama denga manu!

Ezekiel 14:17

Gai noo au e gaamai de gadilaasa e daa ai dangada i de henua, ma de hagadaba, ‘De gadilaasa gi daia dangada ma manu i honga de henua gi maakau’,

Ezekiel 5:12

Gai dahi diba i diba e dolu o oodou dangada e maakau naa i denga mee hagamaakau ma de onge; dahi diba i diba e dolu e daa naa ga maakau i de gadilaasa. Gai au e hai naa dahi diba i diba e dolu gi mavaevae saele i denga baasi alodahi, ma de dolohia gilaadeu ma de gadilaasa.

Jeremiah 51:25

Tilo, au e hai baasi adu gi de goe, de mounga e oohaa mee, go Tagi Maolunga e hagadaba, go de mounga e oohaa henua i lalo alodahi. Au e hagaabo naa dogu lima e hai baasi adu ai gi de goe, ma de poo goe ga maga iho i de mommee maolunga, ga hai goe gi se mounga gu lava i de dudu.

Jeremiah 51:20

Go koe dagu haamaa ma dagu laagau hebagi — go koe e balea mai au e oha ai denga huaahenua, go koe e balea mai au e oha ai denga nohoanga hodooligi,

Jeremiah 50:31

Tilo, tangada hagamaolunga, au e hai baasi adu gi de goe, go de Ia Aamua, Tagi o denga hagabuulinga hebagi e hagadaba; go hiidinga gu dae mai donu doo laangi, go de laangi aagu e hagaduasala ai goe.

Isaiah 34:5

Dagu gadilaasa gu hebagi i de langi, gai tilo, e hano iho naa e hagaduasala Edom, ma dangada aagu gu hagamodu e daa gi maakau.

Isaiah 10:5

E vakaa naa Assyria, de laagau aagu ne hagahai hegau i dogu lili, dono lima go togo aagu ne hagahai hegau i dogu bole.

Ecclesiastes 9:2

Gai de hagaodi o dangada alodahi se dagodo daudahi — tangada heohi ma tangada baubau, tangada danuaa ma tangada dee heohi, tangada gilimalali ma tangada e dee gilimalali ono lodo, tangada e haia sigidaumaha ma tangada e dee haia sigidaumaha. Mee e hai ange gi tangada danuaa, e hai ange hogi gi tangada haisala; gai gilaadeu e haia hagatoo donu e bei hogi gilaadeu e dee hagatoo donu.

Psalm 17:13

Tagi Maolunga, hidi age, hagadee kii ina gilaadeu! Gai hagaola ina mai au i de gau baubau i dau gadilaasa.

Leviticus 26:33

Gai au e hai naa goodou gi mavaevae saele i denga henua gee, au e hai naa gi daia goodou gi maakau i de gadilaasa. Doodou henua e hai naa ga se mommee e deai dangada e nnoho ai, gai oodou aduhale e oha naa ga maoha.

Leviticus 26:25

Gai au e hagaduasala naa goodou i de gadilaasa, e sui adu ai doodou oha dagu hagatoo donu hagaheloongoi. Gai de masavaa naa huu oodou e hagabuni i lodo oodou aduhale, gai au e gaamai naa denga mee hagamaakau gi daia goodou, ma de dugu ange oodou hagadaumee gi hagadee kii ina goodou.

Exodus 15:9

De hagadaumee ne hagadaba, ‘Au e doolohi naa ga daea adu gilaadeu, au e dae naa ogu lodo i de duha olaadeu goloa. Au e dada naa dagu gadilaasa ga daa ai gilaadeu gi maakau.’

Isaiah 57:1

Tangada heohi gu magau, gai e deai donu dangada e anga ange aagena; dangada e haia de mee abodonu gu gaavee gee, gai e deai donu dangada e iloo. Go hiidinga tangada heohi ne gaavee gee e hagaola mai ai ia i de baubau.

Ezekiel 13:8

Deenei ai, e hagadaba de Ia Aamua go Iahweh: Go hiidinga o oodou muna hhadu ma oodou midi hagaago ange hhadu, deenei ai, au e hai baasi adu donu gi goodou, go de Ia Aamua go Iahweh e hagadaba.

Ezekiel 29:10

deenei ai, au e hai baasi adu gi de goe ma oo saalingaa vai, gai au e oha naa de henua o Egypt ga hai gi ngadi dagodo, mai i Migdol ga hano ai gi Syene, gai e hano ga duu ange gi de ngaadonga o Cush.

Psalm 80:17

Aagai dugua ange doo lima gi honga o tangada i doo baasi madau, go tama a tangada aau ne hai gi mmahi i oo hiidinga!

Psalm 83:15

gai koe gi ilihia gilaadeu i de madangi ssau gai gi hagamaatagu ina gilaadeu i de madangi mmahi!

Jeremiah 17:27

Aagai noo goodou e dee hagallongo mai, goodou e dee hai gi dabu de laangi o Sabbath, ga dee hagauda mai mee laa lodo haitoga o Jerusalem i de laangi o Sabbath, gai au e dudu naa denga haitoga o Jerusalem aama ono hale danuaa, gai e dee maua naa donu i de diinei.’ ”

Jeremiah 21:14

Au e hagaduasala naa goodou gi bei hua o oodou hegau, go Tagi Maolunga e hagadaba. Au e haula naa dahi ahi i lodo henua i doo henua ga dudu ai mee alodahi i luu baasi.”

Ezekiel 24:9

Deenei ai, e hagadaba de Ia Aamua go Iahweh: E vakaa naa de aduhale e daia ga maakau dangada! Au e hagabudu naa hogi gi lagolago lahhie.

Amos 5:6

Goodou saalaa Tagi Maolunga gi mouli ai goodou, ia kana humai ga hano laa magavaa aamuli o Joseph bei dagodo o de ahi; gai ia ga dudu ga gilaadeu alodahi, gai e deai naa donu se dangada e diinei ina de ahi laa.

Amos 7:4

Deenei de mee a de Ia Aamua go Iahweh ne hagaago mai gi de au: tilo, de Ia Aamua go Iahweh ne hagadabena de ahi e hagaduasala ai ono dangada, gai ne hai ga deai vai i de mommee gelo ma de dudu de henua.