Ezekiel 21:10 - De Beebaa Dabu

¹⁰ gai ne hakaa e daa ai dangada gi maakau, ma de hai gi malamalama bei de dabadaba o de uila! E aha, ga malangilangi gidaadeu i togo hodooligi o dagu dama ⌊go Judah⌋? De gadilaasa e hagangadi mee de laagau bee nei alodahi.

Ezekiel 21:10 Referans Kwoze

Ezekiel 20:47

gai hai ange gi de lodo henua o Negev, ‘Hagalaangona muna a Tagi Maolunga. E hagadaba de Ia Aamua go Iahweh: Tilo, au e dahu naa dahi ahi i kilaa, ga dudu ai denga manu ssomo alodahi, go manu ssomo lau kohu ma manu ssomo maakau; gai de ula o de ahi e dee maua naa donu i de diinei, gai de mommee laa alodahi e odi naa i de dudu, mai i de bido gi ngaage ga dae ai gi de bido i ngaiho.

Revelation 2:27

‘Ia e dagi naa gilaadeu i togo iron, ma de hai gilaadeu bei dagodo o denga gumedi hadu gu mahaahaa laa ma gu too dagidahi;’ bei dagu hai gu kave ai laa hogi ssauaa e dagi ai mai i daho dogu Damana.

Habakkuk 3:11

De laa ma de maasina gu tuu donu huu i lo te langi i de tili dao malamalama o dau mee hholu, ma de maalama o dau dao malamalama.

Nahum 3:3

Denga daane e saavini i honga hoosa, gai alaadeu gadilaasa e dabadaba gai olaadeu dao e malamalama! Gu soa dangada ne maakau, de gau maakau gu hagabudu saele, gu dee maua gi iloo taelodo, dangada gu baakuu saele laa honga o de gau maakau —

Nahum 1:10

Gilaadeu e vinia naa i magavaa manu daladala, bei de gau ssenga e unumia laa uvaini; gilaadeu e dudu naa donu ga odi, bei denga helii mmasa.

Jeremiah 46:4

Hagadaabena ina denga hoosa, ma de kage i honga hoosa hebagi! Tuu i oodou mommee mage gaavange oodou goobai baalanga, hakaadia oodou dao, mage kahu i oodou malo hebagi baalanga!

Ecclesiastes 3:4

e dahi masavaa e tangi ai, gai e dahi hogi masavaa e kada ai; e dahi masavaa e hinangalosaa ai, gai e dahi hogi masavaa e aanu ai;

Esther 3:15

Gai de gau ne gaavee laa de hagailoo, ne hagamoolau ga hulo i hiidinga muna a de hodooligi; gai muna laa ne hagailoo hogi i de madaaolo go Susa. Dua mee laa gai de hodooligi ma Haman ne nnoho ga unu, aagai dangada i de aduhale go Susa gu dee tonu ange gi de hagailoo laa.

2 Samuel 7:14

Au e hai naa go dono damana, gai ia go dagu dama. Gai de masavaa naa huu oona e haisala ai, gai au e haele ia i de laagau, bei de hai a dahi damana e haele ai laa dana dama.

Ezekiel 21:11

De gadilaasa gu hagamodu e hakaa, ma de poo i de lima; gai gu hakaa ma gu hagamalamalama, gu baba ange e poo i de lima o de ia daa dangada.

Jeremiah 23:20

De lili o Tagi Maolunga e dee ahe dua naa donu ga dae ai gi dana hagassula de hagatau gu dagodo laa i ono lodo. Gai muli mai naa huu gai goodou e tonu danuaa ange aagena.

Ezekiel 21:4

Go hiidinga au e daa naa gi odi dangada heohi ma de gau baubau, gai dagu gadilaasa e dada mai naa e daa ai dangada alodahi, mai i de bido i ngaage ga dae ai gi de bido i ngaiho.