Ezekiel 2:4 - De Beebaa Dabu

⁴ Gai olaadeu hagadiilinga ni dangada hagamaanege ma de makaga olaadeu lodo. Gai au e hai goe gi hano gi hai ange gi gilaadeu, ‘E hagadaba de Ia Aamua go Iahweh.’

Ezekiel 2:4 Referans Kwoze

Ezekiel 3:7

Aagai de gau Israel e dee llodo e hagallongo au muna, go hiidinga gilaadeu e dee llodo e hagallongo agu muna, gai dangada alodahi o Israel e hagamaanege ma de hagamakaga olaadeu lodo.

Jeremiah 6:15

E aha, gilaadeu e dee dookaa laa donu i alaadeu hegau hakino gee? E deai, gilaadeu e dee dookaa donu; gilaadeu e dee iloo donu be se aha de dookaa. Gai gilaadeu e maakau naa hogi madali gilaadeu gu maakau laa; gilaadeu e hagadee kii naa i de masavaa aagu e hagaduasala ai gilaadeu,” go Tagi Maolunga e hagadaba.

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Isaiah 48:4

Gai au e iloo bolo koe e makaga oo lodo; doo ua e makaga bei iron, gai doo lae e makaga bei bronze.

Psalm 95:8

gai goodou gi dee hagamakaga ina oodou lodo, bei oodou mee ne hai i Meribah, aama mee ne hai i de laangi i de vao o Massah,

Matthew 10:16

“Tilo, au e hai goodou gi hulo bei dagodo o denga ssiibi i magavaa o denga wolf. Deenei ai, goodou gi heiangi bei denga labodo, gai gi daudonu bei dagodo o denga manu kono.

Jeremiah 8:12

Gai gilaadeu e dookaa laa donu i alaadeu hegau hakino gee? E deai, gilaadeu e dee dookaa donu; gilaadeu e dee iloo donu be se aha de dookaa. Deenei ai, gilaadeu e maakau naa madali gilaadeu gu maakau laa; gilaadeu e hagadee kii ina naa i de masavaa o de hagaduasala, go Tagi Maolunga e hagadaba.

Jeremiah 3:3

Deenei ai, de langi gu daohi gi dee pala, gai gu dee pala de langi i taamada o de ngadau. Gai koe gu bei dagodo o de hine hai be se manu; koe e dee dogaa donu i au hegau hagadookaa dangada.

Proverbs 21:29

Tangada baubau e hagassee, aagai tangada e heohi laa, e hagasaele dono hai e seesee ai.

2 Chronicles 36:13

Ia ne hai baasi ange hogi gi de hodooligi go Nebuchadnezzar, go de hodooligi ne haia laa ia gi hagatoo donu i de ingoo o de Maadua. Ia tee hagamaolalo gai ne hagamakaga ono lodo aama tee dahuli ange ono lodo gi Tagi Maolunga, de Maadua o Israel.

2 Chronicles 30:8

Goodou aude hagamakaga ina oodou lodo bei oodou dubuna madagidagi, gai dugua ange goodou gi Tagi Maolunga, ma de loomai gi dono hale dabu, aana gu lava laa i de hagadabu ga hano ai. Goodou daumaha ange gi Tagi Maolunga doodou Maadua, gi dee hagaduasala ina ai e ia goodou i dono bole.

1 Kings 22:14

Aagai Micaiah ga hai ange, “Au e hagatoo donu i de mouli o Tagi Maolunga, bolo be aahee naa huu muna a Tagi Maolunga e tala mai gi de au, gai aalaa hogi agu muna e tala.”

Deuteronomy 31:27

Go hiidinga au e iloo bolo goodou e kona donu de hai oodou hai ma de makaga oodou lodo. Iainei donu i dogu masavaa goi mouli ai, gai goodou e hai baasi ange donu gi Tagi Maolunga, gai e kii ange naa donu doodou hai mee nei i dua dogu magau.

Deuteronomy 10:16

Deenei ai, goodou tuu dagaholiage ina oodou lodo, gai gi dee hagamakaga ina oodou lodo.

Jeremiah 1:7

Aagai Tagi Maolunga ne hai mai gi de au, “Aude hai mai, ‘Au se gauligi donu huu;’ go hiidinga koe e hai naa donu gi hano gi daho dangada alodahi aagu e tala adu koe gi hano gi olaadeu daha, gi daalaa ange muna alodahi aagu e tala adu.

Jeremiah 36:21

Gai de hodooligi ga hai Jehudi gi hano gi gaamai de beebaa mulo laa, gai ia ga hano ga gaamai de beebaa laa i lo te aabi o tangada sisi go Elishama. Gai Jehudi ga dau ange de beebaa mulo laa gi de hodooligi ma denga dagi alodahi e tuu laa i gaogao o de hodooligi.

Amos 7:15

gai Tagi Maolunga ne kave gee au gi dee diiloo ange denga ssiibi, gai Tagi Maolunga ne hai mai gi de au, ‘Hannoo basa pelaabisi ange gi de gau Israel.’

Zechariah 7:12

Gilaadeu ne hagamakaga olaadeu lodo bei de hadu go de diamond, gai tee daudali i de hainga, aabe go muna a Tagi o denga hagabuulinga hebagi gu tala i daho denga pelaabisi madagidagi, i ssauaa o dono Hagasaalunga. Gai au, Tagi o denga hagabuulinga hebagi gu lili mmao.

Ezekiel 3:4

Gai ia ne hai mai gi de au, “Tama a tangada, hannoo gi daho de gau Israel daalaa ange agu muna gi gilaadeu.

Ezekiel 3:11

Gai koe hannoo gi dangada o doo henua ne gaavee laa gi dahi henua gee, ga tala ange gi gilaadeu ga hai ange, ‘E hagadaba de Ia Aamua go Iahweh;’ e dee hilihili be gilaadeu e llodo e hagallongo aabe deai.”

Ezekiel 3:27

Aagai de masavaa naa huu oogu e ahe ange ai ga basa adu gi de goe, gai au ga hai gi dee lau doo alelo, gai koe ga hai ange gi gilaadeu, ‘E hagadaba de Ia Aamua go Iahweh.’ Tangada e lodo e hagallongo gai ia gi hagalaangona, gai tangada e dee lodo e hagallongo, ia gi dee hagalaangona, go hiidinga gilaadeu ni dangada hagamaanege.