Ezekiel 2:8 - De Beebaa Dabu

⁸ Aagai koe, tama a tangada, hagalaangona agu muna e tala adu gi de goe. Aude hai baasi mai bei dagodo o de gau hagamaanege laa; gai haangaa doo ngudu gaina mee aagu e gaavadu gi de goe.”

Ezekiel 2:8 Referans Kwoze

Revelation 10:9

Gai au ne hano gi daho tangada de langi laa ga hai ange ia gi gaamai de beebaa laa, gai ia ne hai mai, “Gaavee de beebaa nei gaina; gai e hai naa ga mmala lo too dinae, gai e maimai bei denga hooni i de masavaa aau e maamaa ai i lo too ngudu.”

Jeremiah 15:16

De masavaa aagu ne gidee ai au muna, gai au ne gai au muna; au e malangilangi i au muna ma de lodo danuaa ai, go hiidinga au gu kave doo ingoo, Iahweh, de Maadua o denga hagabuulinga hebagi.

Isaiah 50:5

De Ia Aamua go Iahweh gu hhuge luoogu dalinga, gai au tee hagamanege, aabe ne huli gee i de ia.

1 Peter 5:3

Goodou gi dee ni dagi bei gilaadeu e dagudagu ina ange dangada i olaadeu lalo, gai goodou gi ni mee hagaago danuaa ange gi denga ssiibi.

Ezekiel 3:10

Ia ne hai mai hogi gi de au, “Tama a tangada, hagalaangona muna alodahi aagu e tala adu gi de goe ma gi daohia i oo lodo.

Numbers 20:24

“Aaron e magau naa ga hagabuni ai madali ono dangada; ia e dee maua gi dae gi de henua aagu e gaavange gi de gau Israel, i hiidinga gooluu ne hai baasi mai gi agu muna, i de vai go Meribah.

Leviticus 10:3

Gai Moses ne hai ange gi Aaron, “Aanei muna a Tagi Maolunga gu tala ma gu hagadaba: ‘Au e hagaago ange gi gilaadeu e loomai e hagapaa mai gi de au bolo au e dabu; gai dangada alodahi gi hagamahamaha ina au i olaadeu daha.’ ” Gai Aaron gu dee muu.

Isaiah 8:11

Gai Tagi Maolunga ne basa mai gi de au i mahi o dono lima, ia ne hagakana ange mai au gi dee daudali ange i haiava o de huaadangada nei. Ia ne hai mai,

Jeremiah 13:2

Gai au ne hagao dahi malo ga nnoa ai lo togu ungaalodo, bei de hai a Tagi Maolunga gu tala mai ai laa.

Ezekiel 12:2

“Tama a tangada, koe e noho i magavaa o dahi huaadangada hagamaanege. E hanu olaadeu ganomada e tilo ai, aagai gilaadeu e dee gidee; e hanu olaadeu dalinga e hagallongo ai, aagai gilaadeu e dee langona, go hiidinga gilaadeu se huaadangada hagamaanege.

Ezekiel 33:7

Gai koe, tama a tangada, au gu hili goe e hai ai tangada dagitilo o de gau Israel; gai koe ga hagallongo agu muna e tala adu ga hagakana ange ai gilaadeu.

Ezekiel 40:4

Gai taane laa ne hai mai, “Tama a tangada, galo ange diiloo i luoo ganomada, gai hagalaangona i luoo dalinga ma de daohi mee alodahi aagu gu dai hagaago adu gi de goe, gai aanei hiidinga aagu ne gaamai ai nei goe gi kinei. Gai koe ga tala ange ai gi de gau Israel mee alodahi aau gu gidee.”

Psalm 105:28

Ia ne hai gi humai de gohu gi haolia honga de henua; gai gilaadeu ne hai baasi ange gi ana muna.

Ezekiel 12:7

Gai au ne hai ga bei mee alodahi gu lava i de tala mai gi de au. Au ne dada mai dogu sabiningaa mee i de laangi, bei sabiningaa mee o dangada e gaavee laa gi dahi henua gee. Gai de ahiahi gai au ne geli dahi haonga i lo te buibui o de aduhale i luoogu lima, ga kave ogu goloa ga sao ai ga hano, ma de hagauda ogu goloa i honga luoogu eu ga hano ai i madamada olaadeu alodahi.

Jonah 1:3

Gai Jonah ne hidi age ga savini e hano gee mai i mada luu mada o Tagi Maolunga. Gai ia ne hano iho gi Joppa, gu gidee e ia dahi vaga i kilaa gu dai malanga e hano gi Tarshish. Gai ia ne hagao dono paasese, ga gage i de vaga laa e hano gi Tarshish, e mmuni ai i Tagi Maolunga.