Ezekiel 19:7 - De Beebaa Dabu

⁷ Ia ne oha olaadeu mommee buibui makaga, ma de oha ga odi olaadeu aduhale. De henua ma dangada alodahi e nnoho ai, gu maatagu i dono haganngolo.

Ezekiel 19:7 Referans Kwoze

Ezekiel 30:12

Au e hai naa hogi denga vai o Nile gi deai vai iai, ma de hagao ange de henua gi de gau baubau; gai au e hai naa de gau henua gee gi oohaa de henua ma mee alodahi iai. Go au go Iahweh ne daalaa mee nei!

Micah 1:2

Goodou denga huaadangada alodahi, nnoho mai hagalaangona, henua i lalo ma dangada alodahi e nnoho ai, goodou aanga mai hagalaangona, gai de Ia Aamua go Iahweh ga hagabaubau goodou, de Ia Aamua mai i dono temple dabu.

Amos 6:8

De Ia Aamua go Iahweh gu hagatoo donu i dono ingoo, go Tagi Maolunga, de Maadua o denga hagabuulinga hebagi e hagadaba: “Au e kino i de hagamaolunga o Jacob, ma ono mommee buibui makaga; gai au e dugu ange naa de aduhale ma mee alodahi iai gi olaadeu hagadaumee.”

Ezekiel 22:25

Ono pelaabisi gu heloongoi i dahi mee, gilaadeu e bei de laiono e haganngolo laa i dana masavaa e gai ai de manu aana gu mau; gilaadeu e daa dangada gi maakau, gilaadeu e kave goloa ma mee hagamogomogo ma de hai gi soa haahine gu maakau olaadeu bodu i kilaa.

Ezekiel 12:19

Gai koe ga hai ange gi dangada o de henua: ‘E hagadaba de Ia Aamua go Iahweh i dagodo o dangada e nnoho i Jerusalem, i de henua o Israel: Gilaadeu e gai naa alaadeu gai ma de unu alaadeu vai i de manavasaa olaadeu lodo aama de maatagu, go hiidinga mee alodahi i delaadeu henua e gaavee gee naa, i hiidinga dangada e nnoho i kilaa ne vaivai hai dangada.

Proverbs 28:3

Tagi e vaivai haia laa de gau hagaau aloha, e bei de langi maadolu e haia laa ga deai gai.

Proverbs 19:12

De bole o de hodooligi e bei de hagangolo o de laiono, aagai dono abodonu e bei de mee suungia e hano iho laa gi honga helii.

Ezekiel 19:6

Ia ne haganngolo i magavaa o denga laiono, go hiidinga ia gu se laiono mmahi. Ia ne ago de hai e daa ai denga manu, gai ia gu laiono gai dangada.

Ezekiel 19:8

Gai denga huaahenua ne hagadabena e hebagi ange gi de ia, ma gilaadeu i denga mommee i ono gaogao. Gilaadeu ne buulou ia i delaadeu galauna, gai ia gu haaoa gi lo te laadeu geelinga.

Ezekiel 45:8

De henua nei go dono mommee e henua ai i Israel. Denga dagi aagu gu hili gi dee vaivai haia dogu huaadangada, aagai gi dugua ange de gau Israel gi gaavee olaadeu vaaenga gi bei de soa o olaadeu aamuli.

2 Kings 23:33

Gai Pharaoh Neco ne nnoa ia i Riblah, i de henua go Hamath, gi dee hodooligi ai ia i Jerusalem, gai ia ga hai dangada o Judah gi hagao ina e lau talent selevaa ma e dahi talent goolo.

Jeremiah 22:17

Aagai koe e nnoo ange ma de lodo i goloa e maua i de hadu muna, ma de daa gi maakau dangada tigi haisala, ma de hagaduasala aama de vaivai hai dangada.”

Ezekiel 34:4

Goodou e dee hagammahi de ia gu baageaa, gai e dee hagaieiangi de ia gu mmagi, aabe saabini maanuga o de ia gu lagohia. Goodou tee hagaahe mai ssiibi gu ssenga saele laa, aabe ne ssala de ia gu dee maaleva laa. Goodou ne hagaduasala gilaadeu ma de vaivai hai gilaadeu i doodou dagi gilaadeu.