Ezekiel 2:7 - De Beebaa Dabu

⁷ Gai koe daalaa ange agu muna gi gilaadeu, e dee hilihili be gilaadeu e llodo e hagallongo aabe deai; go hiidinga gilaadeu ni dangada hagamaanege.

Ezekiel 2:7 Referans Kwoze

Jeremiah 23:28

De pelaabisi gu hai laa dahi midi gi daalaa dana midi, aagai tangada e daohia agu muna gi kana ange gi daalaa agu muna i de heohi. Gai e dee dagodo daudahi donu lau o de grain ma denga hua, go Tagi Maolunga e hagadaba.

Ezekiel 3:17

“Tama a tangada, au gu hili goe gi se dangada dagitilo niio de gau Israel; gai de masavaa naa huu aau e langona ai agu muna e tala adu, gai koe ga hagakana ange ai gilaadeu.

Ezekiel 3:10

Ia ne hai mai hogi gi de au, “Tama a tangada, hagalaangona muna alodahi aagu e tala adu gi de goe ma gi daohia i oo lodo.

Ezekiel 2:5

Gai e dee galemu be gilaadeu e hagallongo agu muna aabe deai — go hiidinga gilaadeu se huaadangada hagamaanege — gai gilaadeu gi iloo bolo dahi pelaabisi gu humai gi olaadeu magavaa.

Jeremiah 1:7

Aagai Tagi Maolunga ne hai mai gi de au, “Aude hai mai, ‘Au se gauligi donu huu;’ go hiidinga koe e hai naa donu gi hano gi daho dangada alodahi aagu e tala adu koe gi hano gi olaadeu daha, gi daalaa ange muna alodahi aagu e tala adu.

Jeremiah 1:17

Aagai koe hagadabena ina oo mee hannoo daalaa ange gi gilaadeu muna alodahi aagu e tala adu gi de goe. Aude madagu donu i gilaadeu, kana haia e au goe gi kona doo madagu i gilaadeu.

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Jonah 3:2

“Hidi age hannoo gi de aduhale laumalie go Nineveh ma gi daalaa ange ai agu muna e tala adu gi de goe.”

Jeremiah 26:2

“E hagadaba Tagi Maolunga: Hannoo duu i lo te buibui o de hale o Tagi Maolunga basa ange ai gi dangada alodahi i denga aduhale o Judah, e loomai laa e daumaha i de hale o Tagi Maolunga. Gai koe ga tala ange muna alodahi aagu e tala adu gi de goe; aude hagamuunia donu dahi mee daudahi!

Jeremiah 7:27

Gai ga daalaa ange naa donu e goe mee nei gi gilaadeu, aagai gilaadeu e dee hagallongo adu; gai ga hagahia naa donu e goe gilaadeu, gai gilaadeu e dee pasa adu naa donu.

Jeremiah 17:20

gai koe ga hai ange gi gilaadeu, ‘Goodou hagalaangona muna a Tagi Maolunga, denga hodooligi o Judah ma dangada o Judah aama dangada alodahi e nnoho i Jerusalem, gai e ulu i denga haitoga nei.

Jeremiah 36:14

Gai denga dagi alodahi ne hai Jehudi tama daane a Nethaniah, tama daane a Shelemiah, tama daane a Cushi gi hano gi hai ange gi Baruch, “Humai gaamai de beebaa mulo aau ne dau ange laa gi dangada.” Gai Baruch tama daane a Neriah ne gaamai de beebaa mulo laa ga humai ai gi olaadeu daha.

Jeremiah 42:21

Gai au gu tala adu gi goodou anailaa nei, mee alodahi aana ne gaamai au gi daalaa adu gi goodou, gai goodou e dee hagallongo ange gi Tagi Maolunga doodou Maadua.

Ezekiel 11:25

Gai au ga tala ange gi dangada ne gaavee gee laa mee alodahi a Tagi Maolunga gu hagaago mai gi de au.

Ezekiel 12:2

“Tama a tangada, koe e noho i magavaa o dahi huaadangada hagamaanege. E hanu olaadeu ganomada e tilo ai, aagai gilaadeu e dee gidee; e hanu olaadeu dalinga e hagallongo ai, aagai gilaadeu e dee langona, go hiidinga gilaadeu se huaadangada hagamaanege.

Ezekiel 20:27

Deenei ai, tama a tangada, basa ange gi de gau Israel hai ange gi gilaadeu, ‘E hagadaba de Ia Aamua go Iahweh: Deenei hogi de hai a oodou dubuna madagidagi ne hagangadi mee ai au, ma tee hai hegau mai gi de au i de mee abodonu.

Ezekiel 33:7

Gai koe, tama a tangada, au gu hili goe e hai ai tangada dagitilo o de gau Israel; gai koe ga hagallongo agu muna e tala adu ga hagakana ange ai gilaadeu.

Ezekiel 40:4

Gai taane laa ne hai mai, “Tama a tangada, galo ange diiloo i luoo ganomada, gai hagalaangona i luoo dalinga ma de daohi mee alodahi aagu gu dai hagaago adu gi de goe, gai aanei hiidinga aagu ne gaamai ai nei goe gi kinei. Gai koe ga tala ange ai gi de gau Israel mee alodahi aau gu gidee.”

Amos 3:13

Goodou hagalaangona ma de tala mee nei e hai baasi ange gi de aamuli o Jacob, go de Ia Aamua go Iahweh, de Maadua o denga hagabuulinga hebagi e hagadaba.

Exodus 6:29

gai ia ne hai ange, “Go au donu go Iahweh! Gai koe daalaa ange gi Pharaoh, de hodooligi o Egypt agu muna alodahi e tala adu gi de goe.”

Jeremiah 6:28

Gilaadeu alodahi ni dangada makaga olaadeu lodo ma de hagamaanege, gai e hulo saele ma e hai samu i dangada. Gilaadeu e makaga bei denga bronze ma iron; gilaadeu alodahi e hai hegau hakino gee.

Jeremiah 34:6

Gai de pelaabisi go Jeremiah ne hano ga tala ange muna nei alodahi gi Zedekiah, de hodooligi o Judah i Jerusalem,

Jeremiah 44:20

Gai Jeremiah ga hai ange gi dangada alodahi, go daane ma haahine, ne pasa ange laa gi de ia:

Ezekiel 3:4

Gai ia ne hai mai gi de au, “Tama a tangada, hannoo gi daho de gau Israel daalaa ange agu muna gi gilaadeu.