Ezekiel 19:9 - De Beebaa Dabu

⁹ Gai gilaadeu ne hagalau ia ga dada ange gi lo te buibui manu, ga kave ai gi de hodooligi o Babylon. Gilaadeu ne hhao ia gi lo te hale pono, gai dee langona ange ai dono haganngolo i honga denga mounga o Israel.

Ezekiel 19:9 Referans Kwoze

2 Chronicles 36:6

Gai Nebuchadnezzar de hodooligi o Babylon ne humai ga hebagi ange gi de ia, ga nnoa ia i daula baalanga ga kave gi Babylon.

Ezekiel 6:2

“Tama a tangada, basa pelaabisi hai baasi ange gi denga mounga o Israel,

Ezekiel 36:1

“Gai koe, tama a tangada, basa pelaabisi ange gi denga mounga o Israel, hai ange: Mounga o Israel, goodou hagalaangona muna a Tagi Maolunga.

Ezekiel 19:7

Ia ne oha olaadeu mommee buibui makaga, ma de oha ga odi olaadeu aduhale. De henua ma dangada alodahi e nnoho ai, gu maatagu i dono haganngolo.

2 Kings 24:15

Gai ia ne noonooa Jehoiachin, ma dono dinana, ma ono bodu, ma dagi o de henua, ma de gau maolunga o de henua, ga kave mai i Jerusalem gi Babylon.

2 Kings 19:28

Koe e kona donu doo lili i de au, gai au gu langona dagodo o doo hagamaolunga; deenei ai, au e hagalau naa doo usu i dahi maadau, ma de nnoa doo ngudu i dahi mee ga dagi ai goe, ga hagaahe i de haiava mau oou ne humai ai naa.’

2 Kings 23:33

Gai Pharaoh Neco ne nnoa ia i Riblah, i de henua go Hamath, gi dee hodooligi ai ia i Jerusalem, gai ia ga hai dangada o Judah gi hagao ina e lau talent selevaa ma e dahi talent goolo.

Jeremiah 22:17

Aagai koe e nnoo ange ma de lodo i goloa e maua i de hadu muna, ma de daa gi maakau dangada tigi haisala, ma de hagaduasala aama de vaivai hai dangada.”

Ezekiel 34:4

Goodou e dee hagammahi de ia gu baageaa, gai e dee hagaieiangi de ia gu mmagi, aabe saabini maanuga o de ia gu lagohia. Goodou tee hagaahe mai ssiibi gu ssenga saele laa, aabe ne ssala de ia gu dee maaleva laa. Goodou ne hagaduasala gilaadeu ma de vaivai hai gilaadeu i doodou dagi gilaadeu.